Мамлекеттик кызматты административдик жөнгө салуу

Акы төлөнүүчү коомдук жумуштарды уюштуруу боюнча программалардын алкагында жарандарды убактылуу жумуш менен камсыз кылуу

(3-глава  “Социалдык кызмат көрсөтүүлөр”, Мамлекеттик кызмат көрсөтүүлөрдүн бирдиктүү реестринин (тизмесинин) 3-пункту)

1. Жалпы жоболор

1. Бул мамлекеттик кызматты көрсөтүү Кыргыз Республикасынын Эмгек, социалдык камсыздоо жана миграция министрлигинин аймактык бөлүмдөрү тарабынан жүзөгө ашырылат.

2. Бул кызматтын административдик регламенти Кыргыз Республикасынын Өкмөтүнүн 2014-жылдын 3-июнундагы № 303 “Жеке жактарга көрсөтүлүүчү мамлекеттик кызмат көрсөтүүлөрдүн стандарттарын жана мамлекеттик органдар, алардын түзүмдүк бөлүмдөрү жана ведомстволук мекемелери тарабынан юридикалык жактар».

3. Кызмат көрсөтүү стандарты тарабынан белгиленген негизги параметрлер:

1) Кызмат көрсөтүүнүн жалпы убактысы:

а) жумушсуздарга акы төлөнүүчү коомдук жумуштарга жолдомо берүү - 30 мүнөт;

б) коомдук акы төлөнүүчү ишке катышкан мезгилде эмгек акы төлөө - бир айдан кийин.

2) Кызматты алуу үчүн зарыл болгон документтердин тизмеси:

а) акы төлөнүүчү коомдук жумуштарга дайындоо жөнүндө арыз, арызга төмөнкү документтер тиркелет:

- түп нускасын көрсөтүү менен паспорттун көчүрмөсү;

- анын түп нускасын көрсөтүү менен эмгек китепчесинин көчүрмөсү (эмгек китепчеси кимге таандык экендигин ырастоочу баракчалар жана жумуштан бошотуу жөнүндө жазуу);

- эгерде кесиптик квалификациясы бар болсо, анын түп нускасын көрсөтүү менен жарандын кесиптик квалификациясын ырастоочу документтин көчүрмөлөрү.

3) Бул мамлекеттик кызмат акысыз көрсөтүлөт. Кызмат көрсөтүүлөрдүн наркы (чыгындары) болуп төмөнкүлөр саналат:

- жумушсуздарга акы төлөнүүчү коомдук жумуштарга жолдомо берүү;

- акы төлөнүүчү коомдук жумуштарда иштегендерге эмгек акы төлөө - 1800 сом.

4) Кызмат көрсөтүүнүн натыйжасы: жумушсуз жаранга эмгек акы төлөө.

2. "Жарандарды акы төлөнүүчү коомдук жумуштарды уюштуруу программаларынын алкагында убактылуу жумуш менен камсыз кылуу" кызматын көрсөтүү процессинде аткарылуучу жол-жоболордун тизмеси

3. Процедуранын өз ара байланышынын блок-схемасы мамлекеттик кызматтарды көрсөтүү үчүн “Жарандарды акы төлөнүүчү коомдук жумуштарды уюштуруу боюнча программалардын алкагында убактылуу жумуш менен камсыз кылуу”

4. Процедуранын сүрөттөлүшү жана алардын мүнөздөмөлөрү

5. «Жарандарды акы төлөнүүчү коомдук жумуштарды уюштуруу программаларынын алкагында убактылуу жумуш орундары менен камсыз кылуу» мамлекеттик кызмат көрсөтүү жол-жоболорун ишке ашыруу схемасы (алгоритми)

6. Административдик регламенттин талаптарынын аткарылышын көзөмөлдөө

6. Административдик регламенттин талаптарынын сакталышы ички (учурдагы) жана тышкы контролго алынат.

1) Ички контроль кызмат адамдары жана кызматчылар тарабынан административдик регламенттин жоболорун, ошондой эле кызмат көрсөтүү процессинде кабыл алынган чечимдердин сакталышына жана аткарылышына үзгүлтүксүз текшерүүлөрдү жүргүзүү жолу менен жүзөгө ашырылат.

2) Текшерүүнүн жыштыгы жылына 1 жолу.

Пландан тышкаркы текшерүүлөр кызмат көрсөтүүлөрдү керектөөчүлөрдүн өтүнүчү боюнча жүргүзүлөт.

3) Текшерүүлөрдүн натыйжалары боюнча кызматтын административдик регламентинин талаптарынын аныкталган бузууларын четтетүү боюнча чаралар көрүлөт жана Кыргыз Республикасынын мыйзамдарында белгиленген тартипте күнөөлүү адамдардын жоопкерчилиги жөнүндө маселе каралат.

7. Кызматтын административдик регламентинин талаптарынын аткарылышына тышкы контроль Кыргыз Республикасынын Эмгек, социалдык камсыздоо жана миграция министрлигинин чечими менен түзүлгөн комиссия тарабынан жүзөгө ашырылат.

1) Комиссиянын ишинин натыйжалары күбөлүк түрүндө түзүлөт, анда административдик регламентти өзгөртүү боюнча сунуштар киргизилиши мүмкүн.

2) Күбөлүккө кол коюлган учурдан тартып 3 жумушчу күндүн ичинде ал бул кызматты көрсөткөн мекемеге жөнөтүлөт.

Күбөлүк алынган күндөн тартып бир айлык мөөнөттө аныкталган бузууларды жана кемчиликтерди четтетүү боюнча чаралар көрүлүүгө, бул тартип бузууларга жол берген кызмат адамдарына жана кызматкерлерге карата тартиптик жана административдик чаралар көрүлүүгө тийиш.

Зарыл болгон учурда административдик регламентке өзгөртүүлөрдү киргизүү да белгиленген тартипте демилгеленет.

3) Административдик регламенттин талаптарынын аткарылышына тышкы контроль жылына бир жолудан кем эмес жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Административдик регламенттин талаптарын бузгандыгы үчүн министрликтин аймактык бөлүмдөрүнүн кызмат адамдары жана кызматкерлери Кыргыз Республикасынын административдик  жана эмгек мыйзамдарына ылайык жоопкерчилик тартышат.

9.  Кызмат көрсөтүү же анын бир бөлүгү жеке жана/же юридикалык жактарга аткаруу үчүн аутсорсингге берилген учурда кызмат көрсөтүүнүн административдик регламентинин талаптарын сактоо үчүн жоопкерчилик ошол кызмат көрсөтүүгө жооптуу мекемеде сакталат.

8. Корутунду жоболор

10. Кызмат көрсөтүүнүн административдик регламенти акыркы керектөөчүгө ушул кызматты көрсөтүү максатында өз ара аракеттенүүнү жүзөгө ашыруучу тиешелүү министрликтер/ведомстволор, ведомстволук (түзүмдүк жана аймактык) бөлүмдөр менен макулдашылган.

11. Административдик регламент кызмат көрсөтүүнүн стандартын кайра кароо менен бир убакта жана зарылдыгына жараша кайра каралууга тийиш.

9. Административдик регламенттерди иштеп чыгуучулар

12. Асанбаева Саида Касмалиевна - Кыргыз Республикасынын Эмгек, социалдык камсыздоо жана миграция министрлигинин, Эмгек жана активдүү чараларды өнүктүрүү боюнча чечимдерди даярдоо башкармалыгынын, иш менен  камсыздоого көмөктөшүү бөлүмүнүн башкы адиси.