КЫРГЫЗ РЕСПУБЛИКАСЫНЫН

ТРАНСПОРТ ЖАНА ЖОЛ МИНИСТРИЛИГИ

БУРУК

2018-жылдын 04-июлу № 190

 «Кыргыз темир жолу» Улуттук компаниясы» мамлекеттик ишканасынын кызматкерлеринин кийимдеринин мекемелик формасы жана айырмалоо белгилери жөнүндө»

Кыргыз Республикасынын 2015-жылдын 3-декабрындагы №829 «Атайын жана мекемелик форма кийүүнү жөнгө салуу жөнүндөгү» токтомуна ылайык Кыргыз Республикасынын темир жол транспортунун кызматкерлеринин мекемелик форма кийүүсүн жөнгө салуу, тартипти жана жоопкерчиликти жогорулатуу максатында, 2014-жылдын 15-сентябрындагы №530 «Кыргыз Республикасынын Өкмөтүнүн айрым ченем чыгаруу укуктарын аткаруу бийлигинин бир катар мамлекеттик органдарына өкүлдөө жөнүндө» Кыргыз Республикасынын Өкмөтүнүн токтому менен:

БУЙРУК КЫЛАМ:

1.  Төмөнкү тиркелгендер бекитилсин:

1)  1-тиркемеге ылайык мекемелик формадагы кийим кийүүгө жана аларга тиешелүү айырмачылык белгилерди алып жүрүүгө укуктуу «Кыргыз темир жолу» Улуттук компаниясы» мамлекеттик ишканасынын кызматкерлеринин кызматтарынын (кесиптердин) тизмеси;

2)  2-тиркемеге ылайык «Кыргыз темир жолу» Улуттук компаниясы» мамлекеттик ишканасынын кызматкерлеринин мекемелик кийимдеринин, айырмалоочу белгилеринин жана фурнитураларынын сүрөттөлүшү;

3)  3-тиркемеге ылайык жүргүнчү поезддерин жана билет кассаларын текшерүүдө жана кызматтык милдеттерин аткарууда жүргүнчүлөрдү тейлеген кызматкерлердин милдеттүү түрдө төш белгилери болгон бейджиктердин формасын жана кызматкерлердин тизмесин тагып жүрүү зарылдыгы;

2.  «Кыргыз темир жолу» Улуттук компаниясы» мамлекеттик ишканасына («Кыргыз темир жолу» УК» мамлекеттик ишканасы):

1)  Кыргыз Республикасынын «Мамлекеттик сатып алуулар жөнүндөгү» мыйзамына ылайык мекемелик форма даярдоону камсыздасын;

2)  Мекемелик форма даярдоону каржылоо үчүн өздүк бюджеттен акча каражатынын бөлүнүп берилүүсүн камсыздасын;

3.  Пенсионерлерге майрам күндөрү пенсияга чыкканга чейинки ээлеп турган кызматына жараша айырмалоочу белгилери бар, мекемелик формаларын кийүүгө уруксат берилсин;

4.  Кызматкерлердин айрым категорияларына (эсепчилер, экономисттер, юридикалык кызматкерлер) жүргүнчүлөрдү тейлөө, жүк жөнөтүү жана алуу, поезд кыймылы жана маневр иштери менен түздөн түз катышы болбогон кызматкерлерге жумуш учурунда жарандык кийим кийүүгө, ал эми майрам күндөрү айырмалоочу белгиси бар мекемелик форма кийүүгө уруксат берилсин;

5.  Иш убактысында мекемелик кийимди башка кийим менен аралаштырып кийүү, ошондой эле учурдагы буйрукта каралбаган баш кийим, көйнөк, галстук, бут кийим кийүүгө уруксат берилбейт;

6. «Кыргыз темир жолу» Улуттук компаниясы» мамлекеттик ишканасына кызматкерлерге мекемелик кийимди бекер алууга, же узартып төлөөгө укуктуу кызматкерлердин айрым категориялары аныкталсын;

7.  Кыргыз Республикасынын Транспорт жана байланыш министрлигинин 2003-жылдын 25-февралындагы №40 «Кыргыз темир жолунун кызматкерлеринин мекемелик формасы жөнүндө» буйругу күчүн жоготту деп табылсын;

