КЫРГЫЗ РЕСПУБЛИКАСЫНЫН ӨКМӨТҮНҮН АППАРАТ-ЖЕТЕКЧИСИНИН-МИНИСТРДИН

БУЙРУГУ

2013-жылдын 24-сентябры № 230

Жарандар Т.К.Дүйшекеевдин, Н.М.Асанованын, М.Т.Бегалиевдин, Т.А.Масалиевдин Кыргыз Республикасынын Өкмөтүнүн, Кыргыз Республикасынын Ички иштер министрлигинин үстүнөн Кыргыз Республикасынын Өкмөтүнүн 2012-жылдын 14-августундагы № "Кыргыз Республикасынын Ички иштер министрлигинин ишин уюштуруу боюнча айрым чаралар жөнүндө" токтому менен бекитилген структуралык элементти - Кыргыз Республикасынын Ички иштер министрлигинин Жол-кайгуул кызматы жөнүндө жобону жараксыз деп эсептөө тууралуу доо арызы Кыргыз Республикасынын сот органдарында каралып жатканына байланыштуу, Кыргыз Республикасынын Өкмөтүнүн 2010-жылдын 24-декабрындагы № 338 "Кыргыз Республикасынын Өкмөтүнүн Аппаратынын жобосун жана түзүмүн бекитүү жөнүндө" токтому менен бекитилген Кыргыз Республикасынын Өкмөтүнүн Аппараты жөнүндө жобонун 7-пунктуна таянуу менен:

Кыргыз Республикасынын Ички иштер министрлигинин укуктук камсыздоо башкармасынын улук инспектору Абдылдаев Нурлан Арстанбековичке, Кыргыз Республикасынын Ички иштер министрлигинин өздүк курам менен иштөө боюнча башкы башкармасынын улук инспектору Громов Сергей Вадимовичке баардык соттук инстанцияларда, баардык соттук инстанцияларда Кыргыз Республикасынын Өкмөтүнүн атынан чыгууга ыйгарым укук берилсин жана аларга Кыргыз Республикасынын Өкмөтүнүн атынан, башка адамдарга өткөрүп берүү укугусуз ишеним кат берилсин.