КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2016-жылдын 14-октябры № 435-б

Мыйзамсыз миграцияга каршы күрөшүүнү жөнгө салуу процессинин натыйжалуулугун жогорулатуу максатында, "Кыргыз Республикасынын эл аралык келишимдери жөнүндө" Кыргыз Республикасынын Мыйзамынын 8-беренесине ылайык:

1. Тиркелгендер жактырылсын:

- Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашуунун долбоору;

- Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну ишке ашыруунун тартиби тууралуу аткаруу протоколунун долбоору.

2. Кыргыз Республикасынын Ички иштер министринин орун басары Асанов Курсан Сатаровичке жогоруда аталган Макулдашууга жана Аткаруу протоколуна принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

3. Кыргыз Республикасынын Өкмөтүнүн 2016-жылдын 14-январындагы № 8-б буйругу күчүн жоготту деп таанылсын.

Долбоор

Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө МАКУЛДАШУУ

Мындан ары Тараптар деп аталуучу Кыргыз Республикасынын Өкмөтү менен Казакстан Республикасынын Өкмөтү,

өздөрүнүн мамлекеттеринин ортосундагы өз ара пайдалуу мамилелерди, ошондой эле ар кандай тармактардагы кызматташууну, анын ичинде мыйзамсыз  миграцияга каршы күрөштү өнүктүрүүгө аракеттенүүнү жетекчиликке алып,

Тараптар өздөрүнүн мамлекеттеринин аймагында чет өлкөлүк жарандар жана жарандыгы жок адамдар үчүн аныкталган тартиптерди бузган адамдарды кайра кайтаруу, кабыл алуу жана өткөрүп берүүнү аныктаган, макулдашылган принциптерди жана ченемдерди аракетке киргизүү миграция процесстерин жөнгө салуунун негизги бөлүгү, мыйзамсыз миграцияга каршы күрөшүүгө кошкон салым экендигине ынануу менен,

Тараптардын мамлекеттеринин аймагында же алардын аймагы аркылуу өткөн чет өлкөлүк жарандар жана жарандыгы жок адамдар тарабынан мыйзамсыз миграция үчүн мыйзамда каралган жоопкерчиликти аныктай ала турган эгемендүү укуктарын сыйлап,

ушул Макулдашуу Тараптардын мамлекетинин эл аралык укук боюнча укуктарын, ошону менен бирге 1948-жылдын 10-декабрындагы Адам укугунун жалпы декларациясында, 1951-жылдын 28-июлундагы Качкындардын статусу жөнүндө конвенцияда жана 1967-жылдын 31-январындагы Качкындардын статусуна караштуу протоколунда, 1984-жылдын 10-декабрындагы Кыйноолорго жана башка катаал, адамгерчиликсиз же адамдын кадыр-баркын басмырлаган мамиленин жана жазанын түрлөрүнө каршы конвенцияда бекитилген эл аралык укуктук ченемдерин, милдеттенмелерин жана жоопкерчиликтерин кемсинтпөөнү айрыкча белгилөө менен,

Тараптардын мамлекеттеринин миграция жаатындагы улуттук мыйзамдарын өнүктүрүүгө карата өсүп жаткан кызыкчылыктарын белгилеп,

төмөндөгүлөр жөнүндө макулдашышты:

1-берене. Аныктамалар

Ушул Макулдашууда пайдаланылуучу аныктамалар төмөнкүлөрдү түшүндүрөт:

1) "реадмиссия" - ушул Макулдашууда каралган тартипте, шарттарда жана максаттарда, суроочу Тараптын мамлекетинин компетенттүү органдарынын суроочу Тараптын аймагында чет өлкөлүк жарандар жана жарандыгы жок адамдар үчүн мыйзам чегинде аныкталган кирүү, чыгуу жана жүрүү тартибин бузган адамдарды тапшыруусу жана суралуучу Тараптын мамлекетинин компетенттүү органдарынын аларды кабыл алуусу;

2) "суроочу Тарап" - ушул Макулдашууга ылайык реадмиссия же адамды транзиттөө жөнүндө суроо-талапты жиберген Тарап, мамлекеттин борбордук компетенттүү органы;

