КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 24-июну № 289-б

 1. Кыргыз Республикасынын укук коргоо органдарын жана башка мамлекеттик органдарын өнүктүрүү жана реформалоо жаатындагы Кыргыз Республикасынын Өкмөтү менен Европадагы Коопсуздук жана Кызматташтык боюнча уюмдун (ЕККУ) ортосундагы Өз ара түшүнүшүү тууралуу меморандумдун тиркелген долбоору жактырылсын.

2.  Кыргыз Республикасынын Ички иштер министрине аталган Меморандумга Кыргыз Республикасынын Өкмөтүнүн атынан Принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

 Долбоор

Укук коргоо жана башка мамлекеттик органдарды өнүктүрүу жана реформалоо жаатында Кыргыз Республикасынын Өкмөтү менен Европадагы коопсуздук жана кызматташтык боюнча уюмдун ортосундагы Өз ара түшүнүшүү жөнүндө меморандум

Мындан ары Тараптар деп аталуучу Кыргыз Республикасынын Өкмөтү (мындан ары - "Өкмөт") менен Европадагы коопсуздук жана кызматташтык боюнча уюмунун (мындан ары - "ЕККУ") атынан чыгуучу ЕККУнун Бишкектеги борбору (мындан ары - "ЕККУнун борбору"), укук коргоо жана башка мамлекеттик органдарды реформалоо жаатында тыгыз кызматташтыкты өнүктүрүү ниетин жетекчиликке алуу менен, ошондой эле 2003-жылдан тартып Кыргыз Республикасынын ички иштер органдарын түзүмдүк, усулдук жана практикалык өнүктүрүү жана реформалоону киргизүү багытында ЕККУнун керсөтүп келе жаткан олуттуу жардамын эске алуу менен,

Кыргыз Республикасынын укук коргоо жана башка мамлекеттик органдарына Кыргыз Республикасынын мыйзамдарына ылайык аларды реформалоо боюнча долбоорлорду ишке ашыруу жана алардын ишине демократиялык принциптерди киргизүү алкагында кеңеш берүүчүлүк, методологиялык, материалдык-техникалык жардам жана көмөк көрсөтүү ниетинде,

тийиштүү чаралар аркылуу коомдун, Кыргыз Республикасынын укук коргоо жана башка мамлекеттик органдарынын ортосундагы ишенимди бекемдөө зарылдыгын таануу менен,

эл аралык алдыңкы практика жана бул тармакта тажрыйба алмашуу аркылуу Кыргыз Республикасынын укук коргоо жана башка мамлекеттик органдарын реформалоо процессине баалуу салым кошууга жөндөмдүү ЕККУнун дараметин таануу менен,

төмөнкүлөр тууралуу макулдашты:

1-берене Максаты

Ушул Меморандумдун максаты болуп Тараптардын ортосундагы кызматташууну камсыздоочу укуктук негизди түзүү, иштин ыкмаларын жана аларды практикалык имплементациялоо куралдарын аныктоо, Өкмөттүн деңгээлинде ишке ашырылуучу программалык документтердин негизинде Кыргыз Республикасынын укук коргоо жана башка мамлекеттик органдарынын тутумуна иштин алдыңкы принциптерин киргизүүнүн убактылуу интервалдарын белгилөө эсептелет.

Ушул Меморандумду ишке ашыруу максатында укук коргоо жана башка мамлекеттик органдары болуп төмөнкүлөр түшүнүлөт: ички иштер, улуттук коопсуздук, экономикалык кылмыштуулукка каршы күрөшүү боюнча,   кылмыштык-аткаруучулук  тутуму,   бажы,   чек  ара кызматы,

Финансылык чалгындоо органдары, ошондой эле баңгизаттарды контролдоо боюнча органдар.

