2-тиркеме

КР Министрлер Кабинетинин 2021-жылдын 24-декабрындагы № 349 токтому менен бекитилген

Программалык негизде бюджеттерди түзүү,

кароо жана аткаруу боюнча нускама

1-глава. Жалпы жоболор

1. Бул Нускама Кыргыз Республикасынын Бюджеттик кодексинин 84, 85-беренелерине ылайык иштелип чыкты жана бюджеттик каражаттардын башкы тескөөчүлөрүнө (мындан ары – БКБТ) жайылтылат.

2. Бул Нускамалар төмөнкүлөрдү белгилейт :

1) БКБТнын программалык негизде бюджеттин долбоорлорун түзүү жана кароо тартибин (мындан ары – программалык бюджеттер);

2) БКБТнын программалык бюджеттерин аткаруу тартибин;

3) бюджеттик программалардын жана чаралардын натыйжалуулугунун индикаторлоруна аныктоого карата талаптарды.

3. Бул Нускамада колдонулуучу негизги түшүнүктөр жана терминдер:

бюджеттик программанын администратору – бюджеттик программаны пландоо жана ишке ашыруу процессин координациялоо үчүн жоопкерчилик тартуучу БКБТнын кызмат адамы.

бюджеттик чара – бюджеттик программанын ишке ашырылышына түздөн-түз өбөлгө түзүүчү иштин түрлөрүн (иш-чаралар, инвестициялык долбоорлор, туруктуу аткарылуучу функциялар, үзгүлтүксүз сатып алуулар) билдирген бюджеттик программанын курамдык бөлүгү;

бюджеттик программа – бюджеттик каражаттар менен камсыз кылынуучу, өнүктүрүүнүн улуттук стратегиясынын жана/же стратегиялык/программалык документтердин максаттары жана/же мамлекеттик башкаруунун/жергиликтүү өз алдынча башкаруунун функциялары менен байланышкан натыйжаларга жетүүгө багытталган өз ара байланышкан чаралардын комплекси. Бюджеттик программа сектордун/тармактын милдеттеринин бирин аткарууга багытталат;

натыйжалуулук индикаторлору – пландалган натыйжаларга жетүү даражасын же сектордун/тармактын конкреттүү абалын мүнөздөөчү көрсөткүчтөр же сектордун/тармактын конкреттүү абалы. Натыйжалуулук индикаторлору сектордун/тармактын максаттарына жетүү үчүн багыт катары же БКБТнын ишин баалоо критерийлери катары колдонулат;

контролдук цифралар – бюджеттик каражаттардын чектүү көрсөткүчү, анын негизинде бюджеттик мекемелердин чыгымдарын түзүү ишке ашырылат;

бюджеттик программанын паспорту – жооптуу аткаруучулардын ишинин максатын, багытын, бюджеттик программанын натыйжалуулук көрсөткүчтөрүн жана башка мүнөздөмөлөрүн, анын ичинде программанын максатына жетүүгө багытталган каражаттардын суммасын аныктоочу документ;

программалык түзүм – бюджеттик программалардын жана аларды түзүүчү бюджеттик чаралардын тизмеги;

стратегиялык максат – сектордун/тармактын конкреттүү абалы, коомдук көз караштан алганда ага жетүү ылайыктуу болуп саналат;

ыйгарым укуктуу мамлекеттик орган – бюджетти болжолдоо жана аткаруу боюнча ыйгарым укуктуу мамлекеттик орган.

2-глава. Уюштуруу маселелери жана мөөнөттөрү

4. БКБТ бюджеттик программалардын администраторлорунун, профилдик, стратегиялык, экономикалык жана финансылык бөлүмдөрдүн жана ведомстволук уюмдардын өкүлдөрүнүн арасынан жумушчу топту түзөт (мындан ары – жумушчу топ). БКБТнын жумушчу тобун министрдин орун басары же БКБТнын аппарат жетекчиси жетектейт.

5. Сот системасынын программалык бюджетинин долбоору Судьялар кеңешинин Бюджеттик комиссиясы тарабынан түзүлөт. Жергиликтүү деңгээлдеги программалык бюджеттин долбоору ар бир жергиликтүү өз алдынча башкаруу органы тарабынан өз алдынча түзүлөт.

6. БКБТ, Судьялар кеңешин жана жергиликтүү өз алдынча башкаруу органдарын кошпогондо, 25-июнга чейинки мөөнөттө ыйгарым укуктуу мамлекеттик органга жумушчу топту түзүү жөнүндө ведомстволук актыны, ошондой эле ыйгарым укуктуу мамлекеттик орган менен өз ара аракеттенүүнү жүзөгө ашыруучу жооптуу кызматкердин байланышуу маалыматтарын жиберет.

7. Республикалык бюджеттен каржылануучу БКБТнын жумушчу тобунун иши төмөнкү иштөө графигине ылайык жүргүзүлөт:

8. Судьялар кеңешинин сот системасынын программалык бюджетинин долбоорун даярдоо боюнча бюджеттик комиссиясынын иштөө графиги өз алдынча түзүлөт. Программалык бюджеттин долбоорун даярдоо боюнча жергиликтүү өз алдынча башкаруу органдарынын иштөө графиги ыйгарым укуктуу мамлекеттик органдын сунуштамасы боюнча алар тарабынан өз алдынча бекитилет.

9. БКБТ ушул Нускаманын 1, 3¹ жана 3²-тиркемелерине ылайык формалар боюнча программалык бюджеттердин долбоорлорун, ушул Нускаманын 4-тиркемесинде каралган түзүм боюнча түшүндүрмө катты түзөт. Электрондук таблицаларды толтурууда аларды форматтоону жана шрифттерин өзгөртүүгө жол берилбейт. Бюджеттик программалардын паспорттору ушул Нускаманын 5-тиркемесинде каралган форма боюнча толтурулат.

10. Программалык бюджеттердин долбоорлору ыйгарым укуктуу мамлекеттик органга мамлекеттик жана расмий тилдерде, кагаз жана электрондук сактагычтарда берилет.

11. Бюджеттик программалардын паспортторунун долбоорлору программалык бюджеттин долбоорун даярдоо стадиясында БКБТ тарабынан түзүлөт. Бюджеттик программалардын паспортторун бекитүү БКБТнын жетекчиси тарабынан тийиштүү бюджет бекитилгенден кийин 10 жумуш күндүн ичинде ишке ашырылат. Бюджеттик программалардын паспортторун бекитүү жөнүндө чечимдердин көчүрмөлөрү беш жумуш күндүн ичинде ыйгарым укуктуу мамлекеттик органга берилет. Бюджеттик программалардын паспорттору БКБТнын жана ыйгарым укуктуу мамлекеттик органдын ведомстволук сайттарында милдеттүү түрдө жарыяланууга тийиш. Бюджеттик программалардын паспортторун толтуруу боюнча методикалык сунуштамалар ыйгарым укуктуу мамлекеттик органдын чечими менен бекитилет.

12. Программалык бюджеттин долбоору боюнча документтердин топтому ушул Нускаманын 6-тиркемесинде берилген тизмекке ылайык түзүлөт жана ыйгарым укуктуу мамлекеттик органга берилет.

