КЫРГЫЗ РЕСПУБЛИКАСЫНЫН ФИНАНСЫ МИНИСТРЛИГИ

БУЙРУК

2023-жылдын 28-февралы № 26-Б

Кыргыз Республикасынын Финансы министрлигинин 2019-жылдын 26-августундагы № 90-П “Кыргыз Республикасынын Финансы министрлиги тарабынан көрсөтүлүүчү мамлекеттик кызмат көрсөтүүлөрдүн административдик регламентин бекитүү тууралуу” буйругуна өзгөртүүлөрдү киргизүү жөнүндө

Кыргыз Республикасынын Өкмөтүнүн 2018-жылдын 16-январындагы № 26 токтому менен бекитилген Мамлекеттик жана муниципалдык кызматтардын административдик регламенттерин иштеп чыгуунун жана оптималдаштыруунун тартиби жөнүндө жобого, Кыргыз Республикасынын Өкмөтүнүн 2014-жылдын 15-сентябрындагы №530 “Кыргыз Республикасынын Өкмөтүнүн айрым ченем жаратуу ыйгарым укуктарын аткаруу бийлигинин бир катар мамлекеттик органдарына өткөрүп берүү жөнүндө” токтомуна ылайык, ошондой эле Кыргыз Республикасынын Министрлер Кабинетинин 2022-жылдын 8-апрелиндеги № 202 токтому менен бекитилген 2022-2024-жылдарга Кыргыз Республикасынын бажы кызматын өнүктүрүү концепциясын ишке ашыруу максатында, буйрук кылам:

1. Кыргыз Республикасынын Финансы министрлигинин 2019-жылдын 26-августундагы № 90-П “Кыргыз Республикасынын Финансы министрлиги тарабынан көрсөтүлүүчү мамлекеттик кызмат көрсөтүүлөрдүн административдик регламентин бекитүү тууралуу” буйругуна төмөнкү өзгөртүүлөр киргизилсин:

1-пункт төмөнкү мазмундагы төртүнчү абзац менен толукталсын:

“- Адистештирлиген окутуу бажысы тарабынан “Кошумча кесиптик билим берүү” мамлекеттик кызмат көрсөтүүлөрүнүн Административдик регламенти 3-тиркемеге ылайык.”;

- 2-пункт “(Мадумаров К. М.)” сөздөрүнөн кийин “,Кыргыз Республикасынын Финансы министрлигине караштуу Мамлекеттик бажы кызматынын Адистештирилген окутуу бажысына (Кожомбердиев Б.К.)” деген сөздөр менен толукталсын;

- жогоруда аталган буйрукка 3-тиркемени ушул буйрукка тиркемеге ылайык редакцияда толукталсын.

2. Кыргыз Республикасынын Финансы министрлигине караштуу Мамлекеттик бажы кызматы:

- каттоодон кийин үч жумушчу күндүн ичинде ушул буйрукту мамлекеттик жана расмий тилдерде “Эркин-Тоо” гезитинде, Кыргыз Республикасынын Министрлер Кабинетинин жана Кыргыз Республикасынын Финансы министрлигинин расмий сайттарына жарыяласын;

- расмий жарыялангандан кийин үч жумушчу күндүн ичинде ушул буйруктун көчүрмөсүн Кыргыз Республикасынын нормативдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтсүн;

- ушул буйруктун көчүрмөсүн күчүнө кирген күндөн тарта үч жумушчу күндүн ичинде Кыргыз Республикасынын Президентинин Администрациясына маалымат үчүн жөнөтсүн.

3. Иш кагаздарын жүргүзүү жана аткарууну контролдоо бөлүмү ушул буйрукту министрликтин мамлекеттик кызмат көрсөтүүчү түзүмдүк жана аймактык бөлүмдөрүнүн жетекчилерине жеткирсин.

4. Бул буйруктун аткарылышын контролдоо Кыргыз Республикасынын Финансы министринин биринчи орун басары Р.М.Суйналиевге жүктөлсүн.

5. Бул буйрук расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2023-жылдын 7-мартындагы № 17 (3466) саны менен жарыяланды