МыйзамКүчүн жоготту

КР 2014-жылдын 26-июнундагы № 95 «Кыргыз Республикасынын Судьяларын тандоо боюнча кеңеш жөнүндө» Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу" Мыйзамы

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КР 2021-жылдын 15-ноябрндагы № 137 Конституциялык Мыйзамына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

2014-жылдын 26-июну № 95

"Кыргыз Республикасынын Судьяларын тандоо боюнча кеңеш жөнүндө" Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу

1-берене.

 

"Кыргыз Республикасынын Судьяларын тандоо боюнча кеңеш жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2011-ж., № 6, 535-ст.) төмөнкүдөй толуктоолор жана өзгөртүүлөр киргизилсин:

1. 6-берененин 4-бөлүгү төмөнкүдөй мазмундагы 6-8-пункттар менен толукталсын:

"6) укук коргоо органдарында же прокуратура органдарында кызматта тургандар, ошондой эле алардын кадрларынын тескөөсүндө болгондор:

7) судьянын кызмат ордуна конкурстук тандоого катышкандар жана анын жыйынтыктары боюнча Кеңеш тарабынан сунушталбагандар же болбосо Президент тарабынан кайтарылып берилгендер, же болбосо Жогорку Кеңеш тарабынан шайланбагандар;

8) Жогорку Кеңештин депутаттыгына талапкерлердин катталган тизмесинде тургандар.".

2. 7-беренеде:

1-бөлүгү төмөнкүдөй мазмундагы 19-21-пункттар менен толукталсын:

"19) Кеңештин курамына талапкерлерге ушул Мыйзам менен коюлуучу талаптарга ылайык келбөө фактысы белгиленгенде;

20) укук коргоо органдарында же прокуратура органдарында кызмат өтөө жана алардын кадрларынын тескөөсүндө болуу фактысы белгиленгенде;

21) укук коргоо органынын кызматкеринин наамын дискредитациялагандыгына байланыштуу укук коргоо органдарынан бошотулгандыгынын фактысы белгиленгенде.";

3-бөлүгүндө "3-18" деген сандар "3-21" деген сандарга алмаштырылсын.

3. 17-берененин 2-7-бөлүктөрү күчүн жоготту деп таанылсын.

4. 19-беренеде:

2-бөлүгү төмөнкүдөй редакцияда баяндалсын:

"2. Судьялардын кызмат ордуна талапкерлер боюнча Кеңеш тарабынан киргизилген сунуштарды Президент жана Жогорку Кеңеш тарабынан кароонун тартиби конституциялык мыйзам менен аныкталат.";

3-6-бөлүктөрү күчүн жоготту деп таанылсын.

 

2-берене.

 

Ушул Мыйзам расмий жарыяланган күндөн тартып күчүнө кирет.

Ушул Мыйзам күчүнө кирери менен Кыргыз Республикасынын Судьяларын тандоо боюнча кеңеш өзүнүн актыларын ушул Мыйзамга ылайык келтирсин.

 

Кыргыз Республикасынын

      Президенти

 

А.Ш. Атамбаев