3-глава. Программалык бюджеттин ресурстук бөлүгү

13. БКБТнын бюджеттик программалары боюнча чыгымдардын жалпы суммасы контролдук цифрадан ашпоого тийиш.

14. Программаларды бюджеттен тышкаркы каржылоо булактары (өнүктүрүү боюнча өнөктөштөрдүн ырасталган каражаттары, өнүктүрүү фонддорунун каражаттары), жеке каражаттар, ошондой эле программанын максатына жетүүгө багытталган бюджеттик системанын башка бюджеттеринин каражаттары болгон учурда жогоруда көрсөтүлгөн каражаттар өзүнчө чаралар менен бюджеттик программанын паспортунда көрсөтүлөт. Мындай чараларга чыгымдардын программалык классификациясынын коду берилбейт. Ушул Нускаманын 5-тиркемесинде каралган форма боюнча түзүлгөн бюджеттик программанын паспортунда жалпы суммасы, анын ичинде программаны каржылоонун бардык булактары, ошондой эле тиешелүү бюджеттен бөлүнгөн каражаттардын жалпы суммасы көрсөтүлөт.

15. Сот системасынын бюджеттик программалары боюнча чыгымдардын жалпы суммасы сот системасы боюнча мурунку бюджеттик циклдин фискалдык саясатынын негизги багыттары менен аныкталган контролдук цифрадан ашпоого тийиш.

16. Контролдук цифралардын алкагынан тышкары каржылоону талап кылган бюджеттик программалар/чаралар программалык бюджеттин түшүндүрмө катында бюджеттик чараны баяндоо түрүндө берилет (ушул нускаманын 4-тиркемеси).

4-глава. Бюджетти программалык негизде түзүү

1-§. БКБТнын стратегиялык максатын жана милдеттерин аныктоо

1. Бюджетти программалык негизде түзүү БКБТга таандык болгон сектордун/тармактын стратегиялык максатын аныктоодон башталат. БКБТ конкреттүү секторго/тармакка таандык болбогон учурларда БКБТнын стратегиялык максаты баяндалат. Эгерде сектордун/тармактын стратегиялык максаты мурда түзүлгөн жана ыйгарым укуктуу мамлекеттик орган менен макулдашылган болсо, анда тармактык саясатты кайра кароого же жүргүзүлүп жаткан реформаларга байланыштуу максаттарды баяндоону кайра кароо зарыл болгон учурларды кошпогондо, ал мурдагы вариантта калат.

2. Максаттарды баяндоого төмөнкү талаптар коюлат:

1) улуттук деңгээлдеги өнүктүрүү стратегияларынын/программаларынын жана/же секторалдык стратегиялык/программалык документтердин артыкчылыктарына ылайык келүүсү;

2) баяндоону тактыгы, аныктыгы жана кыскалыгы;

3) жетишүүчүлүк жана ченемдүүлүк (артыкчылыктуу);

4) БКБТнын ишинин коомдук маанилүүлүгүн/пайдасын чагылдыруу;

5) процесске эмес, белгилүү бир натыйжага жетүүгө багытталгандык.

Стратегиялык максатты баяндоо төмөнкүлөрдү камтууга тийиш эмес:

– аны түшүнүүнү татаалдаштыруучу атайын терминдерди жана кыскартууларды;

– эркин же көп мааниде чечмеленүүгө жол берген терминдерди, түшүнүктөрдү жана сүйлөмдөрдү;

– стратегиялык максаттын дал өзүнө жетүүнүн натыйжасы болгон башка максаттарга, милдеттерге, майнапка же натыйжаларга көрсөтмөлөрдү;

– максатка жетүүнүн жолдорун, каражаттарын жана методдорун баяндоону.

3. БКБТнын секторунун/тармагынын милдеттери стратегиялык максатка жетүүгө багытталууга жана иштин негизги артыкчылыктуу багыттарын чагылдырууга тийиш. БКБТнын секторунун/тармагынын милдеттери бюджеттик программаларды аныктоо үчүн негиз болуп саналат.

4. Сектордун/тармактын милдеттери төмөнкү талаптарга жооп берүүгө тийиш:

- милдеттер улуттук деңгээлди өнүктүрүү стратегияларынын/программаларынын жана/же секторалдык стратегиялык/программалык документтердин артыкчылыктарына ылайык келүүгө тийиш;

- милдеттерди баяндоо кыска жана так, аларды түшүнүүнү татаалдаштыруучу атайын терминдерсиз жана кыскартууларсыз болууга тийиш;

- милдеттер сектордун стратегиялык максатын баяндоону кайталабоого тийиш;

- милдеттердин саны көп болбоого тийиш (5тен ашпоо сунушталат);

- БКБТнын секторунун/тармагынын милдеттеринин жыйындысы сектордун/тармактын максатына карата зарылчылык (ар бир милдетти чечүү максатка жетүү үчүн зарыл шар болуп саналат) жана жетиштүүлүк (бардык милдеттерди чечүү максатка жетүү үчүн жетиштүү шарт болуп саналат) принциптерине жооп берүүгө тийиш;

- БКБТнын ишин камсыз кылууга багытталган милдеттерди коюуга жол берилбейт;

- милдеттердин тизмеси БКБТнын ишин жөнгө салуучу жобонун функцияларынын тизмесин кайталабоого тийиш;

- секторду/тармакты каржылоо көйгөйлөрүн чечүү милдет катары каралбашы керек.

5. Эгерде, БКБТнын секторунун/тармагынын милдеттери мурда түзүлгөн жана ыйгарым укуктуу мамлекеттик орган тарабынан кабыл алынган болсо, анда алар тармактык саясатты кайра кароого же жүргүзүлгөн реформаларга байланыштуу кайра кароо зарыл болгон учурларды кошпогондо, мурдагы редакцияда калат.

6. Баяндалган максаттар жана милдеттер ушул Нускаманын 4-тиркемесине ылайык форма боюнча программалык негизде бюджеттин долбооруна түшүндүрмө катка киргизилет.

2-§. Бюджеттик программаларды аныктоо

1. БКБТнын ишинин өз ара байланышкан негизги багыттары БКБТнын секторунун/тармагынын алардын бириктирүүчү милдеттерине ылайык бюджеттик программаларга топтоштурулат.

2. Бюджеттик программаларды баяндоого карата төмөнкү талаптар коюлат:

1) сектордо/тармакта мамлекеттик саясаттын артыкчылыктарына ылайык келиши жана улуттук деңгээлди өнүктүрүү стратегияларынын/программаларынын жана/же секторалдык стратегиялык/программалык документтердин артыкчылыктары менен так өз ара байланышы.

