КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 24-июлу № 297-б

2013-жылдын сентябрында Шанхай кызматташтык уюмуна мүчө-мамлекет башчыларынын кеңешинин 13-отурумун өткөрүүгө даярдык көрүүнүн алкагында Бишкек шаарынын мамлекеттик, муниципалдык, коомдук имараттарын жана курулмаларын тышкы жарыктандырууну жакшыртуу максатында:

1. Бул буйруктун тиркемесинде көрсөтүлгөн тизмекке ылайык имараттардын жана курулмалардын фасаддарына жарыктандыруу приборлорун орнотуу жолу менен Бишкек шаарын кошумча тышкы жарыктандырууну ишке ашыруу максатка ылайык деп эсептелсин.

2. Бишкек шаарынын мэриясынын капиталдык курулуш башкармалыгы Бишкек шаарын тышкы жарыктандыруу боюнча жумуштарды жүргүзүүгө тапшырыкчы болуп аныкталсын.

3. Бишкек шаарынын мэриясынын капиталдык курулуш башкармалыгы "Түндүкэлектр" ачык акционердик коому менен биргелешип 2013-жылдын 27-июлуна чейинки мөөнөттө:

- тышкы жарыктандыруу боюнча жумуштарды аткарууга жана жарыктандыруу жабдууларын сатып алууга байланышкан эсептөөлөрдү жүргүзсүн жана Кыргыз Республикасынын Финансы министрлигине берсин;

- тышкы жарыктандыруу максаттары үчүн электр энергиясын керектөөнүн кошумча көлөмүн аныктасын жана Кыргыз Республикасынын Энергетика жана өнөр жай министрлигине жана Кыргыз Республикасынын Финансы министрлигине маалымат берсин.

4. Кыргыз Республикасынын Энергетика жана өнөр жай министрлиги Бишкек шаарын тышкы жарыктандыруу үчүн зарыл болгон электр энергиясынын кошумча көлөмүн карасын жана Кыргыз Республикасынын Өкмөтүнүн 2013-жылдын 7-июнундагы № 316 "Кыргыз Республикасынын экономика тармактарын жана калкын 2013-2014-жылдардын күз-кыш мезгилдерине даярдоо жөнүндө" токтому менен белгилеген керектөө лимитине түзөтүү киргизсин.

5. Кыргыз Республикасынын Финансы министрлиги 2013-жылдын 30-июлуна чейин берилген эсептерге ылайык акча каражатын бөлүп берсин жана электр энергиясынын зарыл көлөмүн камсыз кылуу үчүн бюджеттик уюмдардын каржылоолоруна түзөтүү киргизсин.

6. Бишкек шаарынын мэриясынын капиталдык курулуш башкармалыгы:

- бул буйруктун 1-пунктунда көрсөтүлгөн менчик имараттардын ээлери менен жарыктандыруу жабдууларын орнотуу жана жумуштарды жүргүзүү жөнүндө маселе боюнча консультацияларды жүргүзсүн;

- Тизмекте көрсөтүлгөн жумуштарды 2013-жылдын 25-августуна чейин аяктасын жана эксплуатациялоочу уюмдарга өткөрүп берсин.

7. Карамагында административдик, коомдук имараттар жана курулмалар турган министрликтер менен ведомстволор 2013-жылдын сентябрында Шанхай кызматташтык уюмуна, мүчө-мамлекет башчыларынын кеңешинин 13-отуруму өткөндөн кийин объекттердин тышкы жарыктандырууларын андан ары күтүүнү жана эксплуатациялоону алдын ала карашсын.

8. Кыргыз Республикасынын Энергетика жана өнөр жай министрлиги "Түндүкэлектр" ачык акционердик коому менен бирдикте бул буйруктан келип чыгуучу тийиштүү чараларды көрсүн.

9. Бул буйруктун аткарылышын контролдоо Кыргыз Республикасынын Өкмөтүнүн Аппаратынын өнөр-жай, отун-энергетикалык комплекс жана кен пайдалануу бөлүмүнө жүктөлсүн.

2013-жылдын сентябрында Шанхай кызматташтык уюмуна

мүчө-мамлекет башчыларынын кеңешинин 13-отурумун өткөрүүгө

даярдык көрүүнүн алкагында кошумча тышкы жарыктандыруулар

боюнча жумуштарды жүргүзүү үчүн Бишкек шаарынын мамлекеттик,

муниципалдык, коомдук имараттарынын жана курулмаларынын ТИЗМЕГИ