8.  Бул буйрук Кыргыз Республикасынын Өкмөтүнүн 2010-жылдын 26-февралындагы №117 «Кыргыз Республикасынын ченемдик укуктук актыларын расмий жарыялоо булактары жөнүндө» токтомуна ылайык «Эркин-Тоо» гезитинде жарыялансын;

9.  Бул буйруктун көчүрмөсү Кыргыз Республикасынын Юстиция министрлигинен мамлекеттик каттоодон өткөрүү үчүн мамлекеттик жана расмий тилдерде эки нускада, кагаз жана электрондук түрдө жарыялоо булагын көрсөтүү менен жөнөтүлсүн;

10. Бул буйрук расмий түрдө жарыяланган күндөн тартып 10 күндөн кийин күчүнө кирет.

11. Бул буйруктун аткарылышын көзөмөлдөө «Кыргыз темир жолу» Улуттук компаниясы» мамлекеттик ишканасынын башкы директору А.Ногойбаевге жүктөлсүн.

«Кыргыз темир жолу» Улуттук компаниясы» мамлекеттик ишканасынын мекемелик форма кийүүгө жана тиешелүү айырмалоочу белгилерди тагууга укуктуу кызматкерлеринин кызматтарынын (кесиптеринин) тизмеси

Шилтемелер:

Бул тиркемедеги кыскартуулардын чечмелениши төмөндөгүдөй:

Н - Башкы директор

НЗ-1 - Башкы директордун биринчи орун басары

НЗ - Башкы директордун биринчи орун басары

НА - Аппараттын жетекчиси

ПРЕССА – Басма сөз катчысы

СН - Башкы директордун кеңешчиси

НИ - Башкы директордун жардамчысы

КТ - Кыймыл коопсуздугу боюнча текшерүүчүлөрдүн башкармалыгы

КБ - Каржы башкармалыгы

КПД - Долборлоо жана магистралдык темир жолдорду куруу башкармалыгы

Д - Коммерция жана жүк ташуу иштери боюнча башкармалык

ТСБ - Техникалык саясат башкармалыгы

ОСКБ - Оңдоп-түзөө жана өндүрүш жана суу менен камсыздоо башкармалыгы

ЖТБ - Жүргүнчүлөрдү ташуу башкармалыгы

ЭСТБ - Экономикалык, стратегиялык өнүгүү жана тарифтик саясат башкармалыгы

НКР - Киреше жана чыгашаны текшерүү жана көзөмөлдөө бөлүмү

НЖКИ - Жарандык коргоо жана өзгөчө иш бөлүмү

НЮ - Юридикалык бөлүм

НС - Жалпы бөлүм

НЭТ - Тарифтик саясат бөлүмү

НЭӨ - Стратегиялык өнүгүү жана экономика бөлүмү

НКБ - Кадр бөлүмү

НЭМ - Эл аралык кызматташтык жана коомчулук менен байланыш бөлүмү

НПБ - Долборлоо бөлүмү

НПИАБ - Долбоорду ишке ашыруу бөлүмү

ӨӨБ - Өрт коопсуздугу кызматынын бөлүмү

ӨКП - Өрт коопсуздугу поезди

ККП - Калыбына келтирүү поезди

НЧ - Кыймыл составынын статистика жана эсеп бөлүмү

ТехТД - Документтерди иштетүү боюнча технологиялык борбор

НОӨБ – Оңдоп-түзөө-өндүрүш бөлүмү

НСКБ - Суу менен камсыздоо бөлүмү

МЭК - Маалыматтык-эсептөөнү камсыздоо боюнча филиалдын башчысы

ММ – «Кыргыз темир жолу» Улуттук компаниясы» мамлекеттик ишканасынын жүктөө-түшүрүү иштери боюнча филиалы

НО – «Кыргыз темир жолу» Улуттук компаниясы» мамлекеттик ишканасынын ташуу документтерин жана темир жолдун аскерлештирилген объектилеринин коопсуздугун камсыз кылуу филиалы

Т – «Кыргыз темир жолу» Улуттук компаниясы» мамлекеттик ишканасынын локомотивдик чарба боюнча филиалы

ШЭ – «Кыргыз темир жолу» Улуттук компаниясы» мамлекеттик ишканасынын электр кубаты, белги берүү жана байланыш менен камсыздоо боюнча филиалы