2) бюджеттик программанын БКБТнын секторунун/тармагынын милдеттеринин бирин чечүүгө багытталышы;

3) бюджеттик программалардын аталышынын кыскалыгы. Бюджеттик программанын аталышында атайын терминдерди жана аббревиатураларды колдонууга тыюу салынат;

4) бюджеттик программалардын санынын негиздүүлүгү (бюджеттик программалардын саны БКБТнын секторунун/тармагынын милдеттеринин санынан аз болушу мүмкүн эмес жана өтө көп болбоого тийиш );

5) программалык түзүмдүн убакыт аралыгында туруктуулугу. Жаңы бюджеттик программалар ыйгарым укуктуу мамлекеттик орган менен макулдашуу боюнча программалык бюджетке киргизилет;

6) БКБТнын бюджетинин чегинде каржылануучу реформаларды жүргүзүү боюнча иштер жана инвестициялык долбоорлор бюджеттик программалардын курамында бюджеттик чара түрүндө чагылдырылат;

7) каржылоо же каржылоонун көлөмүн көбөйтүү программа болуп саналбайт;

8) бюджеттик программа коомдук жактан маанилүү болушу керек – БКБТнын ишинин пайдасын көрсөтүшү керек жана БКБТнын көйгөйлөрүн чечүүгө багытталууга тийиш эмес.

3. Эгерде сектордун/тармактын бюджеттик программалары мурда программанын бюджетинде же БКБТ БЧОСто баяндалган жана ыйгарым укуктуу мамлекеттик орган менен макулдашылган болсо, анда алар төмөнкүдөй себептер боюнча гана өзгөрүп, мурдагы редакцияда калат:

- Кыргыз Республикасынын Министрлер Кабинетиндеги жана БКБТнын ичиндеги кайра түзүүлөр;

- өзгөртүүлөр процессинин натыйжасы катары БКБТнын функцияларын кардиналдуу кайра карап чыгуу;

- программалык түзүмдү оптималдаштыруу (чакан программаларды бириктирүү же чоң программаларды дезагрегациялоо);

- тармактык саясатты кайра карап чыгуу.

4. БКБТ бюджетинин программалык түзүмүндө чыгымдарды негизги бюджеттик программалар боюнча бөлүштүрүү татаал болгон бөлүмдөрдүн функцияларын камтыган “Башкаруу жана администрациялоо” стандарттык бюджеттик программасы чагылдырылат. Бул программаны ишке ашыруу башка программаларды ишке ашырууга координациялык жана уюштуруучулук таасирин тийгизет.

5. “Башкаруу жана администрациялоо” бюджеттик программасына төмөнкүлөр кирет: жогорку жетекчилик; финансылык кызмат; мониторинг жүргүзүү жана контролдоо үчүн жооптуу бөлүмдөр; адам ресурстарын башкаруу; эл аралык мамилелер; юридикалык кызмат; ички аудит; коомчулук менен байланыш кызматтары, басма сөз-катчылары, көмөкчү кызматтар ж.б. БКБТнын борбордук аппаратынын бардык чыгымдарын бул программага киргизүүгө жол берилбейт. “Башкаруу жана администрациялоо”  программасы үчүн ушул Нускаманын “Бюджеттик чараларды аныктоо” 3-§ берилген эки стандарттык бюджеттик чара каралган. 

6. “Башкаруу жана администрациялоо” программасы бюджеттик программалардын тизмесинде биринчи көрсөтүлөт.

7. Бюджеттик программа так жана кыска баяндалуучу жана конкреттүү, жетишилүүчү, ченемдүү, сектордун/тармактын кызматтарын тышкы керектөөчүгө багытталган, натыйжага жетүүгө багытталган максатка ээ. Максатты баяндоо аны түшүнүүнү татаалдаштырган атайын терминдерди камтыбашы керек.

8. Ар бир бюджеттик программа үчүн орто мөөнөттүү же узак мөөнөттүү мезгилдеги пландуу көрсөткүчтүн маанисин көрсөтүү менен кыска, түшүнүктүү баяндалган күтүлүүчү натыйжалар аныкталат.

9. Баяндалган бюджеттик программалар программалык негизде бюджеттин долбоорунун түшүндүрмө катка (ушул Нускаманын 4-тиркемеси) жана “Бюджеттик программалардын жана чаралардын түзүмү” таблицасына (ушул Нускаманын 1-тиркемеси) киргизилет. Таблицаны толтурууда атайын графада программлык бюджеттик классификациянын коддоруна туура келген бюджеттик программалардын коддору көрсөтүлөт. Программалык бюджеттик классификациянын коду жок болгон учурда, бюджеттик программа кийин ага белгиленген тартипте код берүү үчүн “жаңы программа” катары көрсөтүлөт.

3-§. Бюджеттик чараларды аныктоо

1. Бюджеттик чаралар бюджеттик программанын максатына жетүүгө багытталышы керек. Бюджеттик чараларды баяндоо программанын максаттарына жетүү жолдорун аныктоо жана программаларды БКБТнын түзүмдүк бөлүмдөрү менен байланыштыруу үчүн керек.

2. Бюджеттик чараны ишке ашыруу БКБТнын түзүмдүк же ведомстволук бөлүмү/уюму тарабынан жүзөгө ашырылат. Эгерде БКБТнын аймактык бөлүмдөрүнүн ишин бюджеттик программалардын бирине түздөн-түз киргизүү мүмкүн болбосо (мисалы, аймактык бөлүм аз сандагы персонал менен функциялардын кеңири түрүн аткарган учурда), анда бардык аймактык бөлүмдөр таандык “Башкаруу жана администрациялоо” программасына кирет.

3. Программалардын алкагында бюджеттик чараларды системалаштыруу жана аларды бөлүмдөрдүн ортосунда бөлүштүрүү үчүн ушул Нускаманын 1-тиркемесинде көрсөтүлгөн “Бюджеттик программалардын жана чаралардын түзүмү” таблицасын колдонуу зарыл.

4. “Башкаруу жана администрациялоо” программасы үчүн эки стандарттык бюджеттик чара каралган:

1) “Борбордук деңгээлде секторду/тармакты башкаруу жана администрациялоо” – БКБТнын борбордук аппаратынын чыгымдарын чагылдырган бюджеттик чара (тармактык бюджеттик программаларды администрациялоочу түзүмдүк бөлүмдөр боюнча чыгымдарды алып салуу);

2) “Региондук деңгээлде администрациялоо” – бул бир бюджеттик программага же чарага киргизүүгө мүмкүн болбогон функциялардын кеңири түрүн аткаруучу БКБТнын аймактык бөлүмдөрүнүн чыгымдарын чагылдырган бюджеттик чара.

Бул бюджеттик программа үчүн башка бюджеттик чараларды колдонууга жол берилбейт.

5. Бюджеттик чара ушул Нускаманын 4-тиркемесинде берилген форма боюнча аны аткарууга жооптуу бөлүмдөр же БКБТнын ведомстволук уюмдары тарабынан баяндалууга тийиш жана программалык бюджеттин долбоорун топтоо үчүн жооптуу жумушчу топтун мүчөлөрүнө берилет.

6. Кошумча каржылоону талап кылган иштин жаңы артыкчылыктуу багыттары боюнча бюджеттик чаралар программалык бюджетке түшүндүрмө каттын “жаңы чара” деп белги менен “Сценарийлер” бөлүмүндө көрсөтүлөт (ушул Нускаманын 4-тиркемеси). Программанын ичиндеги артыкчылыктар өзгөргөндө же башка бюджеттик чараларды үнөмдөөнүн эсебинен БКБТнын бюджетинин ичинде каражаттарды кайра бөлүштүрүүнүн эсебинен жаңы чара пландалган учурларда “жаңы чара” белгиси жазылат. Жаңы бюджеттик чаралар ыйгарым укуктуу мамлекеттик орган менен макулдашуу боюнча программалык бюджетке киргизилет.

