КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ  БОЮНЧА БОРБОРДУК КОМИССИЯСЫ

ТОКТОМ

2009-жылдын 12-августу № 238

Кыргыз Республикасынын Шайлоо жана референдум өткөрүү боюнча Борбордук комиссиясынын шайлоо процессинин бүткүл катышуучуларына кайрылуусу жөнүндө

Кыргыз Республикасындагы шайлоо жөнүндө Кодекстин 10-беренесинин 1-пунктунун 3-пунктчасына ылайык Кыргыз Республикасынын Шайлоо жана референдум өткөрүү боюнча Борбордук комиссиясы

ТОКТОМ КЫЛАТ:

1. Кыргыз Республикасынын Шайлоо жана референдум өткөрүү боюнча Борбордук комиссиясынын шайлоо процессинин бүткүл катышуучуларына кайрылуусунун тексти бекитилсин (№ 1 тиркеме).

2. Борбордук шайлоо комиссиясынын маалымат-аналитикалык бөлүмү бул кайрылууну "Эркин Тоо", "Кыргыз Туусу", "Слово Кыргызстана" газеталарына жарыяласын.

3. Бул токтомдун аткарылышын көзөмөлдөө аппарат жетекчиси К.Базарбаевге жүктөлсүн.