КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 3-марты № 122

Кыргыз Республикасынын Министрлер Кабинетинин асыл тукум иши чөйрөсүндөгү айрым чечимдерине өзгөртүүлөрдү киргизүү жөнүндө

(КР Министрлер Кабинетинин 2023-жылдын 21-ноябрындагы № 616 токтомунун редакциясына ылайык)

Мал чарбасында асыл тукум ишин оптималдаштыруу жана натыйжалуу иштешин уюштуруу жана мамлекеттик асыл тукум заводдорунун ишин координациялоону өркүндөтүү максатында, ошондой эле "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Айыл чарба министрлигинин алдындагы "Сокулук" мамлекеттик асыл тукум заводу" мекемеси "Сокулук" мамлекеттик асыл тукум заводу" мамлекеттик ишканасы деп кайра түзүү жолу менен кайра уюштурулсун.

2. Төмөнкүлөр кайра аталсын:

- "Оргочор" кой өстүрүү боюнча тажрыйба станциясы" мамлекеттик ишканасы "Оргочор" мамлекеттик асыл тукум заводу" мамлекеттик ишканасы болуп;

- "Государственный племенной завод по овцеводству имени М.Н.Лущихина" мамлекеттик ишканасы "М.Н.Лущихин атындагы мамлекеттик асыл тукум заводу" мамлекеттик ишканасы болуп;

- чарба жүргүзүү укугуна негизделген "Катта-Талдык" мамлекеттик асыл тукум заводу" мамлекеттик ишканасы "Катта-Талдык" мамлекеттик асыл тукум заводу" мамлекеттик ишканасы болуп;

- "Кочкор" эксперименталдык мамлекеттик асыл тукум кой заводу" мамлекеттик ишканасы "Кочкор" мамлекеттик асыл тукум заводу" мамлекеттик ишканасы болуп;

- "Талас" мамлекеттик асыл тукум жылкы заводу" мамлекеттик ишканасы "Талас" мамлекеттик асыл тукум заводу" мамлекеттик ишканасы болуп;

- "Нарын" мамлекеттик асыл тукум жылкы заводу" мамлекеттик ишканасы "Нарын" мамлекеттик асыл тукум заводу" мамлекеттик ишканасы болуп;

- "Көк-Бел" мамлекеттик асыл тукум жылкы заводу" мамлекеттик ишканасы "Көк-Бел" мамлекеттик асыл тукум заводу" мамлекеттик ишканасы болуп;

- "Тегирмен-Башы" асыл тукум заводу жана үрөнчүлүк чарбасы" мамлекеттик ишканасы "Тегирмен-Башы" мамлекеттик асыл тукум заводу" мамлекеттик ишканасы болуп;

- Кыргыз Республикасынын Айыл чарба жана мелиорация министрлигинин "Айыл чарба жаныбарларын жасалма уруктандыруу боюнча республикалык "Элита" асыл-тукум станциясы" мамлекеттик мекемеси "Элита" республикалык асыл тукум станциясы" мамлекеттик мекемеси болуп.

3. Кыргыз Республикасынын Айыл чарба министрлигинин карамагынан Кыргыз Республикасынын Айыл чарба министрлигине караштуу Жайыт жана асыл тукум мал чарбасы департаментинин карамагына тиешелүү функциялары, штаттык саны, финансылык жана материалдык-техникалык каражаттары менен төмөнкүлөр өткөрүлүп берилсин:

- "Сокулук" мамлекеттик асыл тукум заводу" мамлекеттик ишканасы;

- "Тегирмен-Башы" мамлекеттик асыл тукум заводу" мамлекеттик ишканасы;

- "Элита" республикалык асыл тукум станциясы" мамлекеттик мекемеси.

4. Кыргыз Республикасынын Айыл чарба министрлигине караштуу Кыргыз мал чарба жана жайыт илимий-изилдөө институтунун карамагынан Кыргыз Республикасынын Айыл чарба министрлигине караштуу Жайыт жана асыл тукум мал чарбасы департаментинин карамагына тиешелүү функциялары, штаттык саны, финансылык жана материалдык-техникалык каражаттары менен төмөнкүлөр өткөрүлүп берилсин:

- "Оргочор" мамлекеттик асыл тукум заводу" мамлекеттик ишканасы;

- "Тянь-Шань" мамлекеттик асыл тукум заводу" мамлекеттик ишканасы;