3) "суралуучу Тарап" - ушул Макулдашууга ылайык мамлекеттин борбордук компетенттүү органынын дарегине реадмиссия же адамды транзиттөө жөнүндө суроо-талапты жиберген Тарап;

4) "үчүнчү мамлекеттердин жарандары" - Тараптардын мамлекеттеринин жарандыгына ээ эмес жана ушул Макулдашуунун катышуучусу болбогон мамлекеттин жарандыгына таандык адамдар;

5) "жарандыгы жок адамдар" - ушул Макулдашуунун 2-беренесинин 1-пунктуна баш ийген, бир Тараптын мамлекетинин жарандыгын башка Тараптын мамлекетине киргенден кийин жоготкон адамдардан тышкары, Тараптардын мамлекеттеринин жарандыгына ээ эмес жана үчүнчү мамлекеттин жарандыгына ээ экендигине далили болбогон адамдар;

6) "компетенттүү органдар" - ушул Макулдашууну ишке ашырууга катышуучу Тараптардын мамлекеттеринин органдары;

7) "борбордук компетенттүү органдар" - ушул Макулдашууну ишке ашыруу боюнча негизги милдеттер жүктөлгөн Тараптардын мамлекеттеринин компетенттүү органдары;

8) "мамлекеттик чек ара аркылуу өткөрүү пункту" - Тараптардын мамлекеттеринин мыйзамдарына же каалаган мамлекетке таандык адамдардын мамлекеттик чек араны кесип өтүүсүнө багытталган эл аралык келишимдерине ылайык белгиленген Кыргыз Республикасынын мамлекеттик чек арасы аркылуу же Казакстан Республикасынын мамлекеттик чек арасы аркылуу өткөрүү пункту;

9) "жеке маалыматтар" - мындай негизде аныкталган же аныкталуучу жеке адамга тиешелүү бардык маалымат;

10) "Аткаруу протоколу" - ушул Макулдашууну ишке ашыруунун тартиби жөнүндө протокол;

11) "транзит" - үчүнчү мамлекеттин жараны же болбосо жарандыгы жок адамдын суроочу Тараптын мамлекетинен чыгып баруучу мамлекетке жетүү максатында суралуучу Тараптын мамлекетинин аймагы аркылуу өтүүсү.

2-берене. Тараптардын мамлекеттеринин жарандарын реадмиссиялоо

1. Суралуучу Тараптын мамлекетинин борбордук компетенттүү органы суроочу Тараптын мамлекетинин борбордук компетенттүү органынын суроо-талабы боюнча суроочу Тараптын мамлекетинин аймагына кирген же чет өлкөлүк жарандардын жана жарандыгы жок адамдардын кирүү, чыгуу жана жүрүү маселелери боюнча бул мамлекеттин мыйзамдарын бузуу менен жүргөн адамдарды кабыл алат, эгерде алар суралуучу Тараптын мамлекетинин жарандары деп белгиленсе.

2. Зарыл учурларда суралуучу Тараптын мамлекетинин компетенттүү органдары өткөрүп берилүүчү адамдарга өзүнүн мамлекетинин аймагына кирүү үчүн керектүү документтерди беришет.

3. Тараптардын биринин мамлекетинин адамдарынын жарандыгын аныктаган документтердин тизмеги Аткаруучу протоколдо келтирилген.

Тараптар ушул Макулдашууга кол коюлган күндөн тартып 30 (отуз) календарлык күндүн ичинде дипломатиялык каналдар аркылуу ушул пункттун биринчи абзацында аталган документтердин үлгүлөрүн алмашышат. Андан ары ар бир Тарап мындай документтердеги бардык өзгөрүүлөр жөнүндө дипломатиялык каналдар аркылуу башка Тарапка токтоосуз билдирет.

4. Эгерде ушул берененин 3-пунктунда аталган бир да документ берилбесе, Тараптардын мамлекеттеринин борбордук компетенттүү органдары суроочу Тараптын мамлекетинин аймагында реадмиссияланууга тийиш болгон адам менен анын жарандыгы жөнүндө маалымат алуу максатында аңгемелешүү жөнүндө сүйлөшүшөт. Аңгемелешүүнүн жол-жобосу Аткаруу протоколуна ылайык ишке ашырылат.

