РаспоряжениеКүчүн жоготту

КР Өкмөтүнүн 2011-жылдын 3-июнундагы № 203-б («Кыргызнефтегаз» ачык акционердик коомунун финансылык-чарбалык ишин текшерүү максатында ведомстволор аралык комиссия түзүлүшү боюнча) буйругу

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 3-июну № 203-б

"Кыргызнефтегаз" ачык акционердик коомунун финансылык-чарбалык ишин текшерүү максатында:

1. Төмөнкү курамда ведомстволор аралык комиссия түзүлсүн:

Сапарбаев К.С. - Кыргыз Республикасынын Эсеп палатасынын мамлекеттик инспектору (макулдашуу боюнча), ведомстволор аралык комиссиянын терагасы;

Урустемов А.У. - Кыргыз Республикасынын Өкмөтүнө караштуу Финансылык полиция мамлекеттик кызматынын биринчи башкармалыгынын биринчи бөлүмүнүн начальниги;

Муканбетов А.М. - Кыргыз Республикасынын Мамлекеттик мүлк министрлигинин стратегиялык объекттерди өнүктүрүү жана менчиктештирүү башкармалыгынын начальниги;

Касымалиев А.А. - Кыргыз Республикасынын экономикалык жөнгө салуу министринин орун басары;

Эшназаров Н.А. - Кыргыз Республикасынын Жаратылыш ресурстар министрлигинин статс-катчысы;

Момошев К.М. - "Кыргызнефтегаз" ачык акционердик коомунун нефтегаз казуу башкармалыгынын начальнигинин орун басары;

Тотонов М.С. - Жалал-Абад мамлекеттик администрациясынын финансы бөлүмүнүн башчысы.

2. Ведомстволор аралык комиссия бир айлык мөөнөттө 2008-жылдын 1-январынан 2011-жылдын 1-июнуна чейинки мезгил үчүн "Кыргызнефтегаз" ачык акционердик коомунун финансы-чарбалык ишине текшерүү жүргүзсүн жана анын жыйынтыгын Кыргыз Республикасынын Премьер-министрине киргизсин.

3. Ведомстволор аралык комиссиянын мүчөлөрүнө төмөнкүлөргө укук берилсин:

- белгиленген тартипте министрликтердин, администрациялык ведомстволордун, аткаруу бийлигинин башка органдарынын кызматкерлерин, көз карандысыз эксперттерди жана консультанттарды ишке тартууга;

- иш процессинде пайда болгон маселелерди чечүү үчүн мамлекеттик органдардан зарыл маалыматты сурап алууга.

4. Бул буйруктун аткарылышын контролдоо Кыргыз Республикасынын министри - Кыргыз Республикасынын Өкмөтүнүн Аппарат жетекчиси Н.С.Момуналиевге жүктөлсүн.

 

            Премьер-министр

А.Атамбаев