- "М.Н.Лущихин атындагы мамлекеттик асыл тукум заводу" мамлекеттик ишканасы;

- "Катта-Талдык" мамлекеттик асыл тукум заводу" мамлекеттик ишканасы;

- "Кочкор" мамлекеттик асыл тукум заводу" мамлекеттик ишканасы;

- "Талас" мамлекеттик асыл тукум заводу" мамлекеттик ишканасы;

- "Нарын" мамлекеттик асыл тукум заводу" мамлекеттик ишканасы;

- "Көк-Бел" мамлекеттик асыл тукум заводу" мамлекеттик ишканасы;

- "Талас облустук мамлекеттик заводдук ат сарай ипподрому менен" мекемеси.

5. Кыргыз Республикасынын Өкмөтүнүн 2014-жылдын 15-сентябрындагы № 531 "Кыргыз Республикасынын Айыл чарба жана мелиорация министрлигинин "Айыл чарба жаныбарларын жасалма уруктандыруу боюнча республикалык "Элита" асыл тукум станциясы" мамлекеттик мекемеси жөнүндө жобону бекитүү жөнүндө" токтомуна төмөнкүдөй өзгөртүү киргизилсин:

- 1-пункт күчүн жоготту деп таанылсын.

6. Кыргыз Республикасынын Өкмөтүнүн 2019-жылдын 11-сентябрындагы № 468 "Мамлекеттик ишканалардын ишин тартипке келтирүү тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Мамлекеттик ишканалар жөнүндө жободо:

- 2, 3, 8, 16, 17, 23, 24, 28, 53, 55, 57, 60-пункттардагы түрдүү жөндөмөлөрдөгү "Өкмөтү" деген сөз тиешелүү жөндөмөлөрдөгү "Министрлер Кабинети" деген сөздөргө алмаштырылсын;

- жогоруда аталган Жобонун 1-тиркемеси ушул токтомдун 1-тиркемесине ылайык редакцияда баяндалсын.

7. Кыргыз Республикасынын Министрлер Кабинетинин 2021-жылдын 6-августундагы № 116 "Кыргыз Республикасынын Айыл, суу чарба жана аймактарды өнүктүрүү министрлигинин ведомстволук бөлүмдөрү жана уюмдары жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген Кыргыз Республикасынын Айыл чарба министрлигине караштуу Жайыт жана асыл тукум мал чарбасы департаменти жөнүндө жободо:

- 11-пунктта:

- 3-пунктча төмөнкүдөй мазмундагы он биринчи абзац менен толукталсын:

"- мамлекеттик асыл тукум заводдорунда асыл тукум ишин жүргүзүүнү уюштуруу, контролдоо жана көзөмөлдөө;";

- 4-пунктча төмөнкүдөй мазмундагы үчүнчү абзац менен толукталсын:

"- мамлекеттик асыл тукум заводдорунун ишинин зоналарында асыл тукум продукциясын жана асыл тукум материалдарын сатуу;";

- 14-пункттун он биринчи абзацы төмөнкүдөй редакцияда баяндалсын:

"- Департаменттин кызматкерлерине карата сыйлоо жана тартиптик жоопкерчилик чараларын колдонот, ошондой эле мамлекеттик мүлктү башкаруу чөйрөсүндөгү ыйгарым укуктуу органга мамлекеттик ишканалардын жетекчилерин кызматтан бошотуу, аларга тартиптик жаза колдонуу жана сыйлоо жөнүндө сунуштарды киргизет.";

2) (КР Министрлер Кабинетинин 2023-жылдын 21-ноябрындагы № 616 токтомуна ылайык күчүн жоготту)

3) жогоруда аталган токтом менен бекитилген Кыргыз Республикасынын Айыл чарба министрлигине караштуу Кыргыз мал чарба жана жайыт илимий-изилдөө институту жөнүндө жободо:

- 11-пунктта:

бешинчи абзац күчүн жоготту деп таанылсын;

төмөнкүдөй мазмундагы жетинчи абзац менен толукталсын:

"- асыл тукум ишинин адистеринин, дыйкандардын (фермерлердин), техник-уруктандыруучулардын квалификациясын жогорулатуу боюнча окууларды өткөрүү жана тиешелүү үлгүдөгү сертификаттарды берүү;";

- 16-пунктта "жана мамлекеттик асыл тукум заводдору" деген сөздөр алып салынсын;

