КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮ

ТЕСКЕМЕ

2010-жылдын 23-июну УӨ № 487

Кыргыз Республикасынын Убактылуу Өкмөтүнүн 2010-жылдын 30-апрелиндеги № 30 "2010-жылдын 6-8-апрелиндеги окуяларда курман болгондордун жана майып болгондордун үй-бүлөлөрүн турак жай менен камсыздоо жөнүндө" токтомун аткаруу үчүн, ошондой эле "Мамлекеттик сатып алуулар жөнүндө" Кыргыз Республикасынын Мыйзамына ылайык:

1. Кыргыз Республикасынын Өкмөтүнө караштуу Архитектура жана курулуш мамлекеттик агенттигинин Турак жай-жарандык курулуш департаменти курулуштун заказчысы "бир булактан ыкмасы менен сатып алууну" аныктоого төмөнкүлөргө уруксат берсин:

- "Жал № 29" кичи районунда турак жай комплексин долбоорлоо үчүн долбоорлоочу уюм - "Гарантпроект" жоопкерчилиги чектелген коомуна;

- "Жал № 29" кичи районунда турак жай комплексин куруу үчүн башкы подряддык уюм - "Азат" үй куруу комбинаты ачык акционердик коомуна.

2. Кыргыз Республикасынын Өкмөтүнө караштуу Архитектура жана курулуш мамлекеттик агенттиги заказчы менен подрядчынын ортосундагы өз ара эсептешүүлөрдүн негиздүүлүгүнө катуу контролдоону камсыздасын.