КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 2-июну № 255

Кыргыз Республикасынын Айыл, суу чарба жана кайра иштетүү өнөр жай министрлигинин алдындагы Мамлекеттик ветеринария департаментинин Бишкек шаардык мамлекеттик ветеринардык-санитардык башкармалыгынын натыйжалуу иштешин жана материалдык-техникалык базасын чыңдоону камсыз кылуу максатында:

1. Кыргыз Республикасынын Айыл, суу чарба жана кайра иштетүү өнөр жай министрлигинин алдындагы Мамлекеттик ветеринария департаментинин Бишкек шаардык мамлекеттик ветеринардык-санитардык башкармалыгына Кыргыз Республикасынын Айыл, суу чарба жана кайра иштетүү өнөр жай министрлиги үчүн 2008-жылга республикалык бюджетте каралган каражаттын эсебинен кызматтык максатта пайдалануу үчүн бир жеңил автомашина сатып алууга уруксат берилсин.

2. Автотранспортту сатып алуу "Мамлекеттик сатып алуулар жөнүндө" Кыргыз Республикасынын Мыйзамынын талаптарына жана "Кыргыз Республикасынын министрликтеринде, мамлекеттик комитеттеринде, администрациялык ведомстволорунда жана аткаруу бийлигинин башка органдарында жеңил автомашиналарды пайдаланууну тартипке келтирүү боюнча чаралар жөнүндө" Кыргыз Республикасынын Өкмөтүнүн 2007-жылдын 20-апрелиндеги № 137 токтомуна ылайык жүргүзүлсүн.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөржай комплекси жана жаратылышты пайдалануу бөлүмүнө жүктөлсүн.