КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 6-августу № 333-б

Нарын облусундагы Нарын районунун Кара-Чий айылындагы турак үйлөрдү суу каптоонун кесепеттерин жоюу жана сугат каналынын абалын иликтөө боюнча чараларды көрүү максатында:

1. Төмөнкүдөй курамда ведомстволор аралык комиссия түзүлсүн:

Боронов К. А. - Кыргыз Республикасынын өзгөчө кырдаалдар министринин орун басары, ведомстволор аралык комиссиянын төрагасы.

Ведомстволор аралык комиссиянын мүчөлөрү:

Алымкулов Э. А. - Нарын облусунун мамлекеттик администрация башчысынын биричи орун басары;

Жусуматов Э. Ж. - Кыргыз Республикасынын Суу чарба жана мелиорация боюнча мамлекеттик комитетинин төрагасынын орун басары;

Касейинов К. У. - Кыргыз Республикасынын айыл чарба министринин орун басары;

Мамбетов Т. М. - Кыргыз Республикасынын Өкмөтүнө караштуу Архитектура жана курулуш мамлекеттик агенттигинин директорунун орун басары.

2. Ведомстволор аралык комиссия:

- жерине баруу менен каналдын жана турак үйлөрдүн абалын иликтөө боюнча иштерди жүргүзсүн;

- 5 күндүк мөөнөттө Кыргыз Республикасынын Өкмөтүнүн кароосуна сунуш киргизсин.