5. Эгерде ушул берененин 1-пунктунда каралган реадмиссиялоо үчүн негиздердин жоктугу белгиленсе, анда суроочу Тараптын мамлекетинин борбордук компетенттүү органы кайра берилген адамды өткөрүп берген күндөн тартып 30 календарлык күндүн ичинде аны кайра кабыл алат. Мындай учурда суралуучу Тараптын мамлекетинин борбордук компетенттүү органы ал адамга тиешелүү өзүндөгү материалдарды суроочу Тараптын мамлекетинин борбордук компетенттүү органына өткөрүп берет.

3-берене. Үчүнчү өлкө жарандарын жана жарандыгы жок адамдарды реадмиссиялоо

1. Бир Тараптын борбордук компетенттүү органы башка Тараптын борбордук компетенттүү органынын өтүнүчү боюнча өзүнүн мамлекетинин аймагына үчүнчү өлкөнүн жарандарын жана жарандыгы жок адамдарды эгерде мындай адамдар суроочу Тараптын мамлекетинин аймагына суралуучу Тараптын мамлекетинин аймагынан түздөн-түз киргендиги жана кирүүнүн шарттарын жана эрежелерин сактабай же аткарбай койгондугу документ түрүндө далилденген шартта кабыл алат.

Ушул берененин 1-пунктун колдонууда кандайдыр бир кыйынчылык пайда болсо, Тараптар ар бир жеке учурда үчүнчү өлкөнүн жарандарын жана жарандыгы жок адамдарды реадмиссиялоо үчүн өз ара тыгыз аракеттенишет.

2. Ушул берененин 1-пунктунда каралган реадмиссиялоо боюнча милдеттенме эгерде үчүнчү өлкөнүн жараны же жарандыгы жок адамы үчүн төмөнкүдөй учурларда колдонулбайт:

1) эгерде суроочу Тараптын мамлекетинин аймагына ал мамлекет катышкан эл аралык келишимге ылайык визасыз тартипте мыйзамдуу негизде кирген болсо;

2) суроочу Тараптын мамлекетинин аймагына кирүүнүн алдында жалаң гана суралуучу Тараптын мамлекетинин аймагында жайгашкан эл аралык аэропорттун транзиттик аймагында болсо;

3) эгер эки Тараптын бири үчүнчү мамлекеттин жаранына же жарандыгы жок адамга өзүнүн мамлекетинин аймагына кирердин алдында же киргенден кийин виза же туруу уруксатын төмөнкүдөн башка учурларда берген болсо:

- ал адам суралуучу Тарап берген узак мөөнөткө колдонулуучу визага же туруу уруксатына ээ болсо;

- суралуучу Тарап берген виза же туруу уруксаты жасалма документтер аркылуу алынган болсо.

3. Реадмиссия жөнүндө суроо-талапка оң жооп алгандан кийин суроочу Тарап реадмиссиялоого тийиштүү адамга жарактуулук мөөнөтү 30 (отуз) күндөн аз болбогон суралуучу Тарап тарабынан таанылуучу чыгуу документин берет.

4. Үчүнчү мамлекеттин жаранын же жарандыгы жок адамды реадмиссиялоого негиз түзө турган документтердин тизмеги Аткаруу протоколунда келтирилген.

Ушул Макулдашуу жана Аткаруу протоколу күчүнө кирген күндөн тартып 30 (отуз) күндүн ичинде Тараптар дипломатиялык каналдар аркылуу мындай документтердин үлгүлөрү менен алмашышат. Андан кийин бул документтердеги бардык өзгөрүүлөр тууралуу Тарптардын ар бири дипломатиялык каналдар аркылуу башка Тарапка токтоосуз маалымдайт.

4-берене. Реадмиссия жөнүндө суроо-талап

1. Ушул Макулдашууда каралган шарттардын бирине ылайык реадмиссияланууга тийиш болгон адамды берүү үчүн суроочу Тараптын мамлекетинин борбордук компетенттүү органы суралуучу Тараптын мамлекетинин борбордук компетенттүү органына реадмиссия жөнүндө суроо-талап жөнөтөт.

2. Эгерде реадмиссиялануучу адамда суралуучу Тараптын мамлекетинин жарактуу улуттук паспорту болсо, анда реадмиссия жөнүндө суроо-талап жиберүү талап кылынбайт. Мындай адамдарды өткөрүп берүү Аткаруу протоколунун 9-беренесине ылайык ишке ашырылат.

