КЫРГЫЗ РЕСПУБЛИКАСЫНЫН МЫЙЗАМЫ

2013-жылдын 24-майы № 80

"Кыргыз Республикасынын жарандарынын бирдиктүү салык декларациясын берүүсүнө даярдык көрүү жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Кыргыз Республикасынын жарандарынын бирдиктүү салык декларациясын берүүсүнө даярдык көрүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2010-ж., № 2, 83-ст.) төмөнкүдөй өзгөртүүлөр киргизилсин:

1. Мыйзамдын бүткүл тексти боюнча "2009-жылдын 31-декабрын" деген цифралар жана сөздөр "2012-жылдын 31-декабрын" деген цифраларга жана сөздөргө алмаштырылсын.

2. 5-беренеде "2010-жылдын 1-мартынан баштап 2010-жылдын 1-июлун кошо алгандагы" деген цифралар жана сөздөр "2013-жылдын 1-июлунан баштап 2013-жылдын 31-декабрын кошо алгандагы" деген цифраларга жана сөздөргө алмаштырылсын.

2-берене.

"Кыргыз Республикасынын жарандарынын бирдиктүү салык декларациясын берүүсүнө даярдык көрүү жөнүндө" Кыргыз Республикасынын 2010-жылдын 1-июлундагы УӨ N 90 Мыйзамынын колдонулушун токтотуу тууралуу" Кыргыз Республикасынын Убактылуу Өкмөтүнүн Декрети күчүн жоготту деп таанылсын ("Эркин-Тоо" газетасына тиркеме "Кыргыз Республикасынын Өкмөтүнүн ченемдик актылары", 2010-ж., 30-июль, № 13-14 (370-371).

3-берене.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Өкмөтү:

бир айлык мөөнөттө өзүнүн чечимдерин ушул Мыйзамга ылайык келтирсин;

үч айлык мөөнөттө салык төлөөчүлөрдүн чыгымдарын көзөмөлдөөнүн негизинде салыктык администрациялоону жүзөгө ашырууга багытталган жол-жоболорду иштеп чыксын.