КЫРГЫЗ РЕСПУБЛИКАСЫНЫН ӨКМӨТҮ

2016-жылдын 20-апрели № 176-б

Кыргыз Республикасынын "САSА-1000" долбоору боюнча өкмөттөр аралык кеңештин ишине мындан аркы катышуусу максатында, "Кыргыз Республикасынын Өкмөтү" жөнүндө Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2011-жылдын 6-июлундагы № 270-б буйругуна төмөнкүдөй өзгөртүү киргизилсин:

1-пункт төмөнкүдөй редакцияда баяндалсын:

"1. Комиссиянын кыргыз бөлүгү төмөнкү курамда түзүлсүн:

Кыргыз Республикасынын Экономика министри, комиссиянын кыргыз бөлүгүнүн жетекчиси;

Кыргыз Республикасынын Тышкы иштер министринин биринчи орун басары, комиссиянын кыргыз бөлүгүнүн жетекчисинин орун басары;

Кыргыз Республикасынын Экономика министринин орун басары;

Кыргыз Республикасынын Финансы министринин орун басары;

"Улуттук энергетикалык холдинг компаниясы" ачык акционердик коомунун башкармалыгынын төрагасы (макулдашуу боюнча);

"Электр станциялар" ачык акционердик коомунун башкы директору (макулдашуу боюнча);

"Кыргызстан улуттук электр тармагы" ачык акционердик коомунун башкы директору (макулдашуу боюнча).".