В – «Кыргыз темир жолу» Улуттук компаниясы» мамлекеттик ишканасынын вагондук чарба боюнча филиалы

МО - Көпүрө куруу отряды

П – «Кыргыз темир жолу» Улуттук компаниясы» мамлекеттик ишканасынын жол чарба боюнча филиалы

ЖТФ – «Кыргыз темир жолу» Улуттук компаниясы» мамлекеттик ишканасынын жүргүнчүлөрдү тейлөө филиалы

МТК – «Кыргыз темир жолу» Улуттук компаниясы» мамлекеттик ишканасынын материалдык-техникалык камсыздоо филиалы

НТБ - Түштүк бөлүм

КТ - Коопсуздук техникасы

Э инспектору - Энергетикалык көзөмөл тескөөчүсү

ТБАК – «Кыргыз темир жолу» Улуттук компаниясы» мамлекеттик ишканасынын түштүк бөлүмү

МЧУ - Жүктөө-түшүрүү ишинин механикалаштырылган дистанциянын башчысы

АЭТ - Аймактык электр тармактары

ӨУБ - Өндүрүш участкасынын башчысы

ОТЦБ - Оңдоо-текшерүү бөлүмүнүн башчысы

ТТП - Техникалык текшерүү пункту

КТП - Контролдук текшерүү пункту

ТЖБК - Темир жол бекетинин кезекчиси

ТЖБТБ - Темир жол бекетинин ташуу документтерин жана поезд маалыматын иштетүү боюнча технологиялык борбору

ТТБ - Телефондук-телеграфтык бекет

ОЖБ - Жүргүнчү поездинде орундарды бөлүштүрүү боюнча жол бюросу

ЖКИ - Жасалма курулуш инженери

АЧБ – Административдик чарба бөлүмү

ББББ – Белги берүү, борборлоштуруу, бөгөттөө

Л - Жүргүнчү

СБ - Сыноо борбору

МСАБ - Мамлекеттик сатып алуу бөлүмү.

«Кыргыз темир жолу» Улуттук компаниясы» мамлекеттик ишканасынын мекемелик формасынын, айырмалоочу белгилеринин жана кызматкерлеринин фурнитураларынын сүрөттөлүшү

1. Пальто (бардык бөлүмдөгү жумушчулар үчүн), күрмө

Кара-көк түстөгү аралаш кездемеден тигилген (көбүрөөгү пахта). Силуэти түз. Чөнтөгү ички бетине салынып, сыртынан кабатталып тигилген. Боорундагы топчулары ички бетинде (жашыруун). Жакасы кабатталган жана тик жака болуп тигилген. Аркасы түз. Жеңинде боосу жана жеңинин уч жагында топчусу бар. Ичинде жылууланган кабаты бар. Жылуулук берүүгө синтетикалык пахта жана пахта колдонулат. «Кыргыз темир жолу» Улуттук компаниясы» мамлекеттик ишканасынын өрт кызматы, «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлеринин күрмөсү хаки өңүндөгү кездемеден тигилет.

2. Костюм

     Жогорку кызматтагылардын костюму камволдук кара-көк түстөгү шерсть материалдан тигилет. Көгүш-боз түстөгү костюм башкы директордун салтанаттуу күндөрдө кийилүүчү кийими.

     Жогорку даражалуу кызматкерлери үчүн – боорунда формалык үч топчусу бар, кабатталган жакалуу күрмө. Жакасынын учу алтын түстүү лавр жалбырагынын формасында саймаланып тигилген (оң жана сол жагында экиден лавр жалбырагы, үстүндө бирөө). Костюмдун арт жагы желкеден ылдый түз кетет жана этегинде тилиги бар. Алдыңкы бетинде тигинен тигилген, капкакчасы бар эки чөнтөгү жана сол жагынын жогору жагында капкакча салынып тигилген чөнтөгү бар. Эки жеңи түз тигилген жана ич жагында формалык эки топчусу бар. Шымы түз тигилген, кадимки классикалык костюмдун шымы.

     Ал эми улук, орто, кичүү жана катардагы кызматкерлер үчүн боорунда формалык үч топчусу бар, кабатталган жакалуу күрмө. Тигинен тигилген эки чөнтөгүнүн жогору жагында чөнтөк капкакчалары жана сол жак чөнтөгүнүн жогору жагында дагы бир чөнтөгү бар. Жеңдери түз жана жеңинин уч жагында топчу кадалган.

