Кыргыз Республикасынын Өкмөтүнүн

2010-жылдын 12-февралындагы № 42-б Буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 4-ноябры № 626-б

Санкт-Петербург шаарында (Россия Федерациясы) 2009-жылдын 5-7-ноябрында болуучу Соода-экономикалык, илимий-техникалык жана маданий кызматташуу боюнча кыргыз-санкт-петербург өкмөттөр аралык биргелешкен комиссиянын үчүнчү жыйынынын ишине катышуу үчүн:

1. Кыргыз Республикасынын Өкмөттүк делегациясы төмөнкүдөй курамда бекитилсин:

Сулайманов Нурлан Чолпонбаевич - Кыргыз Республикасынын транспорт жана коммуникациялар министри, комиссиянын кыргыз бөлүгүнүн төрагасы;

Аттакуров Раимкул Арзимаматович - Кыргыз Республикасынын Россия Федерациясындагы Атайын жана толук ыйгарым укуктуу элчиси;

Рыскулуева Фарида Имашевна - Кыргыз Республикасынын Билим берүү жана илим министрлигинин инновациялык технологиялар бөлүмүнүн начальниги;

Бейшенов Муктар - Кыргыз Республикасынын транспорт жана коммуникациялар министринин жардамчысы;

Кадырбаева Светлана Асангазиевна - Кыргыз Республикасынын Экономикалык тескөө министрлигинин тышкы-экономикалык саясат башкармалыгынын региондук кызматташтык бөлүмүнүн башкы адиси, комиссиянын кыргыз бөлүгүнүн катчысы.

2. Делегациянын аталган иш-чарага катышуусуна байланыштуу чыгымдар "Командировкалык чыгымдардын нормаларын белгилөө жана алардын ордун толтуруу тартиби жөнүндө" Кыргыз Республикасынын Өкмөтүнүн 2008-жылдын 26-августундагы № 471 токтомуна ылайык командировкага жиберүүчү уюмдардын эсебинен төлөнсүн.