КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 29-июлу № 416

Кыргыз Республикасынын жогорку жана орто кесиптик билим берүү мекемелерин кайра уюштуруунун айрым маселелери жөнүндө

Жогорку кесиптик билим берүүнүн мамлекеттик билим берүү уюмдарынын финансылык, материалдык жана интеллектуалдык ресурстарын консолидациялоо, потенциалын жана билим берүү кызматтарын көрсөтүүнүн дүйнөлүк рыногунда атаандаштыкка жөндөмдүүлүгүн жогорулатуу максатында, Кыргыз Республикасынын Президентинин 2022-жылдын 18-июлундагы № 243 "Кыргыз Республикасынын жогорку кесиптик билим берүүсүнүн билим берүү уюмдарынын потенциалын жана атаандаштыкка жөндөмдүүлүгүн жогорулатуу боюнча чаралар жөнүндө" Жарлыгын аткаруу үчүн, Кыргыз Республикасынын Граждандык кодексине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. "Муса Рыскулбеков атындагы Кыргыз экономикалык университети" мекемеси ага "Бизнес жана социалдык өнүгүү академиясы" мекемесин кошуу жолу менен кайра уюштурулсун.

2. "Муса Рыскулбеков атындагы Кыргыз экономикалык университети" мекемеси "Бизнес жана социалдык өнүгүү академиясы" мекемесинин бардык укуктары жана милдеттери боюнча укук улантуучусу болуп эсептелет деп белгиленсин.

4. "Муса Рыскулбеков атындагы Кыргыз экономикалык университети" мекемесине илимий-изилдөө университети статусу берилсин.

5. Кыргыз Республикасынын Билим берүү жана илим министрлиги:

- кайра уюштурулуп жаткан мекемелердин уставдарын бекитсин;

- кайра уюштурулуп жаткан мекемелердин өткөрүп берүү актыларын бекитсин;

- өзүнүн чечимдерин ушул токтомго ылайык келтирсин;

- ушул токтомдон келип чыгуучу башка чараларды көрсүн.

6. Ушул токтомдун 1-пунктунда көрсөтүлгөн окуу жайлардын жетекчилери:

- финансылык жана материалдык-техникалык каражаттарды мындан ары пайдалануу маселелерин чечүү, ошондой эле мекемелерди кайра уюштуруу менен байланышкан бардык зарыл иш-чараларды өткөрүү үчүн комиссия түзсүн;

- кайра уюштурулуп жаткан мекемелерди юстиция органдарында белгиленген тартипте мамлекеттик кайра каттоодон өткөрсүн;

- окуу жайларда абитуриенттерди өз убагында кабыл алууну жана окуу процессин уюштурууну камсыз кылсын;

- ушул токтомдон келип чыгуучу башка чараларды көрсүн.

7. Кыргыз Республикасынын Финансы министрлиги тийиштүү жылга жана кийинки жылдарга республикалык бюджетте каралган каражаттардын чегинде кайра уюштурулган мекемелерди каржылоону жүзөгө ашырсын.

8. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

9. Бул токтом расмий жарыяланган күндөн тартып күчүнө кирет.