КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2016-жылдын 16-февралы № 58-б

Кыргыз Республикасынын Жогорку Кеңешинин 2015-жылдын 29-июнундагы № 5408-V токтому менен бекитилген 2015-2017-жылдарга Кыргыз Республикасында мамлекеттик менчикти менчиктештирүү программасын ишке ашыруу максатында, "Кыргыз Республикасындагы мамлекеттик менчикти менчиктештирүү жөнүндө" Кыргыз Республикасынын Мыйзамынын 15-статьясына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Мамлекеттик мүлктү башкаруу фонд:

- "Эйр Кыргызстан" ачык акционердик коомунун акцияларынын 49 пайызын сатуу боюнча инвестициялык конкурсту белгиленген тартипте даярдасын жана өткөрсүн;

- Кыргыз Республикасынын Транспорт жана коммуникациялар министрлиги менен биргеликте Кыргыз Республикасынын мыйзамдарына ылайык конкурстун шарттарын, милдеттенмелердин тизмесин, ошондой эле милдеттенмелерди ишке ашыруу мөөнөттөрүн бир айлык мөөнөттө иштеп чыксын;

- "Эйр Кыргызстан" ачык акционердик коомунун акцияларынын 49 пайызын сатуу боюнча инвестициялык конкурсту өткөрүү үчүн ушул пункттун 3-абзацында көрсөтүлгөн документтерди белгиленген тартипте бекитсин.

2. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн.