КЫРГЫЗ РЕСПУБЛИКАСЫНЫН МЫЙЗАМЫ

2012-жылдын 10-октябры № 170

Кыргыз Республикасынын айрым мыйзам актыларына өзгөртүүлөрдү киргизүү жөнүндө

1-берене.

"Күрөө жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2005-ж., № 6, 377-ст.) төмөнкүдөй өзгөртүүлөр киргизилсин:

43-статьяда:

3-пункт төмөнкүдөй редакцияда баяндалсын:

"3. Ссуда-аманат турак жай-курулуш кассасы өз катышуучуларынын акчалай каражаттарын турак жай-аманат салымдарына тартуу жана өз катышуучуларына мөөнөт коюу, кайтарып берүү жана акы төлөө шарттары менен турак жай кредиттерин берүү боюнча ишти жүзөгө ашырат.";

4-пункт күчүн жоготту деп таанылсын;

6-пункт төмөнкүдөй редакцияда баяндалсын:

"6. Ссуда-аманат турак жай-курулуш кассасынын капиталы акысы төлөнгөн турак жай-аманат салымдарынан жана резервдеринен турат. Капитал катышуучулардын акчалай каражаттарынын эсебинен кур алышы керек.".

7-пункт күчүн жоготту деп таанылсын.

2-берене.

"Инвестициялык фонддор жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-ж., № 1, 17-ст.) төмөнкүдөй өзгөртүү киргизилсин:

2-статьянын онунчу абзацы төмөнкүдөй редакцияда баяндалсын:

"Инвестициялык фонддун мүлкүн көз карандысыз баалоочу - инвестициялык фонд менен келишимдин негизинде мамлекеттик эмес мүлктү баалоону жүзөгө ашырган жеке же юридикалык жак.".

3-берене.

(КР 2022-жылдын 1-ноябрындагы № 100 Мыйзамына ылайык күчүн жоготту)

4-берене.

5-берене.

(КР 2022-жылдын 30-июнундагы № 49 Мыйзамына ылайык күчүн жоготту)

6-берене.

1996-жылдын 30-октябрынын № 56 "Энергетика жөнүндө" Кыргыз Республикасынын Мыйзамына төмөнкүдөй өзгөртүү киргизилсин:

4-статья төмөнкүдөй редакцияда баяндалсын:

"4-статья. Баштапкы энергетикалык ресурстарга мамлекеттик менчик

Кыргыз Республикасынын аймагында жайгашкан бардык баштапкы энергетикалык ресурстар мамлекеттин гана менчиги болуп эсептелет жана аларды пайдалануу Кыргыз Республикасынын Мыйзамдарына ылайык лицензиялардын негизинде жүзөгө ашырылат.".

7-берене.

(КР 2017-жылдын 19-июлундагы № 127 Мыйзамына ылайык күчүн жоготту)

8-берене.

(КР 2023-жылдын 23-мартындагы № 64 Мыйзамына ылайык күчүн жоготту)

9-берене.

"Кыргыз Республикасынын мал чарбасындагы асылдандыруу иши жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 4, 355-ст.) төмөнкүдөй өзгөртүүлөр киргизилсин:

2-беренеде:

- 5-бөлүк күчүн жоготту деп таанылсын;

- 6-бөлүгүндөгү "берүү жана алып коюу" деген сөздөр "алып коюу" деген сөздөргө алмаштырылсын.

10-берене.

"Транспорт жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1998-ж., № 12, 498-ст.) төмөнкүдөй өзгөртүүлөр киргизилсин:

6-берененин 2-бөлүгүндө:

- төртүнчү абзац күчүн жоготту деп таанылсын;

- бешинчи абзац төмөнкүдөй редакцияда баяндалсын:

"Кыргыз Республикасынын аймагында жарандык авиациянын аба кемелерин кабыл алууга жана чыгарууга, аба транспорту менен жүргүнчүлөрдү, кол жүктү, жүктү жана почтаны ташууга, аба кемелерин жана алардын жабдууларын техникалык тейлөөгө - 2 жыл;".

11-берене.

(КР 2015-жылдын 6-августундагы № 219 Мыйзамына ылайык күчүн жоготот)

12-берене.

(КР 2016-жылдын 16-майындагы № 60 Мыйзамына ылайык күчүн жоготту)

13-берене.

(КР 2018-жылдын 10-августундагы № 89 Мыйзамына ылайык 2019-жылдын 1-январынан тартып күчүн жоготту)

14-берене.

15-берене.

(КР 2016-жылдын 18-июлундагы № 121 Мыйзамына ылайык күчүн жоготту)

16-берене.

"Баалуу кагаздар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 2009-ж., № 7, 761-ст.) төмөнкүдөй өзгөртүүлөр киргизилсин:

1. 8-беренесинин жетинчи жана онунчу абзацтары күчүн жоготту деп таанылсын.

2. 9-беренеде:

бешинчи абзац күчүн жоготту деп таанылсын;

он тогузунчу абзацындагы "баалуу кагаздардын ачык сунушталышын," деген сөздөр алып салынсын.

3. 15-беренесинин 2 жана 4-бөлүктөрү күчүн жоготту деп таанылсын.

4. 16 жана 17-беренелери күчүн жоготту деп таанылсын.