2-берене Кызматташуу чайрөлөрү

Ушул Меморандумдун максаттарына жетүү үчүн Тараптар төменкү чөйрөлөрдө кызматташат:

1. Долбоордук ишти ишке ашыруу аркылуу Кыргыз Республикасынын укук коргоо жана башка мамлекеттик органдарын реформалоо.

2. Коомдук коопсуздукту жана укуктук тартипти камсыздоодо Кыргыз Республикасынын укук коргоо жана башка мамлекеттик органдарынын дараметин күчөтүү.

3. Кылмыштуулукка каршы күрөшүүдө укук коргоо жана башка мамлекеттик органдарынын дараметин күчөтүү (анын ичинде уюшкан кылмыштуулукка, баңгизаттардын мыйзамсыз жүгүртүлүшүнө, адамдарды сатууга, экстремизмге, терроризмге, улуттар аралык чыр-чатактарга, легалдуу эмес миграцияга, кылмыш жолу менен табылган кирешелерди легалдаштырууга, адамга жана мүлккө каршы кылмышка каршы аракет кылууда, коррупцияга каршы, киберкылмыштуулук менен күрөшүүдө, жазык сот өндүрүшүнө катышкан адамдарга мамлекеттик коргоону камсыздоодо).

4. Кыргыз Республикасынын ички иштер органдарынын билим берүү тутумун өркүндөтүү.

5. Кыргыз Республикасынын укук коргоо жана башка мамлекеттик органдарынын административдик-башкаруучулук дараметин күчөтүү.

3-берене Меморандумду аткаруу механизми

1. ЕККУнун Бишкек шаарындагы борбору аркылуу ЕККУнун комок көрсотүүсү Кыргыз Республикасынын укук коргоо жана башка мамлекеттик органдарын өнүктүрүүгө жана реформалоого багытталган бюджеттик жана бюджеттен тышкаркы долбоорлорду ишке ашыруу аркылуу жүргүзүлөт.

2. Ушул Меморандумду аткаруу максатында Тараптар өздөрүнүн өкүлдөрүн дайындашат, аларга долбоордук иштерди макулдашууда жана ишке ашырууда Тараптардын атынан чыгуучу ыйгарым укуктар берилет.

3. Ар бир долбоордун иши, узактыгы жана шарттары эки Тарап менен жыл сайын макулдашылууга тийиш жана Кыргыз Республикасынын мыйзамдарына жана ЕККУ тарабынан белгиленген эрежелерге ылайык Өкмөттүн керектеөлорүне карата иштелип чыгат.

4-берене Долбоордук ишти каржылоо

Долбоордук ишти каржылоо төмөнкүлөрдүн эсебинен жүргүзүлөт: 1. ЕККУнун борборунун бекитилген жалпы жылдык бюджетинин.

2. ЕККУнун муче мамлекеттери (мындан ары - "донор-мамлекеттер"), эл аралык уюмдар тарабынан бюджеттен сырткаркы салымдардын, мындай мүмкүнчүлүк болсо жана Тараптардын өз ара макулдашуусу менен.

5-берене ЕККУнун борборунун милдеттенмелери

ЕККУнун борбору төмөнкүлөргө милдеттенет:

1. Долбоордук ишти ишке ашыруунун жүрүшүндө Өкмөт, донор-мамлекеттер, ЕККУнун аткаруучулук түзүмү менен кызматташууга;

2. Укук коргоо жана башка мамлекеттик органдарды өнүктүрүүдө Өкметке кеңеш берүүчүлүк жана материалдык-техникалык көмөк көрсетүүгө, алар төмөнкүлердү камтыйт:

1) зарылдыгына жараша жана Өкмөт менен макулдашуу боюнча кызматташуу чөйрөсүнүн жана долбоордук иштердин алкагында демилгеленген ченемдик укуктук актылардын долбоорлорун иштеп чыгууга көмөк көрсетүү;

2) зарылдыгына жараша окууларды/тренингдерди уюштуруу жана өткөрүү аркылуу укук коргоо жана башка мамлекеттик органдардын кызматкерлеринин дараметин жогорулатуу;