     Улук, орто, кичүү жана катардагы кызматкерлер үчүн кара-көк түстөгү жарымы шерсть камволдук кездемеден: эркектер үчүн куртка-шым, аялдар үчүн куртка-юбка (куртка жана шым).

     Куртканын боорунда формалык төрт топчусу бар. Жакасы кабатталган. Алдыңкы бетинде бүгүшү жана капкакчалуу жармаштырылып тигилген чөнтөгү бар. Арт тарабы кошулуп, бүгүлүп тигилген. Эркектердин курткасынын ылдыйкы бөлүгүндө кошумча тилинип тигилген чөнтөк жайгашкан. Жэңи манжеттүү жана формалык бир топчулуу. Күрмөнүн этек жагынын эки капталына белинин узундугуна жараша чоюлчаак резинке салынган. Эркектердин костюмунун шымы түз, классикалык үлгүдө. Аялдардын костюмунун юбкасы түз, артында тилиги бар.

 «Кыргыз темир жолу» Улуттук компаниясы» мамлекеттик ишканасынын өрт кызматы бөлүмүнүн костюму жашыл түстө тигилген.

     «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча коргоону камсыз кылуучу аскерлештирилген күзөт кызматкерлеринин костюму жарымы шерсть кездемеден токулган, кочкул жашыл-күрөң түстө (жай мезгили үчүн костюм аралаш токулган (көбүрөөгү пахта) кочкул жашыл кездемеден тигилген «сандык флора»).

3. Баш кийим

      Формалык баш кийим кийүү бардык бөлүмдөр үчүн салттуу көрүнүш.

Аялдын баш кийими пилоткага окшош, кырлары түстүү жип менен саймаланган, 3 мм жашыл түстөгү сукнодон, же шерсть кездемеден тигилген.

     Эркектин жана аялдын баш кийимдери форма менен бирдей эле кездемеден жасалат.

     Аялдын баш кийими кубанкага окшош, кара түстөгү козунун (цигейка) терисинен жасалган. Жогорку жана ага кызматтагылар үчүн - кара каракулдан жана башка категориядагы кызматкерлер үчүн – жасалма кара териден, же цигейкадан тигилген.

«Кыргыз темир жолу» Улуттук компаниясы» мамлекеттик ишканасынын өрт кызматы, «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлеринин баш кийими костюмдар сыяктуу эле бирдей кездемеден тигилген. Кышкы баш кийим – шапке, кулактуу тумак көгүш-боз түстөгү козу терисинен.

 «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлеринин жайкы баш кийими аралаш жеңил кездемеден токулган (көбүрөөгү пахта) "сандык флора” түрдөгү кочкул-жашыл түстө кездемеден тигилген.

 «Кыргыз темир жолу» Улуттук компаниясы» мамлекеттик ишканасынын жүргүнчүлөрдү тейлөө тармагынын проводниктери жай мезгилинде «Кыргыз темир жолунун» логотиби түшүрүлгөн, кара-көк түстө, аралаш жеңил кездемеден тигилген (көбүрөөгү пахта), баш кийим кийишет.

4.Чолок - плащ

Эркек жана аялдардыкы пальтого окшош, бирок ичинде жылуулук берүүчү кошумчасы жок, кара - көк түстө, (көбүрөөгү пахта) аралаш токулган кездемеден жасалган.

     «Кыргыз темир жолу» Улуттук компаниясы» мамлекеттик ишканасынын өрт кызматы, «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлери үчүн чолок– плащ хаки түстө, (көбүрөөгү пахта) аралаш токулган кездемеден жасалган.

5. Көйнөк, бут кийим

Эркектердин жана аялдардын костюм ичинен кийген көйнөгү узун жеңдүү, жакасы кабатталган жана боорунда топчусу бар. Үстү жагында жармашылып тигилген чөнтөктөрү бар. Аркасы бүгүлүп тигилген. Көйнөктүн өңү ак же көгүш түстө.

Эркектердин жана аялдардын костюм ичинен кийген жайкы көйнөгү узун, же кыска жеңдүү жана кабатталган жакалуу. Үстү жагында жармаштырылып тигилген, капкакчалары бар чөнтөктөрү бар. Аркасы бүгүлүп тигилген. Көйнөктүн этегинде белдиги бар, көгүш, ак түстө.

