КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 12-июну № 300-б

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 23-статьясына, Кыргыз Республикасынын Президентинин 2007-жылдын 23-октябрындагы № 464 "Тышкы соода чөйрөсүндө мамлекеттик саясатты өнүктүрүү жана экспорттук-импорттук жол-жоболорду өркүндөтүү боюнча чаралар жөнүндө" Жарлыгына, Кыргыз Республикасынын Өкмөтүнүн 2007-жылдын 19-ноябрындагы № 556 "Кыргыз Республикасынын мамлекеттик чегарасында эл аралык автомобилдик, аба жана темир жол катнашы үчүн арналган өткөрүү пункттарынын жана Кыргыз Республикасынын автомобиль жолдорундагы ички стационардык посттордун иштерин тартипке салуу боюнча чаралар жөнүндө" токтомуна ылайык:

1. Ведомстволор аралык жумушчу топ төмөнкү курамда түзүлсүн:

Кулматов К.К. - Кыргыз Республикасынын Мамлекеттик бажы комитетинин төрагасынын биринчи орун басары, ведомстволор аралык жумушчу топтун жетекчиси;

Убышев Э.Д. - Кыргыз Республикасынын Транспорт жана коммуникациялар министрлигинин "Кыргызинтранс" эл аралык автомобилдик жүк ташуулар департаментинин Эл аралык жүк ташуулар башкармалыгынын начальниги;

Бекжанов Э.А. - Кыргыз Республикасынын Чек ара кызматынын Чек ара контролу башкы башкармалыгынын Чек ара контролу башкармалыгынын чек ара контролун пландоо жана уюштуруу бөлүмүнүн начальниги;

Сопуев К.Б. - Кыргыз Республикасынын Чек ара кызматынын 2012-а/б чек ара контролун уюштуруу бөлүмүнүн начальниги;

Мусакеев К.К. - Кыргыз Республикасынын Айыл, суу чарба жана кайра иштетүү өнөржай министрлигинин Мамлекеттик ветеринария департаментинин алдындагы Мамлекеттик чек арага жана транспортко мамлекеттик ветеринардык көзөмөл башкы башкармалыгынын начальниги;

Курманбаев Б.А. - Кыргыз Республикасынын Айыл, суу чарба жана кайра иштетүү өнөржай министрлигинин алдындагы Өсүмдүктөрдү химиялаштыруу, коргоо жана карантин департаментинин өсүмдүктөрдүн карантини боюнча башкармалыгынын начальниги;

Алмазбек кызы Айгүл - Кыргыз Республикасынын Экономикалык өнүгүү жана соода министрлигинин Соода саясаты башкармалыгынын тышкы соода саясаты жана Дүйнөлүк соода уюму бөлүмүнүн башкы адиси;

Мамбеткожоев Ш.С. - Кыргыз Республикасынын Мамлекеттик бажы комитетинин Бажы контролун уюштуруу башкармалыгынын товарларды жеткирүү контролу бөлүмүнүн начальниги;

Грискевич В.П. - Кыргыз Республикасынын Мамлекеттик бажы комитетинин маалыматтык технологиялар бөлүмүнүн начальниги;

Асакеев Э.И. - Кыргыз Республикасынын Мамлекеттик бажы комитетинин Бажы контролун уюштуруу башкармалыгынын товарларды жеткирүүнү контролдоо бөлүмүнүн башкы инспектору.

2. Ведомстволор аралык жумушчу топ:

- тышкы соодада мамлекеттик чек ара аркылуу бирдиктүү өткөрмө каналын пайдалануу менен маалыматтарды стандартташтыруу жана документ маселелери боюнча сунуштарды үч айлык мөөнөттө иштеп чыксын;

- Кыргыз Республикасынын Өкмөтүнүн 2007-жылдын 19-ноябрындагы № 556 "Кыргыз Республикасынын мамлекеттик чегарасында эл аралык автомобилдик, аба жана темир жол катнашы үчүн арналган өткөрүү пункттарынын жана Кыргыз Республикасынын автомобиль жолдорундагы ички стационардык посттордун иштерин тартипке салуу боюнча чаралар жөнүндө" токтомунун 2-2-пунктун аткаруу боюнча уюштуруу маселелерин эки айлык мөөнөттө чечсин;

- Кыргыз Республикасынын Өкмөтүнүн 2007-жылдын 19-ноябрындагы № 556 "Кыргыз Республикасынын мамлекеттик чегарасында эл аралык автомобилдик, аба жана темир жол катнашы үчүн арналган өткөрүү пункттарынын жана Кыргыз Республикасынын автомобиль жолдорундагы ички стационардык посттордун иштерин тартипке салуу боюнча чаралар жөнүндө" токтомуна Кыргыз Республикасынын Өкмөтүнүн мурда кабыл алынган чечимдерин ылайык келтирүү боюнча сунуштарды белгиленген тартипте киргизсин.

3. Ведомстволор аралык жумушчу топтун уюштуруучулук, методикалык жана башка иштерин камсыздоо Кыргыз Республикасынын Мамлекеттик бажы комитетине жүктөлсүн.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын тиешелүү бөлүмдөрүнө жүктөлсүн.