КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2016-жылдын 26-январы № 28-б

Кыргыз Республикасынын пилоттук айыл аймактарында тубар бодо малды жасалма уруктандыруу жана айылдык товар өндүрүүчүлөрдү жогорку сапаттагы асыл тукум уруктар менен камсыз кылуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Тубар бодо малга жасалма уруктандыруу жүргүзүү максатында Кыргыз Республикасынын пилоттук айыл аймактарынын тизмеси тиркемеге ылайык бекитилсин.

2. Кыргыз Республикасынын Айыл чарба жана мелиорация министрлиги:

- пилоттук айыл аймактарында малга жасалма уруктандыруу жүргүзүү үчүн асыл тукум букалардын жогорку сапаттагы уруктары менен камсыз кылсын;

- жергиликтүү мамлекеттик администрациялар менен бирдикте:

бодо малды өз убагында жасалма жол менен уруктандырууну камсыз кылсын жана породасыз букалар менен табигый куудурууга жол бербесин;

малды жасалма уруктандыруунун пайдалуу жактары жөнүндө айыл элине кеңири түшүндүрүү иштерин жүргүзсүн.

3. Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекция бодо малды жасалма уруктандырууну жүргүзүүдө практикалык жардам көрсөтсүн.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

Тиркеме

Тубар бодо малга жасалма уруктандыруу жүргүзүлүүчү Кыргыз Республикасынын пилоттук айыл аймактарынын ТИЗМЕСИ