КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 22-сентябры № 437-б

Кыргыз Республикасынын Өкмөтүнүн 2011-жылдын 3-январындагы № 1 "Кыргыз Республикасындагы өзгөчө жана кризистик кырдаалдардагы "Бирдиктүү маалыматтык-башкаруу системасы жөнүндө жобону бекитүү тууралуу" токтомун ишке ашыруу максатында:

1. "Табигый кырсыктар тобокелчиликтерин башкаруу" долбоору боюнча Кыргыз Республикасы менен Эл аралык Өнүктүрүү Ассоциациясынын ортосундагы финансылоо жөнүндө макулдашуунун расмий тилде тиркелген долбоору жактырылсын.

2. Кыргыз Республикасынын финансы министрине "Табигый кырсыктар тобокелчиликтерин башкаруу" долбоору боюнча Кыргыз Республикасы менен Эл аралык Өнүктүрүү Ассоциациясынын ортосундагы финансылоо жөнүндө макулдашууга принциптүү эмес мүнөздөгү өзгөртүүлөр жана толуктоолор киргизүү укугу менен ыйгарым укук берилсин.