КЫРГЫЗ РЕСПУБЛИКАСЫНЫН ӨКМӨТҮ
БУЙРУК
2016-жылдын 14-марты № 97-б
2016-жылдын 18-мартында Россия Федерациясынын Москва шаарында болуучу Көз карандысыз Мамлекеттер Шериктештигинин Экономикалык кеңешинин 69-жыйынына, ошондой эле "25 жыл бирге: өз ара аракеттенүүнүн жаңы форматтары" Көз карандысыз Мамлекеттер Шериктештигинин мүчө-мамлекеттеринин Эл аралык экономикалык форумунун ишине катышуу үчүн:
1. Кыргыз Республикасынын делегациясы тиркемеге ылайык курамда түзүлсүн.
2. Кыргыз Республикасынын делегациясы 2016-жылдын 16-19-мартында Россия Федерациясынын Москва шаарына жиберилсин.
3. Кыргыз Республикасынын вице-премьер-министри Панкратов Олег Михайловичке Көз карандысыз Мамлекеттер Шериктештигинин Экономикалык кеңешинин жогоруда аталган жыйынынын чечимдерине кол коюуга ыйгарым укук берилсин.
4. Командировкалык чыгымдар Кыргыз Республикасынын Өкмөтүнүн 2008-жылдын 26-августундагы № 471 "Командировкалык чыгымдардын нормаларын белгилөө жана алардын ордун толтуруу тартиби жөнүндө" токтому менен белгиленген ченемдерге ылайык командировкага жиберүүчү уюмдардын эсебинен төлөнсүн.
Премьер-министр | Т.А. Сариев |
Тиркеме
Көз карандысыз Мамлекеттер Шериктештигинин Экономикалык кеңешинин 69-жыйынына, ошондой эле "25 жыл бирге: өз ара аракеттенүүнүн жаңы форматтары" Көз карандысыз Мамлекеттер Шериктештигинин мүчө-мамлекеттеринин Эл аралык экономикалык форумунун ишине катышуу үчүн Кыргыз Республикасынын делегациясынын КУРАМЫ
Панкратов Олег Михайлович | - | Кыргыз Республикасынын вице-премьер-министри, делегациянын башчысы; |
Асанкожоева Зина Мукаевна | - | Көз карандысыз Мамлекеттер Шериктештигинин Экономикалык кеңешинин алдындагы Экономикалык маселелер боюнча комиссиядагы Кыргыз Республикасынын ыйгарым укуктуу өкүлү; |
Усупов Усен Макаевич | - | Кыргыз Республикасынын Евразия экономикалык бирлигиндеги өкүлү; |
Урмат уулу Мират(*) | - | Кыргыз Республикасынын Өкмөтүнүн Аппаратынын эл аралык кызматташтык бөлүмүнүн эксперти; |
Алишеров Эльдар Туралиевич | - | Кыргыз Республикасынын вице-премьер-министринин кеңешчиси. |
Эскертүү:
(*) - Москва шаарына 2016-жылдын 17-19-мартында командировкага жиберилет.