КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТОКТОМУ

2022-жылдын 28-февралы № 100

Балыкчы - Кочкор - Кара-Кече темир жолун куруу жөнүндө

Темир жол тармагын өнүктүрүү, Кара-Кече күрөң көмүр кенин иштетүүнү транспорттук камсыздоо жана республиканын жана региондордун экономикасын андан ары өнүктүрүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13 жана 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр аныкталсын:

- Балыкчы - Кочкор - темир жолун куруу боюнча иштин заказчысы болуп "Кыргыз темир жолу" улуттук компаниясы" мамлекеттик ишканасы;

- Балыкчы - Кочкор - темир жолун куруу боюнча башкы подрядчы болуп "Кыргыз темир жолу" улуттук компаниясынын "Көпүрө куруу отряды" мамлекеттик ишканасы.

2. Мамлекеттик органдар, жергиликтүү мамлекеттик администрациялар жана жергиликтүү өз алдынча башкаруу органдары;

- Балыкчы - Кочкор - темир жолун куруу долбоорун ишке ашырууда "Кыргыз темир жолу" улуттук компаниясы" мамлекеттик ишканасына ар тараптуу көмөк көрсөтсүн;

- зарыл болгон учурда Балыкчы - Кочкор - темир жолун жана жол инфратүзүмүн куруу үчүн "Кыргыз темир жолу" улуттук компаниясы" мамлекеттик ишканасына зарыл болгон жер участокторун бөлүү жана пайдалануу укуктарын каттоо/кайра каттоо бөлүгүндө жер-кадастрдык документтерге белгиленген тартипте өзгөртүүлөрдү киргизсин.

3. Төмөнкүлөр сунушталсын:

- "Кыргызстан улуттук электр тармагы" ачык акционердик коомуна Балыкчы - Кочкор - темир жолун курууга тоскоол болгон ВЛ - 220/110/35 кВ чыгарууну долбоорлоо жана куруу иштерин аткаруу;

- "Чыгыш электр" ачык акционердик коомуна Балыкчы - Кочкор - темир жолун курууга тоскоол болгон 10 кВ электр берүү линиясын кайра орноштуруу боюнча иштерди аткаруу.

4. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 1998-жылдын 21-августундагы № 559 "Кыргыз Республикасынын Президентинин 1998-жылдын 4-августундагы "Кыргыз Республикасынын Президентинин 1998-жылдын 13-январындагы "Кыргыз Республикасында магистралдык темир жолдорду куруунун уюштуруучулук маселелери жөнүндө" Жарлыгына өзгөртүү киргизүү тууралу" Жарлыгын ишке ашыруу жөнүндө" токтому;

- Кыргыз Республикасынын Өкмөтүнүн 1999-жылдын 12-июлундагы № 385 "Балыкчы - Кочкор - Кара-Кече темир жолунун курулушу жөнүндө" токтому;

- Кыргыз Республикасынын Өкмөтүнүн 1999-жылдын 5-августундагы № 424 "Кыргыз Республикасынын Өкмөтүнүн 1999-жылдын 12-июлундагы "Балыкчы - Кочкор - Кара-Кече темир жолун куруу жөнүндө" № 385 токтомуна өзгөртүү жана толуктоо киргизүү тууралуу" токтому.

5. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

6. Бул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2022-жылдын 7-мартындагы N 24 жарыяланды