КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 11-марты № 64-б

«Мамлекеттик материалдык резервдер жөнүндө» Кыргыз Республикасынын Мыйзамынын 13-беренесинин 6-пунктуна ылайык, 2011-жылы жазгы талаа иштерин өз убагында жана уюшкандыкта өткөрүүдө Кыргыз Республикасынын айыл чарба өндүрүүчүлөрүнө мамлекеттик колдоо көрсөтүү жана аларды күйүүчү-майлоочу материалдар менен оперативдүү камсыз кылуу максатында:

1. Кыргыз Республикасынын Өкмөтүнө караштуу Мамлекеттик материалдык резервдер фонду:

- мамлекеттик резервден 7538,4 куб.м өлчөмүндөгү дизель отунун брондон чыгарсын;

- айыл чарба өндүрүүчүлөрүнө андан ары сатуу үчүн жооптуу сактоочунун нефти базасынан куюп алуу же «Газпром нефть Азия» жоопкерчилиги чектелген коом менен дизель отунун сатуу-сатып алууну алдын ала тариздеп, май куюу станцияларынын тармагы аркылуу атайын даярдалган талондор боюнча куюп алуу менен Кыргыз Республикасынын Айыл чарба министрлиги берген тизмеге ылайык 7538,4 куб.м өлчөмүндөгү дизель отунун Кыргыз Республикасынын Өкмөтүнө караштуу Антимонополиялык жөнгө салуу мамлекеттик агенттиги белгилеген бир литри үчүн 25,0 сом (салыктарды кошкондо) баасында тиркемеде аталган өлчөмдөрдө айыл чарба өндүрүүчүлөрүнө берсин;

- дизель отунун сатуудан алынган каражаттарды республикалык бюджетке которсун.

2. Кыргыз Республикасынын Финансы министрлиги акча каражаттарын төмөнкүдөй бөлсүн:

- дизель отунун талон боюнча айыл чарба өндүрүүчүлөрүнө бергендиги үчүн «Газпром нефть Азия» жоопкерчилиги чектелген коомдун салыктарынын ордун дизель отунун сатуудан түшкөн каражаттардын эсебинен толтурууга Кыргыз Республикасынын Өкмөтүнө караштуу Мамлекеттик материалдык резервдер фондусуна;

- дизель отунунун мамлекеттик резервинин запастарынын ордун толтурууга жана «Газпром нефть Азия» жоопкерчилиги чектелген коомдун май куюучу станцияларынын тармагы аркылуу дизель отунун берүү менен байланышкан кошумча чыгымдарды төлөөгө Кыргыз Республикасынын Өкмөтүнө караштуу Мамлекеттик материалдык резервдер фондусуна «Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө» Кыргыз Республикасынын Мыйзамына ылайык каралган каражаттардын чегинде.

3. Облустардын жана райондордун мамлекеттик администрация башчылары дизель отунунун жогоруда аталган өлчөмүн айыл округдары боюнча айыл чарба өндүрүүчүлөрүнө бөлүп берүүнү камсыз кылышсын жана аны жеткирүүнү 2011-жылдын 15-майынан кеч эмес мөөнөттө аякташсын.

4. Дизель отунун ачык-айкын бөлүштүрүү жана жеткирүү үчүн жеке жоопкерчилик облустардын, райондордун мамлекеттик администрация башчыларына жүктөлсүн.

5. Бул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана жаратылышты пайдалануу бөлүмүнө жүктөлсүн.

Тиркеме

2011-жылы жазгы талаа иштерин жүргүзүү мезгилинде айыл чарба өндүрүүчүлөрүнө берүү үчүн дизель отунун

бөлүштүрүү боюнча Кыргыз Республикасынын Айыл чарба министрлигинин

тизмеси