4-§. Бюджеттик программалардын жана чаралардын наркын аныктоо

1. БКБТ боюнча контролдук цифралар бюджеттик программалар боюнча бөлүштүрүлүүгө тийиш. Бюджеттик программалар боюнча чыгымдарды эсептөө бюджеттик программалардын ар биринде бюджеттик чаралардын наркын аныктоодон башталат.

2. Бюджеттик чаранын наркы (жылдык бюджеттик чыгымдардын суммасы) анын мазмунунан көз каранды. Чаралардын жайылтылган түрлөрү болуп төмөнкүлөр эсептелет:

1) бюджеттик программаны/чараны ишке ашырууга багытталган түзүмдүк жана ведомстволук бөлүмдөрдүн функцияларын топтоо. Бул учурда чаранын наркы операциялык чыгымдардын категориялары (кызматкерлердин эмгек акысын төлөө, товарларды жана кызмат көрсөтүүлөрдү пайдалануу, пайыздар, субсидиялар, гранттар, социалдык жөлөкпулдар жана төлөмдөр, башка чыгашалар) боюнча аныкталган бул бөлүмдөрдү кармоого кеткен чыгымдардан жана финансылык, финансылык эмес активдер жана милдеттенмелер менен операциялар боюнча чыгымдардан турат;

2) үзгүлтүксүз кайталануучу иш-чаралар убагында бюджеттик чаранын наркы бул иш-чараларды өткөрүүгө пландалган жылдык чыгымдар сметасынын негизинде аныкталат;

3) инвестициялык долбоорлор боюнча бюджеттик чаранын наркы пландалган мезгилге долбоор боюнча чыгымдардын сметалык наркынын негизинде пландалган. Долбоор аяктагандан кийин түзүлгөн активдерди күтүүгө күндөлүк чыгымдар мындай активдерди пайдаланууга байланышкан бюджеттик чараларда эске алынууга тийиш.

3. Бир нече бөлүмдөр тарабынан бюджеттик чара ишке ашырылган учурда, чаранын наркына бюджеттик чараны ишке ашыруучу бардык бөлүмдөр боюнча жалпы чыгымдардын суммасы кирет. Бюджеттик чаралар бир нече бюджеттик чараларды ишке ашырууга бир бөлүм тартылган учурлар болбогондой пландалууга тийиш. Эгерде муну болтурбай коюу мүмкүн болбосо, бул бөлүмдү күтүүгө чыгымдар бул бөлүмдүн бул же тигил чараны ишке ашырууга тартылуу даражасына (пайыз менен) пропорционалдуу бөлүштүрүлөт. Мындай пропорциялар функциялык талдоонун натыйжасында аныкталат.

4. Инвестициялык долбоорлорду ишке ашырууга жана үзгүлтүксүз сатып алууларга тиешеси жок бюджеттик чаралардын наркын эсептөөдө, бул чараны ишке ашыруу үчүн жооптуу бөлүмдөрдү күтүүгө чыгымдардын пландалган суммасы бааланат.

5. Бюджеттик чаралар боюнча чыгымдар категория боюнча төмөнкүчө аныкталат:

1) “Кызматкерлердин эмгек акысы” категориясы боюнча чыгымдар конкреттүү бюджеттик чараны ишке ашырууга тартылган БКБТ бөлүмдөрүндөгү кызматкерлердин штаттык санына жараша эсептелет;

2) “Товарларды жана кызматтарды сатып алуу жана пайдалануу” категориясы боюнча бюджеттик чаранын чыгымдарын эсептөө үчүн транспорттук кызмат көрсөтүүлөр бул бюджеттик чараны ишке ашырууга тартылган БКБТ бөлүмдөрүнүн балансындагы автомашиналардын санына жараша эсептелет. Башка кызматтарды сатып алууга кеткен чыгымдар пландалган иш-чаралардын негизинде бюджеттик чараларга бөлүштүрүлөт же бул бюджеттик чара боюнча сатып алуулар. Эгерде башка кызматтарды сатып алууга чыгымдардын пландуу суммасы ар бир бөлүм боюнча өзүнчө эсептелбесе, анда жалпы сумманы ушул бюджеттик чараны аткаруудагы салымга ылайык функциялык талдоонун жыйынтыгына жараша административдик бирдиктер боюнча пропорционалдуу бөлүштүрүү зарыл;

3) “Пайыздар”, “Субсидиялар”, “Гранттар”, “Социалдык жөлөк пулдар жана төлөмдөр”, “Башка чыгымдар”, “Финансылык эмес активдер”, “Финансылык активдер”, “Милдеттенмелер” категориялары боюнча чыгымдар бюджеттин алкагында чагылдырылат.

6. Каржылоо булактары боюнча жана жылдар боюнча эсептелген бюджеттик чаралардын наркы ушул Нускаманын 2-тиркемесинде берилген форма боюнча “Каржылоо булактары боюнча бюджеттик программалар жана чаралар” таблицасына киргизилет.

7. Чыгымдардын категориялары жана финансылык эмес активдер менен болгон операциялар боюнча бюджеттик программалар жана чаралар боюнча чыгымдар жөнүндө толук маалымат ушул Нускаманын 3¹ жана 3²-тиркемелеринде берилген “Бюджеттик программалардын жана чаралардын чыгашалардын категориялары жана финансылык эмес активдер менен болгон операциялар боюнча наркы” формасында берилет. Кезектеги бюджеттик жылга бюджеттик каражаттар үчүн 3¹-тиркеме; кезектеги бюджеттик жылга БКБТнын атайын эсептеринде топтолгон каражаттар үчүн 3²-тиркеме толтурулат.

8. Кезектеги бюджеттик жылга жана болжолдуу мезгилге карата ар бир бюджеттик чаранын наркы ар бир бюджеттик чара боюнча “Бюджеттик программалардын жана чаралардын түзүмү” таблицасына (ушул Нускаманын 1-тиркемеси) төмөнкү маалыматтар киргизилет:

1) өткөн жыл үчүн иш жүзүндөгү чыгымдар (X-1);

2) ушул жыл үчүн бекитилген/такталган чыгашалар (X);

3) кийинки жылга пландалган чыгымдар (X + 1);

4) кийинки эки жылга чыгашалардын болжолу (X+2 жана X+3).

9. Бюджеттик программалардын наркын эсептөө бюджеттик чаралар боюнча чыгымдарды кошуу аркылуу жүргүзүлөт. Эсептөөнүн жыйынтыктары “Бюджеттик программалардын жана чаралардын түзүмү” (ушул Нускаманын 1-тиркемеси) таблицасына жана “Каржылоо булактары боюнча бюджеттик программалар жана чаралар” таблицасына киргизилет (ушул Нускаманын 2-тиркемеси).