«Кыргыз темир жолу» Улуттук компаниясы» мамлекеттик ишканасынын өрт кызматы, «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлеринин көйнөгүнүн түсү ак, же зейтин өңүндө.

     Темир жолдун кызматкерлеринин формалык көйнөгү жибек кездемеден тигилген.

Бут кийими булгаары, кара түстө (туфли, ботинке).

6. Галстук (регат)

Кочкул көк түстөгү кездемеден тигилет. «Кыргыз темир жолу» Улуттук компаниясы» мамлекеттик ишканасынын өрт кызматы, «Кыргыз темир жолу» Улуттук компаниясы» мамлекеттик ишканасынын темир жол объектилерин жана жүк ташуу боюнча филиалынын коргоону камсыз кылуучу аскерлештирилген күзөт кызматкерлеринин галстук – бантынын, галстугунун өңү кочкул жашыл түстө болот.

7. Айырмалоочу белгилер

Айырмалоочу белгилер ээлеген кызматына жараша коюлат. Жогорку башкаруучу курам үчүн айырмалоочу ийин белги катары (погон, жарты погон) формалык костюм жана көйнөктүн ийинине жабыштырылган жылдыз белгиси саналат.

     Жогорку, улук, орто, кичүү жана катардагы курам үчүн жайкы көйнөктөгү айырмалоочу белги катары ийин белгилери кызмат кылат (погондор).

     Ийин белгилери тик бурчтукка окшош, үстүнкү чети төгөрөк: туурасы 70 мм, узундугу 90 мм. Жогорку кызматтагылардын ийин белгилери үч жагынан алтын түстөгү боо менен жээктелет (ортосунан башка жерлери). Ийин белгисинин ички бөлүгү туурасы 50 мм болгон алтын түстөгү (шефрон) тасмадан жасалат. Ал эми үстү жагындагы төгөрөк бөлүгү жашыл түстөгү сукнодон тигилет. Ийин белгисиндег. алтын түстөгү жерине алтын түстөгү жип менен а 20 мм өлчөмдөгү жылдыздар бирден үчкө чейинки санда туурасынан жайгаштырылып сайма түшүрүлөт (1-сүрөт).

     Улук, орто, кичүү жана катардагы курам үчүн ийин белгилери фирмалык костюмдун кездемесинен жасалат. Формасы жана өлчөмү жогорку курамдагы кызматкерлердин жарым погондоруна окшош. Ийин белгинин ортосунан башка жактары үч жагынан туурасы 3 мм болгон жашыл түстөгү сукнодон милте салып тигилет.

     Улук, орто, кичүү жана катардагы курам үчүн ийин белгилеринин жогору жагында 14 мм болгон формалык топчунун илмеги узатасынан салып тигилет.

     Ийин белгилеринде төмөнкүлөр жайгашкан:

- жогорку курамдагы кызматкерлер үчүн - ийин белгилер алтын түстө, металл же пластиктен диаметри 20 мм болгон, бирден үчкө чейин жылдыздар туурасынан жайгашкан (1-сүрөт).

- улук курамдагы кызматкерлер үчүн - ийин белгисинин негизинен 10 мм алыстыкта, туурасы 12 мм болгон көп бурчтукка окшош сары түстөгү эки сызык, жогору жагынан ылдый карай туурасы 4 мм, узуну 64 мм болгон чокулуу тоону элестеткен кесилген тең капталдуу эки үч бурчтук жайгашкан. Көп бурчруктун чокусу жарым погондун жогору жагына каратылган. Көп бурчруктун аралыктары 3 ммди түзөт. Көп бурчтуктун чокусунан 10 мм аралыкта алтын түстө, металл же пластиктен диаметри 16 мм болгон, бирден үчкө чейин жылдыздар туурасынан жайгашкан (2-сүрөт).

- орто курамдагы кызматкерлер үчүн - ийин белгисинин ортосунан 10 мм аралыкта сары түстө бир көп бурчтук жайгашкан. Көп бурчтуктун чокусунан 22 мм аралыкта алтын түстө, металл же пластиктен диаметри 13 мм болгон, бирден үчкө чейин жылдыздар туурасынан жайгашкан (3-сүрөт).

