КР 2018-жылдын 10-августундагы N 89 Мыйзамына ылайык 2019-жылдын 1-январынан тартып КҮЧҮН ЖОГОТОТ

КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 16-июну № 48

"Бейсалык төлөмдөр жөнүндө" Кыргыз Республикасынын Мыйзамына өзгөртүүлөр киргизүү тууралуу

1-берене.

"Бейсалык төлөмдөр жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1994-ж., № 5, 157-ст.) төмөнкүдөй өзгөртүүлөр киргизилсин:

1. Мыйзамдын мамлекеттик тилдеги аталышында жана текстинде "бейсалык" деген сөз "салыктык эмес" деген сөздөргө алмаштырылсын.

2. 3-статья төмөнкүдөй редакцияда баяндалсын:

"3-статья. Атайын продукцияны берүү жана алмаштыруу, экзамендерди кабыл алуу жана автомототранспортту техникалык кароону жүргүзүү үчүн алынуучу жыйымдар

Автотранспорттук каражаттарды, атайын технологиялык машиналарды, айдоочулар курамын каттоо чөйрөсүндөгү ыйгарым укуктуу мамлекеттик орган тарабынан атайын продукцияны берүү жана алмаштыруу, экзамендерди кабыл алуу жана автомототранспортту техникалык кароону жүргүзүү үчүн алынуучу жыйымдар республикалык бюджеттин кирешесине которулууга тийиш.

Жыйымдардын өлчөмдөрү Кыргыз Республикасынын Өкмөтү тарабынан белгиленет."

3. 6-статьянын аталышы төмөнкүдөй редакцияда баяндалсын:

"6-статья. Өнөр жайында иш жүргүзүүнүн коопсуздугу чөйрөсүндө ыйгарым укуктуу мамлекеттик органдар тарабынан алынуучу жыйымдар".

4. 11-статьянын 2-бөлүгүндөгү "камсыздандыруу көзөмөлү боюнча мамлекеттик башкаруу органы" деген сөздөр "Кыргыз Республикасынын Өкмөтү" деген сөздөргө алмаштырылсын.

5. 21-статьянын аталышындагы "Кыргыз Республика байланыш министрлигинин" деген сөздөр "Кыргыз Республикасынын почталык байланыш" жана текстиндеги "Кыргыз Республика байланыш министрлигинин таркатылбаган почталык жөнөтмөлөрдү сактоону, сатууну, сатууну" деген сөздөр "Кыргыз Республикасынын почталык байланышынын таркатылбаган почталык жөнөтмөлөрдү сактоону, сатууну" деген сөздөргө алмаштырылсын.

6. 27-статьянын 2-бөлүгүндөгү "Кыргыз Республика Финансы министрлиги" деген сөздөр "Кыргыз Республикасынын Өкмөтү" деген сөздөргө алмаштырылсын.

7. 32-статьянын 1-бөлүгүндөгү "Өкмөтүнүн алдындагы Стандартташтыруу жана метрология боюнча мамлекеттик инспекциянын органдары" деген сөздөр "Өкмөтү" деген сөзгө алмаштырылсын.

8. VIII бөлүмдөгү "Кыргыз Республикасында мамлекеттик салык кызматы жөнүндө" Кыргыз Республикасынын Мыйзамына жана башка мыйзам актыларына" деген сөздөр "Кыргыз Республикасынын мыйзамдарына" деген сөздөргө алмаштырылсын.

2-берене.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

3-берене.

Ушул Мыйзам расмий жарыяланган күндөн тартып күчүнө кирет.