- 20-пунктта:

тогузунчу абзац күчүн жоготту деп таанылсын;

- 23-пункттун үчүнчү абзацы күчүн жоготту деп таанылсын;

- 32-пункттун он алтынчы абзацында "жана мамлекеттик асыл тукум заводдорунун директорлорунун" деген сөздөр алып салынсын;

4) жогоруда аталган токтом менен бекитилген Кыргыз Республикасынын Айыл чарба министрлигине караштуу Кыргыз мал чарба жана жайыт илимий-изилдөө институтунун башкаруу схемасы күчүн жоготту деп таанылсын;

29-тиркеме күчүн жоготту деп таанылсын;

5) жогоруда аталган токтомго 15-тиркеме ушул токтомдун 2-тиркемесине ылайык редакцияда баяндалсын.

8. Кыргыз Республикасынын Министрлер Кабинетинин 2022-жылдын 18-февралындагы № 82 "Асыл тукум мал чарбасы жана ирригация жаатындагы агрардык илимди өнүктүрүү жөнүндө" токтомуна төмөнкүдөй өзгөртүү киргизилсин:

- 7-пункт күчүн жоготту деп таанылсын.

9. Кыргыз Республикасынын Айыл чарба министрлигине төмөнкүлөрдү бекитүү боюнча ыйгарым укуктар берилсин:

- мамлекеттик асыл тукум заводдорунун жана станцияларынын уставдарын жана жоболорун;

- кайра уюштурулуучу жана өткөрүп берилүүчү мамлекеттик ишканалардын жана мекемелердин өткөрүп берүү актыларын.

10. Кыргыз Республикасынын Айыл чарба министрлиги:

- эки айлык мөөнөттө ушул токтомдон келип чыгуучу чараларды көрсүн;

- ушул токтомдо көрсөтүлгөн юридикалык жактарды юстиция органдарында белгиленген тартипте мамлекеттик кайра каттоону жүргүзсүн.

11. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

12. Бул токтом расмий жарыяланган күндөн тартып он беш күн өткөндөн кийин күчүнө кирет.

Жылдык финансылык-чарбалык иштердин жыйынтыгы боюнча алынган таза пайданы толук көлөмдө өнүктүрүүнүн стратегиялык планын (бизнес-планды) ишке ашырууга багыттаган мамлекеттик ишканалардын ТИЗМЕСИ

1. "Кыргыздипсервис" мамлекеттик дипломатиялык сервис ишканасы.

2. Кыргыз Республикасынын Өзгөчө кырдаалдар министрлигине караштуу "Өзгөчө кырдаалдарга чара көрүү боюнча түндүк борбору" мамлекеттик ишканасы.

3. Кыргыз Республикасынын Өзгөчө кырдаалдар министрлигине караштуу "Авиациялык ишкана" мамлекеттик ишканасы.

4. Жаза аткаруу тутумунун мамлекеттик ишканалары.

5. Ишенимдүү башкаруу келишимин колдонуу мезгилинде "Кыргызиндустрия" ачык акционердик коомуна ишенимдүү башкарууга өткөрүлүп берилген мамлекеттик ишканалар (филиалдар).

6. Кыргыз Республикасынын Транспорт жана коммуникациялар министрлигине караштуу "Кыргызавтожол" мамлекеттик ишканасы.

7. "Оргочор" мамлекеттик асыл тукум заводу" мамлекеттик ишканасы.

8. "Тянь-Шань" мамлекеттик асыл тукум заводу" мамлекеттик ишканасы.

9. "М.Н.Лущихин атындагы мамлекеттик асыл тукум заводу" мамлекеттик ишканасы.

10. "Катта-Талдык" мамлекеттик асыл тукум заводу" мамлекеттик ишканасы.

11."Кочкор" мамлекеттик асыл тукум заводу" мамлекеттик ишканасы.

12. "Талас" мамлекеттик асыл тукум заводу" мамлекеттик ишканасы.

13. "Нарын" мамлекеттик асыл тукум заводу" мамлекеттик ишканасы.

14. "Көк-Бел" мамлекеттик асыл тукум заводу" мамлекеттик ишканасы.

15. "Сокулук" мамлекеттик асыл тукум заводу" мамлекеттик ишканасы.

16. "Тегирмен-Башы" мамлекеттик асыл тукум заводу" мамлекеттик ишканасы.".