КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

 2016-жылдын 5-августу № 451

Аткаруу бийлиги органдары тарабынан Кыргыз Республикасынын мыйзамдарынын, Кыргыз Республикасынын Жогорку Кеңешинин токтомдорунун аткарылышын камсыз кылуу, Кыргыз Республикасынын Жогорку Кеңешинин 2016-жылдын 23-июнундагы № 778 "2016-жылдын 1-мартына карата Кыргыз Республикасынын Өкмөтүнүн Кыргыз Республикасынын мыйзам базаларын инвентаризациялоо боюнча жасалган иштер жөнүндө маалыматы тууралуу" токтомунун 2-пунктун ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 18-беренесине ылайык:

1. Министрликтердин, мамлекеттик комитеттердин, административдик ведомстволордун, аткаруу бийлигинин башка органдарынын жетекчилери:

- иштеринде мыйзамдарды, Кыргыз Республикасынын Жогорку Кеңешинин токтомдорун аткарууну артыкчылыктуу багыт деп эсептешсин;

- жогоруда аталган ченемдик укуктук актылардын жоболоруна ылайык келтирүүгө багытталган Кыргыз Республикасынын Өкмөтүнүн чечимдеринин долбоорлорун даярдоого байланышкан мыйзамдарды, Кыргыз Республикасынын Жогорку Кеңешинин токтомдорун аткаруу боюнча талаптагыдай ишти камсыз кылышсын;

- квартал сайын, отчеттук мезгилден кийинки айдын 10уна чейин ушул буйруктун тиркемесине ылайык форма боюнча Кыргыз Республикасынын Өкмөтүнүн Аппараты тейлеген түзүмдүк бөлүмдөрдө мыйзамдарды жана Кыргыз Республикасынын Жогорку Кеңешинин токтомдорун аткаруу жөнүндө маалымат беришсин;

- ушул пунктта аталган ишти жүргүзүүгө жеке жоопкерчилик жетекчинин орун басарларынын бирине жүктөлсүн;

- жогоруда аталган ченемдик укуктук актыларды аткаруу боюнча талаптагыдай эмес иши үчүн жооптуу кызматкерлерге карата таасир берүүчү тартиптик жаза чараларын көрүшсүн, Кыргыз Республикасынын Өкмөтүнүн Аппаратына көрүлгөн чаралар жөнүндө маалымдашсын.

2. Кыргыз Республикасынын Өкмөтүнүн Аппаратынын түзүмдүк бөлүмдөрүнүн жетекчилери:

- тейлеген мамлекеттик органдар тарабынан тармактык мыйзамдардын, Кыргыз Республикасынын Жогорку Кеңешинин токтомдорунун аткарылышын туруктуу негизде контролдошсун;

- квартал сайын тейлеген мамлекеттик органдар тарабынан берилген маалыматты жалпылоо менен, тармактык мыйзамдарды аткаруу боюнча мамлекеттик органдардын ишине талдоо жүргүзүшсүн;

- жарым жылдыктын жыйынтыгы боюнча отчеттук мезгилден кийинки айдын 15инен кечиктирбеген мөөнөттө ушул буйруктун тиркемесине ылайык форма боюнча Кыргыз Республикасынын Жогорку Кеңешинин профилдик комитеттерине Кыргыз Республикасынын Өкмөтүнүн Кыргыз Республикасынын Жогорку Кеңешиндеги өкүлчүлүгү аркылуу мыйзамдарды жана Кыргыз Республикасынын Жогорку Кеңешинин токтомдорун аткаруу жөнүндө отчет жиберишсин;

- ушул пунктта аталган иштерди жүргүзүү үчүн жеке жоопкерчилик Кыргыз Республикасынын Өкмөтүнүн Аппаратынын түзүмдүк бөлүмдөрүнүн жетекчилеринин орун басарларына жүктөлсүн.

3. Ушул буйруктун аткарылышын контролдоо Кыргыз Республикасынын Өкмөтүнүн Кыргыз Республикасынын Жогорку Кеңешиндеги өкүлчүлүгүнө жүктөлсүн.

Тиркеме

Форма

20____-жылдын "___" ________________ 20____-жылдын "___" ________________ чейинки мезгилде мыйзамдардын жана Кыргыз Республикасынын Жогорку Кеңешинин токтомдорунун аткарылышы жөнүндө МААЛЫМАТ