- төмөнкү жана катардагы кызматкерлер үчүн – жарым погондон 10 мм аралыкта, туурасы 12 ммди түзгөн көп бурчтукка окшош сары түстө бир сызык, жогору жагынан ылдый карай туурасы 8 мм болгон кесилген тең капталдуу эки үч бурчтук жайгашкан. Үч бурчтуктун чокусу жарым погондун жогору жагына каратылган. Жарым погондун ортосунан 36 мм аралыкта диаметри 20 мм болгон Кыргыз Республикасынын Мамлекеттик туусунун символу жайгаштырылган (күндүн нурлары жана түндүк) (4-сүрөт).

Формалык кийимдин курткасынын погону кочкул көк (жашыл) түстөгү кездемеден жасалат.

Жайкы көйнөктүн айырмалоочу белгилери болуп тик бурчтук катарында, негизинен туурасы 55 мм, чокусуна 45 мм, узуну 120-140 мм, жогорку чети төгөрөк болгон ийин белгилери кызмат кылат. Погондор ак, көгүш, жашыл түстөгү жибектен тигилет, милтеси жок.

Жогорку кызматтагы курамдын погондору: эки тарабынан сары түстөгү сайма түрүндө алкакталган, погондун негизинде сары түстөгү лавр гүлчамбарынын ичинде Кыргыз Республикасынын Мамлекеттик туусу бар (5-сүрөт).

Улук курамдын кызматкерлеринин погондорунун белгилеринин аралыгы – туурасы 12 мм сары түстөгү көп бурчтук сыяктуу, жогорудан ылдый карай туурасы 4 мм, узундугу 50 мм болгон кесилген тең капталдуу эки үч бурчтук (6-сүрөт).

     Орто курамдагы кызматкерлер үчүн - туурасы 12 мм сары түстөгү көп бурчтук катарында, жогорудан ылдый карай туурасы 4 мм, узундугу 50 мм болгон кесилген тең капталдуу бир үч бурчтук (7-сүрөт).

Жылдыздар бирден үчкө чейин узатасынан жайгашкан.

     Төмөнкү жана катардагы кызматкерлер үчүн - туурасы 12 мм сары түстөгү көп бурчтук тигилген, жогорудан ылдый карай туурасы 4 мм, узундугу 50 мм болгон кесилип тигилген тең капталдуу бир үч бурчтук (8-сүрөт).

     Символ – күндүн нурлары жана түндүк - погондун орто жеринде жайгашкан.

     Жайкы формалык куртканын жана көйнөктүн ийин белгиси алмашылат.

      «Кыргыз темир жолу» Улуттук компаниясы» мамлекеттик ишканасынын эмблемасы канаты бар эллиптикалык дөңгөлөктү элестетет. Төш эмблемасынын өлчөмү: дөңгөлөктүн габарити 23х13мм, канаттын кулачы - 70мм. Жогорку жана улук курамдагы кызматкерлердин төш эмблемасы алтын түстүү жип менен тигилет. Орто, төмөнкү жана катардагы кызматкерлердин эмблемасы алтын түстөгү башка кездемелерден тигилиши да мүмкүн (9-сүрөт).

     Эмблема жайкы көйнөктүн төш жагында жана формалык кийимдин оң тарабында болот.

     Баш кийимдин кокардасы туурасы 22 мм, узуну 30 мм болгон эллипсти элестетет, алтын түстө рамкаланган канаты (канаттын кулачы 60 мм) менен кочкул жашыл түстөгү талаасы жана эллипстин ортосунда эки лавр жалбырагы бар. Талааларында алтын түстүү техникалык белгиси бар. Кокарда металлдан жасалат, жогорку жетекчилик курам үчүн саймаланып тигилиши мүмкүн.

     Аялдардын баш кийиминин кокардасы алтын түстөгү алкакка салып тигилген, туурасы 27 мм, узуну 34 мм болгон эллипсти элестетет.

     Жогорку курамдагы кызматкерлердин костюмунун жакасында лавр жалбырагы түрүндөгү тигиш бар.

      Улук жана орто курамдагы жетекчи кызматкерлердин жакасына алтын түстөгү металлдан чекеси лавр жалбырагы менен кооздолгон түндүк тагылат.

