РаспоряжениеКүчүндө

КР Өкмөтүнүн 2012-жылдын 27-мартындагы № 109-б (Жетүүгө кыйын жана алыскы региондордо жашаган, калың түшкөн кардан жана табигый башка кырсыктардан жабыр тарткан, аз камсыз болгон жана абдан муктаж болгон үй-бүлөлөргө кайтарымсыз мамлекеттик социалдык жардам көрсөтүү боюнча) буйругу

Номер: № 109-р
Кабыл алынган дата: 27 марта 2012 года
Чыгарган: Кыргыз Республикасынын Өкмөтү
Документтин коду: 209387

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 27-марты № 109-б

Жетүүгө кыйын жана алыскы региондордо жашаган, калың түшкөн кардан жана табигый башка кырсыктардан жабыр тарткан, аз камсыз болгон жана абдан муктаж болгон үй-бүлөлөргө кайтарымсыз мамлекеттик социалдык жардам көрсөтүү максатында:

1. Кыргыз Республикасынын Өкмөтүнө караштуу Мамлекеттик материалдык резервдер фонду:

- Кыргыз Республикасынын Өкмөтүнүн 2011-жылдын 29-июлундагы № 318-б буйругуна ылайык мамлекеттик резервден брондон чыгарылган азык буудайынан тартылган 1-сорттогу унду төмөнкүдөй өткөрүп берсин:

жергиликтүү мамлекеттик администрацияларга - тиркемеге ылайык бир үй-бүлөгө 50 кг эсебинде 420 тонна өлчөмүндө;

Нарын облусунун Жумгал районунун жергиликтүү мамлекеттик администрациясына Миң-Куш поселогунун тургундары үчүн - 150 тонна өлчөмүндө;

- ун салуу үчүн каптарды жана транспорттук кызмат көрсөтүүнү сатып алууну "Мамлекеттик сатып алуулар жөнүндө" Кыргыз Республикасынын Мыйзамына ылайык жүргүзсүн;

- райондук борборлорго, Нарын облусунун Жумгал районунун Миң-Куш шаар тибиндеги поселогуна чейин унду жеткирүүнү камсыз кылсын.

2. Жергиликтүү мамлекеттик администрация башчыларына унду тиешелүү шарттарда сактоо, Кыргыз Республикасынын Социалдык өнүгүү министрлиги берген тизмелерге ылайык даректүү жана максаттуу бөлүштүрүү жана ар жумалык маалыматты Кыргыз Республикасынын Социалдык өнүгүү министрлигине берүү үчүн жеке жоопкерчилик жүктөлсүн.

3. Кыргыз Республикасынын Финансы министрлиги ушул буйрукту ишке ашыруу менен байланышкан чыгымдарды жабуу үчүн 2012-жылга каралган бюджеттик каражаттардын чегинде акча каражаттарын Кыргыз Республикасынын Өкмөтүнө караштуу Мамлекеттик материалдык резервдер фондуна бөлүп берсин.

4. Кыргыз Республикасынын Өкмөтүнүн 2011-жылдын 29-июлундагы № 318-б буйругуна төмөнкүдөй толуктоо киргизилсин:

1-пункт төмөнкүдөй мазмундагы төртүнчү абзац менен толукталсын:

"- өндүрүлгөн ундун таркатылбаган өлчөмү жетүүгө кыйын жана алыскы региондордо жашаган, аз камсыз болгон жана абдан муктаж болгон үй-бүлөлөргө кайратымсыз мамлекеттик социалдык жардам көрсөтүү үчүн Кыргыз Республикасынын Өкмөтүнүн өзүнчө чечими менен жумшалсын.".

5. Бул буйруктун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн.

Премьер-министр

Ө.Бабанов

Тиркеме

Жетүүгө кыйын жана алыскы региондордо

жашаган, калың түшкөн кардан жана табигый башка

кырсыктардан жабыр тарткан, аз камсыз болгон жана

абдан муктаж болгон үй-бүлөлөргө кайратымсыз

мамлекеттик социалдык жардам көрсөтүү үчүн

ун алуучу жергиликтүү мамлекеттик

администрациялардын

ТИЗМЕСИ

┌──┬─────────────────────────────────────────┬─────────────┬──────────┐

│№ │ Облустардын, райондордун жана │Үй-бүлөлөрдүн│ Өлчөмү │

│ │ айылдык аймактардын аталышы │ саны │ (тонна) │

├──┼─────────────────────────────────────────┼─────────────┼──────────┤

│ │ Нарын облусу │ 1931 │ 96,55 │

│1 │ Нарын району, айылдык аймактар боюнча │ 936 │ 46,8 │

│ │ Чет-Нура │ 207 │ 10,35 │

│ │ Эмгекчил │ 137 │ 6,85 │

│ │ Миң-Булак │ 181 │ 9,05 │

│ │ Он-Арча │ 131 │ 6,55 │

│ │ Жерге-Тал │ 280 │ 14,00 │

│2 │ Ак-Талаа району, айылдык аймактар боюнча│ 995 │ 49,75 │

│ │ Кош-Дөбө │ 240 │ 12,00 │

│ │ Кара-Бүргөн │ 105 │ 5,25 │

│ │ Ак-Чий │ 34 │ 1,70 │

│ │ Терек │ 56 │ 2,80 │

│ │ Баетов │ 480 │ 24,00 │

│ │ Кызыл-Бел │ 80 │ 4,00 │

│ │ Ош облусу │ 4483 │ 224,15 │

│3 │ Алай району, айылдык аймактар боюнча │ 665 │ 33,25 │

│ │ Сары-Могол │ 126 │ 6,30 │

│ │ Сары-Таш │ 75 │ 3,75 │

│ │ Нура айылы │ 344 │ 17,20 │

│ │ Талды-Суу │ 120 │ 6,00 │

│4 │ Кара-Кулжа району, айылдык аймактар │ 2180 │ 109,00 │

│ │ боюнча │ │ │

│ │ Ой-Тал │ 250 │ 12,50 │

│ │ Кызыл-Жар │ 400 │ 20,00 │

│ │ Карагуз │ 330 │ 16,50 │

│ │ Сары-Булак │ 406 │ 20,30 │

│ │ Алайкуу │ 438 │ 21,90 │

│ │ Капчыгай │ 199 │ 9,95 │

│ │ Чалмин │ 157 │ 7,85 │

│5 │ Чоң-Алай району, айылдык аймактар боюнча│ 1638 │ 81,90 │

│ │ Чоң-Алай │ 681 │ 34,05 │

│ │ Жекенди │ 570 │ 28,50 │

│ │ Кашка-Суу │ 387 │ 19,35 │

│ │ Жалал-Абад облусу │ 1777 │ 88,85 │

│6 │ Чаткал району, айылдык аймактар боюнча │ 647 │ 32,35 │

│ │ Каныш-Кыя │ 325 │ 16,25 │

│ │ Чаткал │ 322 │ 16,10 │

│7 │ Тогуз-Торо району, айылдык аймактар │ 1130 │ 56,50 │

│ │ боюнча │ │ │

│ │ Атай │ 106 │ 5,30 │

│ │ Көк-Ирим │ 203 │ 10,15 │

│ │ Тогуз-Торо │ 282 │ 14,10 │

│ │ Каргалык │ 377 │ 18,85 │

│ │ Кара-Суу │ 162 │ 8,10 │

│ │ Казарман │ 150 │ 8,0 │

│ │ Баардыгы │ 8341 │ 420 │

└──┴─────────────────────────────────────────┴─────────────┴──────────┘