3)  коомдук коопсуздукту жана укук тартибин камсыздоо чөйресүндө эл аралык институттар жана башка чет элдик өнөктөр менен кызматташтыкты орнотуу жана өнүктүрүү;

4) Өкмөт жана тийиштүү укук коргоо жана башка мамлекеттик органдар менен бирдикте укук тартибинин тутумунда өткөрүлгөн реформалардын мониторингине, долбоордук иштин алкагында өткөрүлүүчү иш-чараларды баалоого жана корутундулар менен сунуштамаларды иштеп чыгууга катышуу;

5) укук коргоо жана башка мамлекеттик органдарга болгон коомдук ишенимдин деңгээлин аныктоого багытталган социологиялык сурамжылоолорду жана башка иш-чараларды өткөрүүгө комок көрсетүү;

6) билим берүү жана укук коргоо жана башка мамлекеттик органдардын кадрларын кайра даярдоо тутумун өркүндөтүүгө көмөк көрсөтүү;

7) алыскы жана жакынкы чет өлкөлөргө болгон таанышуу иш сапарларын жана эл аралык эксперттерди тартууну кошуу менен алдыңкы тажрыйба алмашууга көмөк көрсөтүү;

8)  тематикалык семинарларды, тегерек столдорду, конференцияларды уюштуруу жана өткөрүү.

3.  Кылмыштуулукка каршы күрөшүүдө укук коргоо жана башка мамлекеттик органдардын дараметин чыңдоо боюнча (анын ичинде уюшкан кылмыштуулукка, баңгизаттардын мыйзамсыз жүгүртүлүшүнө, адамдарды сатууга, экстремизмге, терроризмге, улуттар аралык чыр-чатактарга, легалдуу эмес миграцияга, кылмыш жолу менен табылган кирешелерди легалдаштырууга, адамга жана мүлккө каршы кылмышка каршы аракет кылууда, коррупцияга, киберкылмыштуулукка каршы күрөшуүдө, жазык сот өндүрүшунө катышкан адамдарга мамлекеттик коргоону камсыздоодо), укук коргоо ишинин башка багыттары боюнча, ошондой эле чет мамлекеттердин ыйгарым укуктуу органдары менен чек аралык жана эл аралык өз ара.i аракеттенүү механизмдерин күчөтүү боюнча Өкметтүн аракеттерине көмөк көрсөтүүгө.

4. ЕККУнун борбору, долбоордук ишти аткаруу үчүн ЕККУнун борборунун жетекчилиги тарабынан дайындалган анын расмий адамдары, эл аралык эксперттери, кызматкерлери, өкүлдөрү Кыргыз Республикасынын мыйзамдарын сактоого жана ЕККУнун беделине жана макамына терс таасирин тийгизе тургап бардык иш-аракеттерден алые болууга тийиш.

6-берене Өкмөттүн милдеттенмелери

Өкмөт төмөнкүлөргө милдеттенет:

1. Ушул Меморандумдун 2-беренеси менен аныкталган иш чөйрөсүн ишке ашыруунун жүрүшүндө ЕККУнун борбору менен кызматташууга.

2. Ушул Меморандум менен каралган милдеттенмелердин аткарылышын камсыздоого.

3. Меморандумдун алкагында демилгеленген долбоорлорду жана пландарды натыйжалуу иштеп чыгууга жана ишке ашырууга комок көрсөтүү үчүн тийиштүү чара көрүүгө.

4. ЕККУнун борбору менен бирдикте долбоордук иштин алкагында жүргүзүлүүчү иш-чаралардын мониторингин жана баалоону жүргүзүүгө жана корутундуларды, сунуштамаларды иштеп чыгууга.

5. Укук коргоо жана башка мамлекеттик органдар тарабынан Кыргыз Республикасынын мыйзамдарына ылайык долбоордук ишти ишке ашыруу жөнүндө квартал сайын отчеттордун берилишин камсыздоого.