5-§. Натыйжалуулук индикаторлорун аныктоо

1. Натыйжалуулук көрсөткүчтөрү ар бир бюджеттик программа үчүн жана ар бир бюджеттик чара үчүн өзүнчө аныкталууга тийиш. Бюджеттик программалардын/чаралардын натыйжалуулук индикаторлорунун аталышы убакыт аралыгында туруктуу бойдон калууга тийиш, б.а. эгерде натыйжалуулук индикаторлору БКБТ программалык бюджетинде мурда баяндалган жана ыйгарым укуктуу мамлекеттик орган тарабынан кабыл алынган болсо, анда төмөнкүдөй себептер боюнча гана өзгөрүү менен мурдагы редакцияда калат:

- бюджеттик программаларды/чараларды кайра карап чыгуу;

- ыйгарым укуктуу мамлекеттик органдын сунуштамасы.

Натыйжалуулук индкаторлорун өзгөртүү ыйгарым укуктуу мамлекеттик орган  тарабынан макулдашуу боюнча жүргүзүлөт.

2. Натыйжалуулук индикаторлору сектордун/тармактын абалынын сандык жана сапаттык тарабын чагылдырууга тийиш жана төмөнкү көрсөткүчтөр боюнча 3 топко бөлүнөт:

1) продукт;

2) натыйжалуулук;

3) сапат.

Ар бир программа үчүн эки натыйжалуулук индикатору көрсөтүлүүгө тийиш: натыйжалуулук көрсөткүчтөрү жана сапаттык өзгөрүүнүн же натыйжанын көрсөткүчтөрү. Бюджеттик чаралардын натыйжалуулук индикаторлору көрсөткүчтөргө бөлүнөт:

1) продукт;

2) натыйжалуулук;

Продукттун көрсөткүчтөрү бюджеттик чараны ишке ашыруунун конкреттүү натыйжасын чагылдырат (мисалы, кызмат алуучулардын саны, дарыланган учурлардын саны, жолдордун узундугу, маданият мекемелерине баруу ж.б.).

Сапаттык өзгөрүүлөрдүн же натыйжа көрсөткүчтөрү Улуттук өнүгүү стратегиясынын/программалык документтердин максаттарына жана милдеттерине жетүү даражасын же акыркы социалдык маанилүү натыйжа түрүндөгү функцияларды ишке ашыруу даражасын чагылдырат (мисалы, жолдордогу кырсыктардын санынын азайышы, энелердин жана ымыркайлардын өлүмүнүн азайышы, кызмат көрсөтүүлөр менен камтуунун үлүшү, билим берүүнүн жеткиликтүүлүгүн жогорулатуу). Көпчүлүк учурларда мындай индикаторлор салыштырмалуу көрсөткүчтөрдө берилет жана базалык мезгилдеги кырдаалга салыштырмалуу кырдаалдын өзгөрүшүн мүнөздөйт (мисалы, калктын кызмат көрсөтүүлөр менен камтуу деңгээли жыл ичинде X-1=Y0 %, жыл ичиндеги күтүлүүчү көрсөткүч жылы X=Y1 %, жыл ичиндеги максаттуу мааниси X+1=Y2 %, X+2=Y3 %, жылга X+3=Y4 %).

Натыйжалуулук көрсөткүчтөрү чыгымдардын жана алынган натыйжалардын катышын чагылдырат (мисалы, бир окуучуга кеткен чыгымдар; 1 км жолго, дарыланган учурдун наркы ж. б.).

3. Бюджеттик чаралардын натыйжалуулук индикаторлору аткарылган иштердин (кызматтардын) көлөмүн мүнөздөйт, мисалы, оңдолгон жол тилкелеринин узундугу, жүргүзүлгөн эмдөөлөрдүн саны, курулган/оңдолгон бала бакчалардын саны. Бюджеттик чаралардын натыйжалуулук индикаторлору абсолюттук көрсөткүчтөрдө гана эмес, бул чараны ишке ашыруу аркылуу маселени чечүү даражасын мүнөздөгөн салыштырмалуу көрсөткүчтөрдө да көрсөтүлүшү мүмкүн, мисалы, “X км жол оңдолгон, бул автожолдорун оңдоого болгон жалпы муктаждыктын Y %, X балага эмдөө жасалды, бул тиешелүү жаш курак категориясындагы балдардын санынын Y %ын түзөт;

4. “Башкаруу жана администрациялоо” бюджеттик программасы үчүн мамлекеттик органдар тарабынан натыйжалуулуктун стандарттык индикатору колдонулат: Бул БКБТнын ишине калктын ишеним индекси (болгон учурда), эгер БКБТ бул бюджеттик программа үчүн башка, көбүрөөк маалыматтуу индикаторду колдонбосо.

5. Натыйжалуулук индикаторлорун (мындан ары – индикаторлор) аныктоого төмөнкүдөй талаптар коюлат:

1) улуттук стратегиялык/программалык жана/же секторалдык стратегиялык жана программалык документтердин индикаторлору менен өз ара байланышы;

2) БКБТнын ыйгарым укуктарына жана компетенциясына ылайык келиши. БКБТ индикатордун максаттуу маанилерине жетүүгө жетиштүү таасир этүүгө тийиш. Мисалы, “жумушсуздардын арасында билимдүүлүк деңгээлинин катышы (%)” сыяктуу индикатор билим берүүнүн сапатына жана максаттуу топторду камтуудан, окуу жайларынын иш берүүчүлөр менен өз ара аракеттенүүсүн уюштуруудан, өлкөдөгү жалпы экономикалык абалдан көз каранды, бирок жалпысынан билим берүүнүн башкаруу органдарынын бул индикатордун максаттуу маанилерине жетүүдөгү ролу чечүүчү болуп саналат. Ошол эле убакта кылмыштуулуктун төмөндөтүү сыяктуу индикатор укук коргоо органдарынын ишинен эмес, көбүнчө социалдык-экономикалык өнүгүүнүн жалпы деңгээлинен, эмгек рыногунун абалынан, билим берүүнүн деңгээлинен, кошумча билим берүү жана эс алуу кызматтарына болгон сунуштардын болушунан жана башка факторлордон көз каранды, ошондуктан бул индикаторду  укук коргоо органдарынын ишинин көрсөткүчү катары колдонуу максатка ылайыксыз;

3) бюджеттик программага/чарага ылайык келиши. Индикатор бюджеттик программанын/чаранын аткарылышын так жана бир маанилүү мүнөздөйт. Бюджеттик программаларды же бюджеттик чараларды аткаруунун кыйыр кесепеттерин чагылдырган индикаторлорду колдонууга жол берилбейт. Мисалы, “Калкты дене тарбия жана спорт менен машыгууга тартуу” чарасынын индикатору дене тарбия жана спорт менен үзгүлтүксүз машыккан жарандардын саны болуп саналат. Бул чараны ишке ашыруунун кыйыр кесепеттери болуп калктын ден соолугун чыңдоо, эмгектин өндүрүмдүүлүгүн жогорулатуу, социалдык камсыздандырууну төлөөгө наркын төмөндөтүү жана башкалар болгондугуна карабастан, бул көрсөткүчтөр чараны ишке ашыруунун көрсөткүчү катары колдонулушу мүмкүн эмес;

4)  комплекстүүлүгү. Индикаторлор бюджеттик программаны же бюджеттик чараны ишке ашыруунун олуттуу аспектилерин көрсөтүүгө тийиш. Мисалы, “курулган мектептердин саны” индикатору “мектептеги билим берүүнүн жеткиликтүүлүгүн жогорулатуу” бюджеттик чарасын ишке ашырууну толук мүнөздөбөйт, анткени жеткиликтүүлүккө башка факторлор таасир этет: транспорттук жеткиликтүүлүк, ден соолугунун мүмкүнчүлүгү чектелген балдардын жеткиликтүүлүгү, педагогикалык кадрлардын болушу ж.б.

