КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 20-сентябры № 92-б 

Кыргыз Республикасынын эл аралык спорттук коомчулуктагы беделин бекемдеген спорттогу жогорку жетишкендиктерге дем берүү максатында:

1. Өспүрүмдөрдүн I Олимпиадалык оюндарынын (Сингапур) жеңүүчүлөрүн жана байге ээлерин бир жолку акчалай сыйлоо төмөнкүдөй белгиленсин:

- биринчи орун үчүн - 10 миң АКШ доллары;

- экинчи орун үчүн - 7 миң АКШ доллары;

- үчүнчү орун үчүн - 5 миң АКШ доллары.

2. Төмөнкүдөй сыйлоолор белгиленсин:

- улук машыктыруучуга - спортсменди сыйлоонун суммасынын 25 проценти өлчөмүндө;

- жеке машыктыруучуга - спортсменди сыйлоонун суммасынын 25 проценти өлчөмүндө.

3. Кыргыз Республикасынын Финансы министрлиги Өспүрүмдөрдүн I Олимпиадалык оюндарынын (Сингапур) жеңүүчүлөрүн жана байге ээлерин, алардын машыктыруучуларын тиркемеге ылайык сыйлоо үчүн 30 (отуз) миң АКШ долларын Кыргыз Республикасынын Өкмөтүнө караштуу Дене тарбия жана спорт мамлекеттик агенттигине 2010-жылдын 24-сентябрына чейинки мөөнөттө бөлсүн.

4. Бул тескеменин аткарылышын контролдоо Кыргыз Республикасынын Президентинин Администрациясынын социалдык, саясат бөлүмүнө жүктөлсүн.

Өспүрүмдөрдүн I Олимпиадалык оюндарынын (Сингапур) жеңүүчүлөрүнүн жана байге ээлеринин,алардын машыктыруучуларынын тизмеси