КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 9-декабры № 204-р

Эл аралык спорттук коомчулукта Кыргыз Республикасынын кадыр-баркын бекемдөөчү жогорку спорттук жетишкендиктерге дем берүү максатында:

1. XVI Азия оюндарынын (Гуаньчжоу) жеңүүчүсүнө жана байге ээлерине бир жолку акчалай сый акы төмөнкүдөй белгиленсин:

- биринчи орун үчүн - 15000 (он беш миң) АКШ доллары;

- экинчи орун үчүн - 10000 (он миң) АКШ доллары;

- үчүнчү орун үчүн - 5000 (беш миң) АКШ доллары.

2. Төмөнкүлөргө сый акы белгиленсин:

- башкы машыктыруучусуна - спортсмендин сый акысынын суммасынын 25 проценти өлчөмүндө;

- жеке машыктыруучусуна - спортсмендин сый акысынын суммасынын 25 проценти өлчөмүндө.

3. Кыргыз Республикасынын Финансы министрлиги:

- 2010-жылдын 15-декабрына чейинки мөөнөттө XVI Азия оюндарынын (Гуаньчжоу) жеңүүчүсүнө жана байге ээлерине жана алардын машыктыруучуларына тиркелген тизмеге ылайык акчалай сый акы төлөп берүү үчүн 67500 (алтымыш жети миң беш жүз) АКШ долларына эквиваленттүү суммадагы кошумча финансы каражатын 2010-жылга республикалык бюджеттен издеп тапсын жана Кыргыз Республикасынын Өкмөтүнө караштуу Дене тарбия жана спорт мамлекеттик агенттигине бөлүп берсин;

- белгиленген тартипте «2010-жылга республикалык бюджет жана 2011-2012-жылдарга божомол жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоорун киргизсин.

4. Бул тескеменин аткарылышын контролдоо Кыргыз Республикасынын Президентинин Администрациясынын социалдык саясат бөлүмүнө жүктөлсүн.

Тиркеме

XVI Азия оюндарынын (Гуаньчжоу) жеңүүчүлөрүнүн жана байге ээлеринин жана алардын машыктыруучуларынын

тизмеси