КЫРГЫЗ РЕСПУБЛИКАСЫНЫН ӨКМӨТҮНӨ КАРАШТУУ

АРХИТЕКТУРА, КУРУЛУШ ЖАНА ТУРАК ЖАЙ-КОММУНАЛДЫК

ЧАРБА МАМЛЕКЕТТИК АГЕНТТИГИ

БУЙРУК

2018-жылдын 31-декабры №34-нпа

Кыргыз Республикасынын курулуш ченемдери КР КЧ 40-01:2018 “Калкынын саны 3000 ге чейинки кичи конуштарды тышкы суу менен жабдуу тутумдары Долбоорлоо жана куруу ченемдерин” бекитүү жөнүндө

Жашоочулардын саны 3000 ге чейинки Кыргыз Республикасынын кичи конуштарында тышкы суу менен жабдуу тутумдарын долбоорлоо жана курууда жалпы шарттарын белгилөө менен жана калкты коопсуз ичүүчү суу менен камсыздоо максатында, Кыргыз Республикасынын Өкмөтүнүн 2014-жылдын 15-сентябрындагы № 530 “Кыргыз Республикасынын Өкмөтүнүн айрым ченем жаратуу ыйгарым укуктарын аткаруу бийлигинин бир катар мамлекеттик органдарына өткөрүп берүү жөнүндө” токтомун жана Кыргыз Республикасынын Өкмөтүнүн 2013-жылдын 24-июнундагы № 372 токтому менен бекитилген Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги (мындан ары-Мамкурулуш) жөнүндө жобону жетекчиликке алып,

БУЙРУК КЫЛАМ:

1. Бекитилсин:

- Кыргыз Республикасынын курулуш ченемдери КР КЧ 40-01:2018 “Калкынын саны 3000 ге чейинки кичи конуштарды тышкы суу менен жабдуу тутумдары Долбоорлоо жана куруу ченемдери”.

2. Мамкурулуштун басма сөз-катчысы Мамкурулуштун алдындагы Ичүүчү суу менен камсыздоону жана агындылоону өнүктүрүү департаменти (мындан ары – Департамент) менен биргеликте Кыргыз Республикасынын Өкмөтүнүн 2010-жылдын 26-февралынан №117 “Кыргыз Республикасынын ченемдик укуктук актыларын расмий жарыялоо булактары жөнүндө” токтомуна ылайык ушул буйруктун расмий жарыяланышы боюнча чараларды көрсүн.

3. Мамкурулуштун кадрдык иштер жана иш кагаздарын жүргүзүү бөлүмү Департамент менен биргеликте:

- Кыргыз Республикасынын ченемдик укуктук актыларын мамлекеттик реестрине кошуу үчүн ушул буйруктун көчүрмөсү расмий жарыяланган күндөн тартып үч жумуш күндүн ичинде буйруктун көчүрмөсүн мамлекеттик жана расмий тилдерде эки нускада, кагаз жана электрондук түрдө, аталган буйрук жарыяланган булакты көрсөтүү менен Кыргыз Республикасынын Юстиция министрлигине жиберилсин.

- Ушул буйрук күчүнө кирген күндөн тартып үч жумуш күн ичинде Кыргыз Республикасынын Өкмөтүнүн Аппаратына буйруктун көчүрмөсү маалымат катары жөнөтүлсүн.

4. Ушул буйрук расмий жарыяланган күндөн тартып 10 күн өткөндөн кийин күчүнө кирет.

5. Ушул буйруктун аткарылышын контролдоо Мамкурулуштун директордун орун басары М.А. Акматалиевге жүктөлсүн.