5) индикатор боюнча маалыматты чогултуу мүмкүндүгү жана үнөмдүүлүгү. Тандалган индикатор боюнча маалымат улуттук же ведомстволук статистиканын алкагында жеткиликтүү болууга тийиш, же маалыматты чогултуу процесси көп эмгекти талап кылбашы же кымбат болбоого тийиш;

6) маалыматтардын салыштырмалуулугу жана ченемдүүлүгү. Индикаторлордун маанилерин жана ушундай көрсөткүчтөргө жетүүгө чыгымдарды башка өлкөлөр, региондор жана тармактар менен салыштыруу мүмкүндүгү;

7) түшүнүү үчүн индикатордун жеткиликтүүлүгү. Индикаторлорду аныктоодо даярдыгы жок колдонуучуга түшүнүксүз болгон тар кесиптик терминдер колдонулбайт;

8) кызматтарды керектөөчүлөр үчүн өзгөрүүлөрдүн мүнөздөмөсү. Индикатор БКБТ кызматтарды керектөөчүлөр үчүн жүзөгө ашырган конкреттүү аракеттерди/өзгөрүүлөрдү чагылдырууга тийиш. Жаңы компьютерлерди сатып алуу, БКБТ кызматкерлеринин квалификациясын жогорулатуу ж.б. БКБТ уюмундагы абалдын өзгөрүшүн мүнөздөгөн чараларды жана индикаторлорду саноо максатка ылайыксыз;

9) сапаттык өзгөрүүлөрдүн чагылдырылышы. Индикатор бюджеттик программаларды жана чараларды ишке ашыруунун натыйжасында сектордо/тармакта болуп жаткан сапаттык өзгөрүүлөрдү чагылдырат. Иш-чараларды аткаруунун формалдуу жагын мүнөздөгөн, мисалы, “иштелип чыккан мыйзамдарга түзөтүүлөрдүн саны”, “өткөрүлгөн семинарлардын саны”, “кол коюлган меморандумдардын саны” чараларын жана индикаторлорун колдонуу сунушталбайт. Индикаторлордун санына БКБТ тарабынан көрсөтүлүүчү кызматтардын көлөмү жана сапаты менен кардарлардын канааттануу деңгээлин мүнөздөгөн индикаторлорду киргизүү зарыл;

10) объективдүүлүк. Индикаторлор “жалган стимулдарды” түзбөөгө тийиш, б.а. индикаторлордун максаттуу маанилерине жетүү кырдаалдын реалдуу начарлашына алып келбөөгө тийиш. Мисалы, “катталган кылмыштардын санынын азайышы” индикаторуна милициянын ишин жакшыртуу аркылуу да, милиция кызматкерлери тарабынан кылмыштарды каттоодон баш тартуу аркылуу да жетишүүгө болот.

6. Ар бир индикатор үчүн төмөнкүлөр эсептелүүгө жана көрсөтүлүүгө тийиш:

1) учурдагы бюджеттик жылдан мурунку жыл үчүн базалык (иш жүзүндөгү) маанилер;

2) учурдагы бюджеттик жылга күтүлгөн максаттуу маанилер;

3) кезектеги бюджеттик жылга жана болжолдонгон мезгилге болжолдуу максаттуу маанилер.

7. Индикаторлордун максаттуу маанилери төмөнкүлөрдүн негизинде белгиленет:

- пайда болгон тенденциялар улана берет деген божомол менен өткөн мезгилдер үчүн индикаторлордун иш жүзүндөгү маанилеринин (базалык);

- саясаттагы өзгөрүүлөрдүн пландалган чараларынын, алар индикаторлордун маанисинин (базалык линиядан айырмаланган) олуттуу өзгөрүшүнө алып келет;

- тышкы факторлордун таасиринин тобокелдиктерин баалоо;

- башка өлкөлөрдөгү окшош көрсөткүчтөрдүн маанилерин, өлкөлөр аралык салыштыруу үчүн колдонулган эл аралык рейтингдердин жана башка көрсөткүчтөрдүн.

8. Бюджеттик чаралардын индикаторлорунун максаттуу маанилери тиешелүү жылга каралган каржылоонун көлөмүнөн көз каранды. Натыйжаларга жетүү үчүн материалдык салымдарды болжолдогон бюджеттик чаралар үчүн (курулуш, жолдорду реабилитациялоо, мал чарбасында эмдөө ж. б.) каржылоонун көлөмүнүн өзгөрүшү натыйжаларга жетишүүгө пропорционалдуу болушу керек. Эгерде каражаттарды үнөмдөөнүн эсебинен каржылоонун мурдагы деңгээлинде прогресске жетишилсе (мисалы, арзан вакцина же үнөмдүү курулуш технологиясы), бул тууралуу түшүндүрмө катта өзгөчө белгиленүүгө тийиш.

9. Бюджеттик программанын же бюджеттик чаранын натыйжалуулугунун ар бир индикатору үчүн БКБТ индикатор жөнүндө толук маалыматты камтыган ушул Нускаманын 5-тиркемесинде берилген форманы толтурат. Ар бир көрсөткүч үчүн төмөнкүлөрдү көрсөтүү зарыл:

1) тар адистерге гана толук жана түшүнүктүү болбогон натыйжалуулук индикаторунун аталышын;

2) өлчөө бирдигин;

3) индикатордун баяндалышын;

4) индикатордун маанилерин чогултуу үчүн маалымат булактарын;

5) индикаторду эсептөө формуласын;

6) индикатор боюнча маалыматты чогултуу үчүн маалымат булактарын;

7) маалыматты чогултуу, отчет берүү методу;

8) кызмат көрсөтүүлөрдү алуучулардын топтору.

10. Программалык негизде бюджетти иштеп чыгуу/жаңылоо үчүн жумушчу топ ушул Нускамада көрсөтүлгөн критерийлерге ылайык натыйжалуулук индикаторлорун иштеп чыгат/инвентаризациялайт/жаңылайт, натыйжалуулук индикаторлорунун иш жүзүндөгү жана максаттуу маанилерин эсептейт. Натыйжалуулуктун жаңы индикаторлору ыйгарым укуктуу мамлекеттик орган менен макулдашуу боюнча программалык бюджетке киргизилет.

11. Натыйжалуулук индикаторлору өзүнчө маселе катары көрсөтүлөт, бул милдеттүү түрдө БКБТнын программалык негизде бюджеттердин долбоорлорун коомдук талкууларда каралат.

12. Бюджеттик программалардын/чаралардын натыйжалуулук индикаторлору “Бюджеттик программалардын жана чаралардын түзүмү” таблицасында (ушул Нускаманын 1-тиркемеси), ошондой эле ушул Нускаманын 4-тиркемесине ылайык форма боюнча түшүндүрмө катта жана ушул Нускаманын 5-тиркемесине ылайык форма боюнча бюджеттик программалардын паспортторунда берилет.

