КЫРГЫЗ РЕСПУБЛИКАСЫНЫН МЫЙЗАМЫ

2013-жылдын 2-февралы № 11

"Аскердик наамдарды, класстык чендерди, атайын класстык чендерди жана атайын наамдарды белгилөө жөнүндө"  Кыргыз Республикасынын Мыйзамына өзгөртүү киргизүү тууралуу

1-берене.

"Аскердик наамдарды, класстык чендерди, атанын класстык чендерди жана атайын наамдарды белгилөө жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., N 8, 396-ст.) төмөнкүдөй өзгөртүү киргизилсин:

7-статьядагы "тиешелүү мамлекеттик органдардын жетекчилери" деген сөздөр "Кыргыз Республикасынын мыйзамдарында белгиленген тартипте тиешелүү мамлекеттик органдардын кызмат адамдары" деген сөздөргө алмаштырылсын.

2-берене.

Ушул Мыйзам расмий жарыяланган күндөн тартып күчүнө кирет.