КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 28-октябры № 543-б

Кыргыз Республикасынын жарандарын медициналык-санитардык жардам менен камсыздоо боюнча мамлекеттик кепилдиктер программасынын алкагында медициналык жардам көрсөтүүчү саламаттык сактоо уюмдарын материалдык-техникалык жабдууну жакшыртуу максатында, "Кыргыз Республикаcынын Социалдык фондунун 2015-жылга бюджети жана 2016-2017-жылдарга божомолу жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Милдеттүү медициналык камсыздандыруу фонду Кыргыз Республикасынын Өкмөтүнүн 2012-жылдын 20-февралындагы № 133 токтому менен бекитилген Кыргыз Республикасынын Өкмөтүнө караштуу Милдеттүү медициналык камсыздандыруу фонду жөнүндө жобо менен түзүлүүсү каралган саламаттык сактоону өнүктүрүү фондунун каражаттарынан Бишкек шаарынын мэриясына караштуу) Бишкек травматология жана ортопедия илимий-изилдөө борборуна санариптик рентген-аппаратын сатып алууга 5,0 (беш) миллион сом бөлүп берсин.

2. Бишкек шаарынын мэриясына караштуу Бишкек травматология жана ортопедия илимий-изилдөө борбору санариптик рентген-аппаратын сатып алууну "Мамлекеттик сатып алуулар жөнүндө" Кыргыз Республикасынын Мыйзамына ылайык ишке ашырсын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.