КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 6-сентябры № 366-б

"Манасчы Жусуп Мамайдын кыргыздардын тарыхый жана маданий мурасын сактоо ишине кошкон салымы жөнүндө" Кыргыз Республикасынын Президентинин 2013-жылдын 30-апрелиндеги № 95 Жарлыгын эске алуу менен, манасчы Жусуп Мамайдын көрүнүктүү салымын жалпыга таанытуу жана жайылтуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10-беренесин жетекчиликке алып:

1. Манасчы Жусуп Мамайдын кыргыздардын тарыхый жана маданий мурасын сактоо ишине кошкон салымын кеңири жайылтууга багытталган иш-чаралардын планы бекитилсин (мындан ары - Иш-чаралардын планы).

2. Министрликтер, администрациялык ведомстволор жана жергиликтүү мамлекеттик администрациялар:

- Ушул Иш-чаралардын планын жетекчиликке алышсын жана аткарышсын;

- Жыл сайын 25-январдан кечиктирбестен, Кыргыз Республикасынын Маданият, маалымат жана туризм министрлигине Иш-чаралар планын аткаруунун жүрүшү жөнүндө маалымат беришсин.

3. Кыргыз Республикасынын Маданият, маалымат жана туризм министрлиги Иш-чаралар планынын аткарылышы жөнүндө Кыргыз Республикасынын Өкмөтүнүн Аппаратына жыл сайын, 1-февралдан кечиктирбестен жалпыланган түрдөгү маалыматты берип турсун.

4. Иш-чаралардын планын каржылоо ишке тартылган министрликтердин, администрациялык ведомстволордун бюджетинин чегинде, ошондой эле гранттардын жана демөөрчүлүк каражаттардын эсебинен ишке ашырылсын.

5. Буйруктун аткарылышын көзөмөлдөө Кыргыз Республикасынын Өкмөтүнүн Аппаратынын билим, маданият жана спорт бөлүмүнө жүктөлсүн.

Кыргыз Республикасынын 2012-2017-жылдардагы мезгилге карата "Манас" эпосун сактоо, изилдөө жана кеңири жайылтуу боюнча Улуттук программасын жүзөгө ашыруунун алкагында манасчы Жусуп Мамайдын кыргыздардын тарыхый жана маданий мурасын сактоо ишине кошкон салымын кеңири жайылтууга багытталган ИШ-ЧАРАЛАРДЫН ПЛАНЫ