     Кичүү жана катардагы кызматкерлерге «Кыргыз темир жолу» Улуттук компаниясы» мамлекеттик ишканасынын техникалык белгиси тагылат. Техникалык белги диаметри 15 мм болгон кочкул жашыл түстөгү тегерек түрүндө. Ичинде кайчылаш экиге ачылма ачкыч жана балканын сүрөтү бар. Тегеректин оң жана сол жагында кыскартылган 8х5 өлчөмдөгү рессорлор жайгашкан. Техникалык белги металлдан жасалат.

      «Кыргыз темир жолу» Улуттук компаниясы» мамлекеттик ишканасынын жеңиндеги эмблема формалык кийимдин кездемесинен жасалып, кийимдин сол жеңинде ийинден 12 см аралыкта тагылат.

Эмблеманын узундугу 63 мм, туурасы 90 мм. Жогорку бөлүгү айланган, радиусу 22 мм болгон жарым тегерек. Жогорку бөлүгүндө Кыргыз Республикасынын туусу жайгашкан, ортосунда чекеси алтын түстөгү лавр жалбырагынан жасалган венок түрүндө кайчылаш экиге ачылма ачкыч жана балканын сүрөтү бар. Ылдыйкы бөлүгүндө «Кыргыз темир жолу» Улуттук компаниясы» мамлекеттик ишканасынын эмблемасы жайгашкан. Техникалык белги менен эмблеманын ортосунда сары түстө «Кыргыз темир жолу» деген жазуу бар. «К» тамгасынын узундугу 15 мм, калгандары 12 мм. Жеңиндеги эмблемасынын сары-кара түстөгү милтеси бар.

7. Бардык категориядагы кызматкерлердин топчулары алтын түстө. Топчуларга Кыргыз Республикасынын герби түшүрүлгөн. Топчунун диаметри 22 мм, 14мм.

8. Форма тиешелүү абалда болушу керек, ал эми аны калыбына келтирүүгө мүмкүн болбогон учурда алмаштырылып берилет.

Жүргүнчү поезддерин жана билет кассаларын текшерүүдө жана кызматтык милдеттерин аткарууда жүргүнчүлөрдү тейлеген кызматкерлердин төш белгилердин формасын жана кызматкерлердин тизмесин тагып жүрүү зарылдыгы

1. Төш белги визиттик карточка түрүндө жасалып, ичинде ээси тууралуу маалымат жана сүрөт жайгашат.

Төш белгинин сол бурчунда сүрөт болот. Ортосунда чоң кара тамга менен ээсинин аты-жөнү, ал эми оң бурчунда анын ээлеген кызматы, төмөн жагында иштеген жери жазылат.

Төш белги төштүн сол жагына тагылат.

     95 мм

2. Кызматтык милдеттерин аткарууда визиттик карточкаларды тагып жүрүүсү зарыл болгон кызматкерлердин кесиптеринин тизмеси:

- бекет башчысы;

- бекет кезекчиси;

- Бишкек-2 бекетинин инженер-технологу;

- билет сатуучу кассир;

- сурап-билүү кызматынын кызматкери;

- поезд башчысы;

- вагон проводниги;

- сактоо камерасынын кызматчысы.

1-сүрөт. Жогорку курамдагы башчылардын формасынын ийин белгилери (жарты погон)

Жылдыздар-20 мм

2-сүрөт. Улук курамдагы кызматкерлердин формасынын ийин белгилери (жарты погон)

Жылдыздар - 16 мм, топчулары - 14 мм

З-сүрөт. Орто курамдагы кызматкерлердин формасынын ийин белгилери (жарты погон)

Жылдыздар - 13 мм, топчулары - 14 мм

4-сүрөт. Кичүү жана катардагы кызматчьшардын формасынын ийин белгилери (жарты погон)

Топчулар - 14 мм, тундук - 20 мм

5-сүрөт. Жогорку курамдагы башчылардын погону               Жылдыздар - 20 мм, топчулар - 14 мм

6-сүрөт.Улук курамдагы башчылардын погону

Жылдыздар – 16 мм, топчулар – 14 мм

7-сүрөт.Орто курамдагы башчылардын погону

Жылдыздар – 13 мм, топчулар – 14 мм

8-сүрөт.Кичүү жана катардагы кызматкерлердин погону

Түндүк – 20 мм, топчулар – 14 мм

9-сүрөт.Костюмдун сол женинде, ийинден 12см аралыкгагы кол эмблемасы