6. Укук коргоо жана башка мамлекеттик органдар тарабынан расмий кат аркылуу окуу курстарынын жана такшалмалардын катышуучуларынын дайындалышын камсыздоого.

7. ЕККУнун линиясы боюнча өткөрүлүп берилген мүлктү ушул Меморандумду ишке ашыруу максатында жана Кыргыз Республикасынын мыйзамдарына ылайык өткорүп алууну, белүштүрүүнү жана максаттуу пайдаланууну камсыздоого.

8. Ушул Меморандумдун алкагында өткөрүлүүчү иш-чараларга укук коргоо жана башка мамлекеттик органдардын екүлдөрүнүн катышуусун камсыздоого, ошондой эле квалификациялуу адистерди тартууга көмөк көрсөтүүгө.

9. ЕККУнун борборунун расмий суроо-талабынын негизинде жана Кыргыз Республикасынын мыйзамдарынын ченемдерине ылайык укук коргоо жана башка мамлекеттик органдар тарабынан ушул Меморандумду ишке ашыруу маселелерине гана тийиштүү болгон маалыматтардын берилишин камсыздоого.

7-берене Меморандумду баалоо жана сереп

1. ЕККУнун борбору Өкмөт менен кызматташтыкта бул Меморандумга ылайык аткарылуучу долбоорлорду ишке ашыруунун кыскача серебин ЕККУнун катышуучу-мамлекеттерине мезгилдүү отчеттор аркылуу берип турат.

2. Долбоордук ишти аткаруунун орто-аралык же акыркы мониторингин жүзөгө ашыруу үчүн ЕККУ же донор-мамлекеттер тарабынан эксперт катарында тартылган адамдар Өкмөт менен макулдашылат.

8-берене Айкындуулук

1. Тараптар эки Тараптын биргелешкен кызматташтык иш-чараларына катышуусун Кыргыз Республикасынын мыйзамдары менен белгиленген тартипте коомчулукка жеткирүү керектигин белгилешет. Алар төмөнкүлөр жөнүндө макулдашты:

- кызматташтыкка тиешеси бар бардык жарыяланган маалыматтык документтерде ар бир Тараптардын биргелешкен долбоорлордогу ролу жана салымы белгиленет;

- Тараптардын макулдугу боюнча ушул Меморандумдун алкагында жүргүзүлүүчү иш-чараларда ар бир Тараптын символикасы пайдаланылышы мүмкүн.

9-берене Мүлк

1. Долбоордук иштин алкагында ЕККУнун борбору тарабынан сатып алынган мүлк Кыргыз Республикасынын мыйзамдарына ылайык Кыргыз Республикасынын укук коргоо жана башка мамлекеттик органдарына кайтарымсыз негизде өткөрүп берилет.

2. ЕККУнун борборунун менчиги болуп саналган мүлк укук коргоо жана башка мамлекеттик органдарга убактылуу пайдаланууга берилиши мүмкүн. Мүлктү убактылуу пайдаланууга өткөрүп берүү шарттары, аны максаттуу пайдалануу жана кайтарып берүү тартиби ЕККУнун борборунун жана тийиштүү укук коргоо жана башка мамлекеттик органдарынын ортосундагы макулдашуу боюнча белгиленет.

3. Тараптардын макулдугу боюнча убактылуу пайдаланууга берилген мүлк Кыргыз Республикасынын мыйзамдарына ылайык тийиштүү укук коргоо же башка мамлекеттик органга кайтарымсыз өткөрүп берилиши мүмкүн.

4. 9-берененин жоболору ушул Меморандум күчүнө киргенге чейин ЕККУ тарабынан сатып алынган мүлккө жайылтылбайт.

