КЫРГЫЗ РЕСПУБЛИКАСЫНЫН МЫЙЗАМЫ

2009-жылдын 17-декабры № 308

Кыргыз Республикасынын Администрациялык жоопкерчилик жөнүндө кодексине өзгөртүү жана толуктоо киргизүү тууралуу

1-берене.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Жарчысы, 1999-ж., № 2, 77-ст.) төмөнкүдөй өзгөртүү жана толуктоо киргизилсин:

1. 509-статьяда "185-188" деген сандар "185 жана 186" деген сандар менен алмаштырылсын.

2. Кодекс төмөнкүдөй мазмундагы 521-1-статья менен толукталсын:

"521-1-статья. Өсүмдүктөрдүн карантини боюнча мамлекеттик

инспекция органдары

Өсүмдүктөрдүн карантини боюнча мамлекеттик инспекция органдары ушул Кодекстин 187- жана 188-статьяларында каралган администрациялык укук бузуулар жөнүндөгү иштерди карайт.

Администрациялык укук бузуулар жөнүндөгү иштерди кароого жана администрациялык айып салууга төмөндөгүлөр укуктуу:

- өсүмдүктөрдүн карантини боюнча Кыргыз Республикасынын башкы мамлекеттик инспектору жана анын орун басарлары;

- өсүмдүктөрдүн карантини боюнча райондор аралык инспекциянын начальниги жана инспектору;

- өсүмдүктөрдүн карантини боюнча шаардык инспекциянын начальниги жана инспектору;

- өсүмдүктөрдүн карантини боюнча өткөрүү пунктунун начальниги жана инспектору.".

2-берене.

Ушул Мыйзам расмий жарыяланган күңдөн тартып күчүнө кирет.