КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 21-июлу № 375-б

(КР Өкмөтүнүн 2009-жылдын 10-августундагы № 433-б

буйругунун редакциясына ылайык)

СССРдин эл артисти, Токтогул атындагы Мамлекеттик сыйлыктын лауреаты Асанкан Жумахматовдун сөөгүн коюуну уюштуруу максатында:

1. Төмөндөгүдөй курамда уюштуруу комитети түзүлсүн:

Айдаралиев И.Р. - Кыргыз Республикасынын биринчи вице-премьер-министри, уюштуруу комитетинин төрагасы;

Раев С.А. - Кыргыз Республикасынын маданият жана маалымат министри, уюштуруу комитетинин төрагасынын орун басары.

Уюштуруу комитетинин мүчөлөрү:

Тулеев Н.Т. - Бишкек шаарынын мэри;

Конгантиев М.Т. - Кыргыз Республикасынын ички иштер министри;

Сыйданов К.С. - Кыргыз Республикасынын Чүй облусунун мамлекеттик администрация башчысы - губернатор;

Кененбаев Б.О. - Чүй облусунун Ысыката районунун мамлекеттик администрация башчысы;

Салымбеков А.М. - Кыргыз Республикасынын Жогорку Кеңешинин депутаты (макулдашуу боюнча);

Эшимканов М.А. - Кыргыз Республикасынын Улуттук телерадиокорпорациясынын башкы директору (макулдашуу боюнча);

Токтосартов А.Т. - "Руханият" Эл аралык ассоциациясынын президенти (макулдашуу боюнча);

Керексизов Т.Д. - коомдук ишмер (макулдашуу боюнча);

Исмаилов Э.Ж. - коомдук ишмер (макулдашуу боюнча);

Осмонов Б.С. - А.Малдыбаев атындагы Кыргыз улуттук опера жана балет театрынын башкы директору;

Турапов К.Ы. - Т.Сатылганов атындагы Кыргыз улуттук филармониясынын башкы директору;

Асанбаев К.М. - Кыргыз Республикасынын Композиторлор союзунун төрагасы (макулдашуу боюнча);

Токомбаев Т.А. - Улуу Ата Мекендик согуш ардагерлеринин республикалык кеңешинин төрагасы (макулдашуу боюнча).

2. Төмөнкүлөр аныкталсын:

- жарандык аза күтүү расымы өткөрүлүүчү жер - А.Малдыбаев атындагы Кыргыз улуттук академиялык опера жана балет театры, 2008-жылдын 23-июлунда саат 10:00до;

- сөөк коюлуучу жер - Бишкек шаарындагы Ала-Арча көрүстөнү.

3. А.Жумахматовдун үй-бүлөсүнө материалдык жардам көрсөтүү үчүн Кыргыз Республикасынын Өкмөтүнүн резервдик фондунан 100000 (жүз миң) сом бөлүнсүн. 100000 (жүз миң) сом бөлүп берүү 2009-жылы жүргүзүлсүн.

(КР Өкмөтүнүн 2009-жылдын 10-августундагы № 433-б буйругунун редакциясына ылайык)