10-берене Маалыматты пайдалануу

Тараптар ушул Меморандумду ишке ашыруунун натыйжасында алынган же долбоордук ишти ишке ашырууга байланышкан бардык документтердин .жана маалыматтардын купуялуулугун сактоого милдеттүү жана Тараптардын алдын ала кат жүзүндөгү макулдугусуз ушул Меморандум менен түз же кыйыр байланышкан кандайдыр бир маалыматтарды ачыкка чыгарбоого тийиш.

11- берене Талаш-тартыштарды чечүү

1. Ушул Меморандумду ишке ашыруунун жүрүшүндо келип чыккан түрдүү пикир келишпестиктер Тараптардын ортосундагы сүйлөшүүлөр жана/же кеңешүүлер аркылуу чечилүүгө тийиш.

2. Эгерде Тараптардын бири Меморандумду андан ары натыйжалуу же талаптагыдай аткаруу мүмкүн эмес деп эсептесе, анда ал экинчи Тарап менен кеңешүүгө тийиш. Эгерде кырдаалды жөнгө салуу женүндө макулдашууга жетишүү мүмкүн болбосо, Тараптардын бири 2 (эки) ай мурун кат жүзүндө билдирүү жөнөтүү аркылуу, долбоордук ишти ишке ашырууга байланышкан чыгымдарга компенсация төлөө зарылдыгысыз, Меморандумдун ишин токтото алат.

12-берене Артыкчылыктар жана иммунитеттер

Ушул Меморандумда камтылган же байланышкан эч нерсе ЕККУнун борборуна же болбосо түрдүү жумушта иштеген ЕККУнун расмий адамына, кызматкерине, персоналына же эл аралык экспертине жайылтылган, Кыргыз Республикасынын жарандарын жана/же Кыргыз Республикасынын аймагында туруктуу жашаган адамдарды эске албаганда, кандайдыр бир артыкчылыктардан жана иммунитеттерден көрсөтүлгөн жана божомолдонгон баш тартуу катарында эсептелбөөгө тийиш.

13-берене Меморандум жана тиркемелер

1. Долбоордук ишти ишке ашыруу боюнча иш-чаралар ар жылдык негизде аныкталат жана ушул Меморандумга маалыматтык баракчалар түрүндө Тараптар тарабынан бекитилген долбоорлордун концепттеринин тиркемеси менен бирдикте Тараптар тарабынан (30-январга чейин) пландаштырылат. Тиркемелер Меморандумдун ажырагыс бөлүгү болуп саналат. Меморандум менен каалаган тиркеменин ортосунда дал келбестиктер жана карама-каршылыктар пайда болгон учурда Меморандум артыкчылыкка ээ болушу керек. Долбоорлордун бекитилүүчү концепттери долбоорлор, алардын максаттары, мөенөттөрү, бюджета жана анын катышуусу менен долбоорду ишке ашыруу болжолдонгон укук коргоо жана башка мамлекеттик органы тууралуу маалыматтарды өзүнө камтыйт.

2. Долбоордук ишти жүргүзүү алкагында Иш-чаралар планы түзүлөт, ал Кыргыз Республикасынын Өкмөтүнүн Аппаратынын кураторлук кылган түзүмдүк бөлүнүшү менен макулдашылгандан кийин ЕККУнун ыйгарым укуктуу екүлү жана тийиштүү укук коргоо жана башка мамлекеттик органынын жетекчиси тарабынан 2 (эки) жылда аны ишке ашыруу мөөнөтү бекитилет. План аларды ишке ашыруу бюджети менен долбоордук иш-чаралардын максаттарын, милдеттерин жана тизмектерин, жооптуу адамдарды жана ар бир пландаштырылган иш-чараны ишке ашыруунун убакыттык интервалдарын, ошондой эле алдыга коюлган максаттарга жетүүнү баалоо критерийлерин өзүнө камтыйт. Иш-чаралар планы ушул Меморандум менен жөнгө салынган долбоордук иштин бөлүгү болуп эсептелет жана аны макулдашкан Тараптар аткарууга милдеттүү.