5. 23-беренеде:

1-бөлүгүнүн биринчи абзацындагы "жана бул мөөнөт бүткөндөн кийин ачык сунуштун шарттарын жана проспектин каттоону төмөнкү учурларда жокко чыгара алат" деген сөздөр алып салынсын;

4-бөлүк күчүн жоготту деп таанылсын.

6. 27-берененин 3-бөлүгүндөгү "жана баалуу кагаздарды сунуштоонун шарттарын жана проспекти каттоону жоюуга" деген сөздөр алып салынсын.

7. 35-беренеде:

1-бөлүгүндө:

- үчүнчү абзац күчүн жоготту деп таанылсын;

- жетинчи-тогузунчу абзацтар төмөнкүдөй редакцияда баяндалсын:

"Баалуу кагаздардын ачык эмиссиясында эмиссиянын жол-жобосу баалуу кагаздарды ачык сунуштоо жөнүндө маалыматты ачуу менен толукталат.";

2-бөлүк күчүн жоготту деп таанылсын.

8. 36-берене төмөнкүдөй редакцияда баяндалсын:

"36-берене. Баалуу кагаздарды чыгаруунун жыйынтыктары

1. Ачык эмиссиянын жыйынтыктары ушул Мыйзамдын 27-беренесине ылайык чыгарылат. Чыгарылган баалуу кагаздардын жана ачык сунуштоонун бардыгы эле эмес жайгаштырылган учурда 27-беренеге ылайык болуп өттү деп эсептелет, баалуу кагаздардын жайгаштырылган санында баалуу кагаздарды чыгаруу болду деп таанылат. Жайгаштырылбаган баалуу кагаздар Кыргыз Республикасынын ченемдик укуктук актыларында белгиленген тартипте жокко чыгарылууга жатат.

2. Эгерде баалуу кагаздарды жайгаштыруу мөөнөтүнүн аякташы боюнча аларды жайгаштыруу баалуу кагаздарды чыгарууну болду деп таануу үчүн зарыл болгон Кыргыз Республикасынын Мыйзамдарында белгиленген санынан кем эмес жайгаштырылса, жабык жайгаштыруу үчүн арналган баалуу кагаздарды чыгаруунун жыйынтыгы болду деп таанылат. Мында, чыгарылган баалуу кагаздардын баарын эле эмес жайгаштырган учурда жайгаштырылган баалуу кагаздардын санында баалуу кагаздарды чыгаруу болду деп таанылат. Жайгаштырылбаган баалуу кагаздар Кыргыз Республикасынын ченемдик укуктук актыларында белгиленген тартипте жокко чыгарылууга жатат.

Мындай баалуу кагаздарды жайгаштырууну аткаргандан кийин эмитент төмөндөгү маалыматтардан турган билдирүүнү 30 күндөн кечиктирбестен баалуу кагаздардын рыногун жөнгө салуу боюнча ыйгарым укуктуу органга берүүгө милдеттүү:

1) баалуу кагаздарды жайгаштырууну баштаган жана бүткөн күнүн;

2) баалуу кагаздардын жайгаштырылган санын;

3) баалуу бир кагазды жайгаштыруунун баасын;

4) баалуу кагаздарды жайгаштыргандык үчүн төгүмдөрдүн жалпы көлөмүн, анын ичинде:

- улуттук валютадагы акчалай каражаттардын көлөмүн;

- салуу учуруна карата Кыргыз Республикасынын Улуттук банкынын курсу боюнча Кыргыз Республикасынын валютасында туюнтулган чет өлкө валютасынын көлөмүн;

- Кыргыз Республикасынын валютасында туюнтулган жайгаштырылган баалуу кагаздар үчүн төлөм катары киргизилген материалдык жана материалдык эмес активдердин көлөмүн.".

9. 41-берененин 6-бөлүгүнүн биринчи абзацындагы "ченемдик укуктук актыларында" деген сөздөр "Өкмөтү тарабынан" деген сөздөргө алмаштырылсын.

10. 54-беренеде:

2-бөлүк күчүн жоготту деп таанылсын;

3-бөлүктүн 1-пунктунун бешинчи абзацы күчүн жоготту деп таанылсын;

6-бөлүктүн бешинчи абзацы күчүн жоготту деп таанылсын.

11. 65-берененин 3-бөлүгү күчүн жоготту деп таанылсын.

17-берене.

(КР 2023-жылдын 8-августундагы № 170 Мыйзамына ылайык күчүн жоготту)

18-берене.

19-берене.

(КР 2013-жылдын 19-октябрындагы № 195 Мыйзамына ылайык күчүн жоготту)

20-берене.

21-берене. Ушул Мыйзамды колдонууга киргизүүнүн тартиби

1. Ушул Мыйзам күчүнө кирген күндөн тартып ушул Мыйзам менен алып салынган иштердин бардык түрлөрүнө берилген лицензиялар жана уруксаттар юридикалык күчүн жоготкондугу, ал эми иштин бул түрлөрү боюнча лицензиялар жана уруксаттар алуу үчүн кароого келип түшкөн документтер арыз ээлерине кайтарыла тургандыгы белгиленсин.

2. Кыргыз Республикасынын Өкмөтү үч айлык мөөнөттө өздөрүнүн чечимдерин ушул Мыйзамга ылайык келтирсин.

22-берене.

Ушул Мыйзам расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2012-жылдын 12-октябрындагы № 90 саны менен жарыяланды.