13. БКБТдан программалык негизде бюджеттерди алгандан кийин ыйгарым укуктуу мамлекеттик орган бюджеттик программалардын жана чаралардын натыйжалуулук индикаторлоруна алардын аталган критерийлерге шайкештиги боюнча талдайт.

6-§. Бюджеттик программаларды жана чараларды кодификациялоо

1. Программалык бюджеттердин долбоорлорун түзүүдө БКБТ бюджеттик программалардын коддорун (ПР коду), бюджеттик чаралардын коддорун (ME коду) жана демилге коддорун (ИН коду) көрсөтөт.

2. Бюджеттик программалардын/чаралардын коддору чыгымдардын программалык классификациясы менен белгиленет. “Башкаруу жана администрациялоо” программасы бюджеттик программалардын тизмесинде 01 коду менен биринчи көрсөтүлөт.

3. Жаңы бюджеттик программаларга/чараларга коддор белгиленген тартипте чыгымдардын программалык классификациясына өзгөртүүлөрдү киргизүү жолу менен ыйгарылат.

4. Демилге коду улуттук артыкчылыктардын бюджеттик программалар/чаралар менен байланышын чагылдырат. Эки демилге коду болот: (0) жана (1), мында:

(0) – бюджеттик программаны/чараны ишке ашыруу БКБТ жөнүндөгү жободо белгиленген функциялар топтомуна ылайык ишке ашырылгандыгын билдирет;

(1) – бул программа/чара (же ал үчүн колдонулган натыйжалуулук индикатору) улуттук стратегиялык/программалык документтин артыкчылыктарынын бирине ылайык келрин билдирет.

5. “Программанын администратору” графасында БКБТ бөлүмүндөгү кызмат орду көрсөтүлөт, башкача айтканда, бул бюджеттик программаны ишке ашыруу үчүн жооптуу адам көрсөтүлөт.

6. “Жооптуу бөлүм” графасында бюджеттик программанын/чаранын аткарылышы үчүн жооптуу бөлүмдүн аталышы көрсөтүлөт. Эгерде программаны/чараны ишке ашырууга тартылган БКБТ жалгыз аткаруучу болбосо, “Кошо аткаруучу” графасы толтурулат. Ар бир кошо аткаруучу боюнча толук маалымат, алардын натыйжалуулук индикаторлорунун максаттуу маанилерине жетүүдөгү ролу ушул Нускаманын 4-тиркемесине ылайык форма боюнча программалык бюджеттин түшүндүрмө катында жана Нускаманын 5-тиркемесине ылайык форма боюнча бюджеттик программанын паспортунда көрсөтүлөт.

5-глава. Бюджеттерди программалык негизде кароо тартиби

17. Программалык бюджеттердин долбоору жана БКБТнын натыйжалуулук индикаторлору, анын ичинде БКБТнын коомдук кеңешинин өкүлдөрү (эгер бар болсо) жыл сайын 25-июлдан кеч эмес мөөнөттө коомдук талкууланууга тийиш

18. Сот системасынын программалык бюджетинин долбоорун талкуулоо жыл сайын, 25-апрелден кеч эмес өткөрүлөт.

19. Коомдук угууларды жүргүзүүнүн жыйынтыктары боюнча БКБТ программалык бюджеттин долбоорун коомдук талкуулоонун протоколун даярдайт.

20. БКБТнын программалык бюджеттеринин долбоорлору ыйгарым укуктуу мамлекеттик органга берилгенге чейин БКБТнын жетекчилери тарабынан каралат жана жактырылат.

21. Республикалык бюджеттен каржылануучу БКБТнын программалык бюджеттеринин долбоорлору ыйгарым укуктуу мамлекеттик органга учурдагы жылдын 1-августунан кеч эмес мөөнөттө берилет.

22. Сот системасынын программалык бюджетинин долбоору ыйгарым укуктуу мамлекеттик органга учурдагы жылдын 1-майынан кеч эмес мөөнөттө берилет.

23. Ыйгарым укуктуу мамлекеттик орган республикалык бюджеттен каржылануучу БКБТнын программалык бюджеттеринин долбоорлорунун ушул Нускаманын талаптарына ылайыктуулугун карайт жана баяндалган талаптарга ылайык келбеген учурда берилген программалык бюджеттин долбоорун тиешелүү БКБТга толуктап иштеп чыгуу үчүн кайтарып берет.

24. БКБТ программалык бюджеттин долбоорун ыйгарым укуктуу мамлекеттик органдын сын пикирлерин жана сунуштарын эске алуу менен иштеп чыгат. Толуктап иштелип чыккан БКБТнын программалык бюджетинин долбоору ыйгарым укуктуу мамлекеттик органга толуктап иштеп чыгуу үчүн берилген күндөн тартып үч жумуш күндүн ичинде берилет.

25. Бюджеттик ассигнованиелердин пландалган көлөмү өзгөргөн учурда программалык бюджеттин долбоору БКБТ тарабынан корректировкаланат, үч жумуш күндүн ичинде ыйгарым укуктуу мамлекеттик органга берилет.

26. Ыйгарым укуктуу мамлекеттик орган республикалык бюджеттен каржылануучу БКБТнын программалык бюджеттеринин долбоорлорун топтоону камсыз кылат. Бардык БКБТнын программалык бюджеттеринин долбоорлору кезектеги бюджеттик жылга жана болжолдуу мезгилге республикалык бюджеттин долбооруна өзүнчө тиркеме менен түзүлөт жана кийин Кыргыз Республикасынын Жогорку Кеңешинин кароосуна киргизүү үчүн Кыргыз Республикасынын Министрлер Кабинетинин кароосуна жана жактыруусуна киргизилет.

27. Кезектеги бюджеттик жылга жана болжолдуу мезгилге бюджеттик программаларды ишке ашыруу үчүн бюджеттик ассигнованияларды бөлүштүрүү республикалык бюджет жөнүндө тиешелүү мыйзам менен аныкталат.

6-глава. Программалык бюджетти аткаруу тартиби

28. Бюджеттерди программалык негизде аткаруу төмөнкүлөрдү камтыйт:

1) чыгымдардын программалык классификациясына ылайык бюджеттин кассалык аткарылышын;

2) бюджеттик программалардын жана чаралардын натыйжалуулугунун индикаторлоруна жетишүү жөнүндө БКБТ отчетторун;

3) бюджеттик программаларга жана чараларга мониторинг жүргүзүү жана баа берүү.

29. Бюджеттик программаларга жана чараларга мониторинг жүргүзүү жана баалоо процесстери, ошондой эле бюджеттик программалардын жана чаралардын натыйжалуулугунун индикаторлоруна жетишүү жөнүндө БКБТнын отчету Кыргыз Республикасынын Министрлер Кабинетинин тиешелүү ченемдик укуктук актылары менен жөнгө салынат.

30. Чыгымдарды программалык классификациялоо боюнча бюджетти кассалык аткаруу ыйгарым укуктуу мамлекеттик органдын Борбордук казыналыгынын жол-жоболоруна ылайык ишке ашырылат.

31. Программалык бюджеттерди аткаруунун жүрүшүндө БКБТ программалардын ортосунда, ошондой эле бир бюджеттик программанын ичинде каражаттарды кайра бөлүштүрүү укугуна ээ.

