РаспоряжениеКүчүн жоготту

КР Өкмөтүнүн 2008-жылдын 4-мартындагы № 71-б (Мамлекеттен ажыратылуучу мамлекеттик жогорку окуу жайларынын тизмесин аныктоо критерийлерин жана механизмдерин иштеп чыгуу жөнүндө) буйругу

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 4-марты № 71-б

"Билим берүү жөнүндө" Кыргыз Республикасынын Мыйзамынын 47-статьясына ылайык мамлекеттен ажыратылуучу мамлекеттик жогорку окуу жайларынын тизмесин аныктоо критерийлерин жана механизмдерин иштеп чыгуу максатында:

1. Төмөнкүдөй курамда ведомстволор аралык комиссия түзүлсүн:

Ормонбекова А.О. - Кыргыз Республикасынын билим берүү жана илим министринин орун басары, комиссиянын төрагасы;

Абдиева М.Т. - Кыргыз Республикасынын Президентинин Администрациясынын экономикалык жана социалдык саясат бөлүмүнүн социалдык жана гендердик саясат боюнча секторунун башчысы (макулдашуу боюнча);

Абылкасымов Т.Т. - Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнүн эксперти;

Ажибаев А.С. - Кыргыз Республикасынын Айыл, суу чарба, жана кайра иштетүү өнөр жай министрлигинин илим жана айыл чарбасын өнүктүрүү башкармалыгынын начальниги;

Асангулов К.К. - Кыргыз Республикасынын финансы министринин орун басары;

Асанов С.Ж. - Кыргыз Республикасынын Билим берүү жана илим министрлигинин экономика бөлүмүнүн начальниги;

Бекматова Р.К. - Кыргыз Республикасынын Эмгек жана социалдык өнүктүрүү министрлигинин укуктук жана эларалык ишмердүүлүк башкармалыгынын начальнигинин орун басары;

Жолдошов А.Ж. - Кыргыз Республикасынын Билим берүү жана илим министрлигинин кесиптик билим берүү башкармалыгынын башкы адиси;

Естебесов А.Ж. - Кыргыз Республикасынын Юстиция министрлигинин мамлекеттик каттоо башкармалыгынын начальниги;

Исмаилов М.А. - Кыргыз Республикасынын Саламаттык сактоо министрлигинин уюштуруу иштери башкармалыгынын начальниги;

Мамытов А.М. - Кыргыз билим берүү академиясынын президенти;

Мавлянов Абдрахман - Бишкек финансы-экономикалык академиясынын Субанкулович ректору;

Мавлянов Абдыкапар - Кыргыз Республикасынын Ички иштер министрлигинин академиясынын начальниги;

Субанкулович

Сарымсаков М.Б. - Кыргыз Республикасынын Экономикалык өнүктүрүү жана соода министрлигинин укуктук колдоо жана кадр кызматы башкармалыгынын укуктук экспертиза бөлүмүнүн башчысы;

Тюбеева Ж.Т. - Кыргыз Республикасынын Мамлекеттик мүлктү башкаруу боюнча мамлекеттик комитетинин Мамлекеттик мүлк фондунун директору;

Шамшиев А.А. - Кыргыз Республикасынын Финансы рыногун көзөмөлдөө жана жөнгө салуу кызматынын баалуу кагаздар рыногу бөлүмүнүн начальниги;

Шейренов Б.Ш. - Кыргыз Республикасынын Коргоо министрлигинин укуктук камсыздоо жана аскердик мыйзамдар башкармалыгынын начальниги;

Эралиев А.Д. - Кыргыз Республикасынын Маданият жана маалымат министрлигинин уюштуруу жана укуктук иштер бөлүмүнүн башкы адиси.

2. Ведомстволор аралык комиссия үч айлык мөөнөттө:

- мамлекеттен ажыратылуучу мамлекеттик жогорку окуу жайлардын тизмесин аныктоонун критерийлери менен механизмдерин белгилөөчү ченемдик актылардын долбоорун иштеп чыксын жана Кыргыз Республикасынын Өкмөтүнүн кароосуна киргизсин;

- республиканын мамлекеттик жогорку окуу жайларынын ишмердигин өзүн өзү каржылоого өткөрүүнүн максатка ылайыктуулугун карасын жана Кыргыз Республикасынын Өкмөтүнө сунуш киргизсин.

3. Кыргыз Республикасынын Өкмөтүнүн 2007-жылдын 28-сентябрындагы № 367-б буйругу күчүн жоготту деп табылсын.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

 

Премьер-министр

И.Чудинов