3. Тараптардын өз ара макулдашуусу боюнча Меморандумга жана долбоорлордун концепттерине өзгертүүлөр жана толуктоолор киргизилиши мүмкүн, алар анын ажырагыс белүгү болуп саналган өзүнчө протоколдор менен таризделет.

14-берене Меморандумдун ишин токтотуу тартиби

1. Эгерде экинчи Тарап ушул Меморандумдун шарттарын аткара албай калса, каалаган Тарап же Тараптардын бири Меморандум боюнча милдеттерди андан ары аткаруудан баш тарта алат жана ушул Меморандумдун иши токтотулушу мүмкүн. Бул Меморандумду токтотууну демилгелеген Тарап 60 (алтымыш) күндөн кем эмес убакыттын ичинде экинчи Тарапка мөөнөтүнөн мурда токтотуу жөнүндө билдирүү берүүгө тийиш.

2. Меморандумдун ишин мөөнөтүнөн мурда токтотуу ал иштеп жаткан мезгилде жетишилген кызматташтыктын каалаган түрүнүн аякташына таасир тийгизбейт жана Тараптар үчүн финансылык кесепеттерге алып келбейт.

3. Эгерде долбоордук ишти улантууга мүмкүн болбогон жагдайлар (негизинен форс-мажор) пайда болсо, ЕККУнун борбору жана Өкмет эки жактуу макулдашуу боюнча долбоордук иштин бардыгын же бир бөлүгүн токтото алышат.

4. Эгерде Меморандумдун иши ушул берененин 1-пунктуна ылайык токтотулбаса, Тараптар токтотуу мөөнөтүн минималдаштырууга күч жумшашы керек жана аны улантуу мүмкүндүгүнө кепилдик болоор менен долбоордук ишти кайра баштоого тийиш.

15-берене Башка шарттар

Ушул Меморандумдун Тараптары бир дагы мамлекеттик кызмат адамы же екүлү ушул Меморандумга ылайык женге салынган каалаган иштен финансылык пайда көрө албасы тууралуу макулдашат. Бул жобону сактабагандык олуттуу материалдык бузуу болот жана ЕККУнун борборуна ушул Меморандумдун 14-беренесине ылайык ушул Меморандумдун ишин токтотууга укук берет.

16-берене Корутунду жоболор

Ушул Меморандум Кыргыз Республикасынын мыйзамдары менен белгиленген тартипте ал бекитилген учурдан тартып күчүнө кирет жана 5 (беш) жылга чейин күчүндө болот. Эгерде Тараптардын бири кезектеги мөөнөт бүткөнгө чейинки 3 (үч) айдан кем эмес убакытта анын ишин токтотуу ниети тууралуу экинчи Тарапка кат түрүнде билдирбесе, анын иши кийинки беш жылдык мөөнөткө автоматтык түрде узартылат.

Ушул Меморандум кыргыз, орус жана англис тилдеринде, ар бири эки нускада даярдалды. Үч тексттин ар бири бирдей юридикалык күчкө ээ жана аутенттүү болуп эсептелет.

Бишкек шаарында 2015-жылдын "_____" ______, 6 (алты) түп нускада, 2 (эки) кыргыз, 2 (эки) орус жана 2 (эки) англис тилдеринде кол коюлду, эки Тараптын ар бирине ар бир тилде бир нускадан берилет.

1-тиркеме

Долбоор: Кыргыз Республикасынын ички иштер органдарындагы түзүмдүк, укуктук жана билим берүү реформаларына көмөк көрсөтүү

2-тиркеме

Долбоор: Уюшкан кылмыштуулукка, баңгизаттарды мыйзамсыз жүгүртүгө жана киберкылмыштуулукка каршы күрөшүүдө укук коргоо органдарынын потенциалын күчөтүү

3-тиркеме

Долбоор: Кыргыз Республикасындагы кварталдык милициянын натыйжалуулугун жогорулатуу