32. Программалык негизде бюджетке өзгөртүүлөрдү киргизүү бюджетти бекитүү жөнүндө тиешелүү чечимге өзгөртүүлөр жана толуктоолор киргизилгенде жүргүзүлөт.

7-глава. Бюджеттик программаларды администрациялоо

33. “Башкаруу жана администрациялоо” программасына кирбеген БКБТнын бардык профилдик түзүмдүк жана ведомстволук бөлүмдөрү бул же тигил бюджеттик программаны ишке ашыруу үчүн жоопкерчиликти бөлүштүрүү менен иштин багыттары боюнча топтоштурулат.

34. Бюджеттик программанын администратору болуп иши көбүнчө бюджеттик программанын максаттарына жетүүгө шарт түзгөн БКБТнын тийиштүү бөлүмүнүн жетекчиси дайындалат же бул бөлүм карамагында болгон БКБТнын жетекчисинин орун басары дайындалат.

35. “Башкаруу жана администрациялоо” бюджеттик программасынын администратору БКБТнын министринин орун басары же аппарат жетекчиси болуп саналат.

36. Бюджеттик программанын администраторунун милдеттери:

1) конкреттүү бюджеттик программанын алкагында бюджеттик чаралардын аткарылышы үчүн жооптуу болгон БКБТнын түзүмдүк же ведомстволук бөлүмдөрүнүн ишин координациялоо;

2) бюджеттин чыгымдарынын орто мөөнөттүү стратегияларын жана программалык бюджеттерди даярдоо стадиясында пландалган бюджеттик программаларды жана чараларды эксперттик баалоону жүзөгө ашыруу;

3) бюджеттик программаларга жана чараларга мониторинг жүргүзүү жана баалоо тууралуу отчеттордун сапатын баалоо.

37. Бюджеттик программалардын администраторлору бюджеттик программа жана ага киргизилген чаралар боюнча болжолдордун, пландардын жана отчеттордун сапаты жана аныктыгы, бюджеттик программанын аткарылышынын натыйжалуулугу, натыйжалуулук индикаторлорунун максаттуу маанилерине жетүү үчүн жооптуу болот.

38. Бюджеттик чараны иштеп чыгуунун/жаңылоонун жана ишке ашыруунун сапаты үчүн жоопкерчилик БКБТнын түзүмдүк же ведомстволук бөлүмдөрүнө жүктөлөт.

39. БКБТнын министринин орун басары же аппарат жетекчиси:

1) бюджеттик программаларды администраторлордун ортосунда бюджеттик программаларды пландоо жана ишке ашыруу үчүн жоопкерчиликти, ошондой эле бюджеттик чараларды пландоо жана ишке ашыруу үчүн түзүмдүк/ведомстволук жана аймактык бөлүмдөрдүн жетекчилеринин жоопкерчилигин аныктоочу ведомстволук актыны түзөт;

2) бюджеттик программаларга, ошондой эле мониторингдин жана баалоонун жыйынтыгы боюнча башкаруу чечимдерин кабыл алуу процессине үзгүлтүксүз мониторингди жана баалоону уюштурат;

3) БКБТ менен ыйгарым укуктуу мамлекеттик органдын ортосунда бюджеттик программаларды жана чараларды пландоо жана ишке ашыруу боюнча сүйлөшүү процессин уюштурат.

40. БКБТнын жетекчилери:

1) БЧОС жана бюджетти программалык негизде бюджеттерди, бюджеттик программалардын паспортторун жана натыйжалуулук индикаторлорунун максаттуу маанилерине жетүү боюнча отчетторду бекитет жана бул документтердин сапаты жана аныктыгы үчүн жооп берет;

2) программалык бюджетке өзгөртүүлөрдү жана толуктоолорду киргизүү жөнүндө чечим кабыл алат.

Программалык негизде

бюджеттерди түзүү, кароо жана аткаруу

 боюнча нускамага

1-тиркеме

20__- 20__ -жж.

_________________________________________________ боюнча бюджеттик

(БКБТ толук аталышы)

программалардын жана чаралардын

түзүмү

миң сом

Кыскартуулардын тизмеси:

Программалык негизде

бюджеттерди түзүү, кароо жана

аткаруу боюнча нускамага

2-тиркеме

20__ – 20__-жж. каржылоо булактары боюнча бюджеттик программалар жана чаралар

_________________________________________________

(БКБТ толук аталышы)

миң. сом

Программалык негизде

бюджеттерди түзүү, кароо жана

 аткаруу боюнча нускамага

3¹-тиркеме

Кезектеги бюджеттик жылга (20__ -ж.) экономикалык классификация (бюджеттик каражаттар) боюнча бюджеттик программалардын жана чаралардын наркы

_________________________________________________

(БКБТ толук аталышы)

миң сом

Программалык негизде бюджетти

 түзүү, кароо жана аткаруу

боюнча нускамага карата

3²-тиркеме

Кезектеги бюджеттик жылга (20__ -ж.) экономикалык классификация (атайын эсептерде топтолгон каражаттар) боюнча бюджеттик программалардын жана чаралардын наркы

_________________________________________________

(БКБТ толук аталышы)

миң сом

Программалык негизде

 бюджеттерди түзүү, кароо

 жана аткаруу боюнча нускамага

4-тиркеме

20__– 20__ -жж. программалык бюджетке карата түшүндүрмө кат

_________________________________________________

(БКБТ толук аталышы)

Программалык негизде

 бюджеттерди түзүү, кароо

 жана аткаруу боюнча нускамага

5-тиркеме

Бюджеттик программанын паспортунун формасы

1-таблица. Бюджеттик программаларды аткаруу боюнча иш-чаралардын планы*

Эскертүү: * Программаны каржылоонун бардык булактары жөнүндө маалыматты камтыйт.

** Иш-чараны аткаруу жооптуу аткаруучулардын кызматтык милдеттерине кирген учурларда, бул графада “Кызматтык милдеттердин алкагында” деп көрсөтүүгө уруксат берилет.

2-таблица. Программанын жана чаралардын натыйжалуулук индикаторлору

Программалык негизде

бюджеттерди түзүү,

кароо жана аткаруу

боюнча нускамага

6-тиркеме

Программалык бюджеттин долбооруна

сунушталган документтердин

тизмеси

1. Программалык негизде бюджеттин долбооруна түшүндүрмө кат.

2. Бюджеттик программалардын паспортторунун долбоорлору.

3. 1-тиркеме. “Бюджеттик программалардын жана чаралардын түзүмү” жыйынды таблицасы.

4. 2-тиркеме. “Каржылоо булактары боюнча бюджеттик программалар жана чаралар” жыйынды таблицасы.

5. 3¹-тиркеме. Экономикалык классификация (бюджеттик каржылоо) боюнча бөлүштүрүүдө бюджеттик программалардын жана чаралардын наркы.

6. 3²-тиркеме. Экономикалык классификациялардын (атайын эсептерде топтолгон каражаттар) негизги беренелери боюнча бюджеттик программалардын жана чаралардын наркы.

7. Программалык бюджеттин долбоорун коомдук талкуулоонун протоколу.