3. Суралуучу Тараптын мамлекетинин борбордук компетенттүү органы адамды реадмиссиялоо жөнүндө суроо-талапты алган күндөн тартып 30 (отуз) календарлык күндүн ичинде кабыл алууга макулдук берет же болбосо ушул Макулдашууда каралган адамды өткөрүп берүүгө зарыл шарттардын жоктугу суралуучу Тараптан белгиленген болсо, анда жүйөлүү түрдө баш тартат.

4. Адамды реадмиссиялоо тууралуу суроо-талапка өз убагында жооп берүүгө жолтоо болгон юридикалык же иш жүзүндөгү мүнөздөгү жагдайлар болсо, суралуучу Тараптын мамлекетинин борбордук компетенттүү органынын жүйөлүү кайрылуусунун негизинде жооп берүү мөөнөтү 60 (алтымыш) календарлык күнгө чейин узартылат.

5-берене. Адамдарды өткөрүп берүүнүн жана кабыл алуунун мөөнөтү

1. Эгерде Тараптардын мамлекеттеринин борбордук компетенттүү органдары ар бир конкреттүү учурда башка жөнүндө сүйлөшүшпөсө, анда суралуучу Тараптан реадмиссиялоого макулдук берилген адамдарды өткөрүп берүү мындай макулдукту алган күндөн тартып 30 (отуз) календарлык күндүн ичинде ишке ашырылат.

2. Эгерде өткөрүп берүүгө объективдүү түрдө тоскоол болгон шарттардын пайда болушуна байланыштуу реадмиссиялануучу адамдар суралуучу Тарапка өткөрүлүп берилбесе, анда ушул берененин 1-пунктунда аталган мөөнөт узартылышы мүмкүн.

3. Суралуучу Тарап реадмиссиялоого макулдук берген адамды өткөрүп берүүгө мүмкүн болбосо, суроочу Тараптын мамлекетинин борбордук компетенттүү органы суралуучу Тараптын мамлекетинин борбордук компетенттүү органына жазуу жүзүндөгү тиешелүү билдирүүнү жөнөтөт.

6-берене. Транзит

1. Эгерде суроочу Тараптын мамлекетинин компетенттүү органы ушул пунктта аталган адамдарга үчүнчү мамлекеттин аймагына анын транзит мамлекет же баруучу мамлекет экендигине карабастан, тоскоолдуксуз өтүүсүнө кепилдик берсе, суралуучу Тараптын мамлекетинин борбордук компетенттүү органы суроочу Тараптын мамлекетинин борбордук компетенттүү органынын суроо-талабы боюнча үчүнчү мамлекетке реадмиссия тартибинде өткөрүлүп берилүүчү үчүнчү мамлекеттин жарандарын жана жарандыгы жок адамдарды суралуучу Тараптын мамлекетинин аймагы аркылуу транзиттөөгө уруксат берет.

2. Ушул берененин 1-пунктунда аталган адамдардын транзити суроочу Тараптын мамлекетинин компетенттүү органдарынын кызматкерлеринин коштоосунда жүргүзүлүшү мүмкүн.

3. Эгерде Тараптардын мамлекеттеринин борбордук компетенттүү органдары ар бир конкреттүү учурда башка жөнүндө сүйлөшүшпөсө, анда ушул берененин 1-пунктунда аталган адамдарды транзиттөө жөнүндө суроо-талап суралуучу Тараптын мамлекетинин аймагына кирүүгө белгиленген күнгө чейин 15 (он беш) календарлык күндөн кечиктирилбестен транзиттөө максатында жиберилет.

4. Суралуучу Тараптын мамлекетинин борбордук компетенттүү органы ушул берененин 1-пунктунда аталган адамдарды транзиттөө жөнүндө суроо-талапты алган күндөн тартып 7 (жети) календарлык күндүн ичинде транзитке макулдук берет же транзитти ишке ашыруудан жүйөөлүү баш тартат.

5. Ушул берененин 1-пунктунда аталган адамдарды транзиттөөдө суралуучу Тараптын мамлекетинин компетенттүү органдары суроочу Тараптын мамлекетинин компетенттүү органдарынын өтүнүчү боюнча мүмкүн болушунча көмөк көрсөтүшөт.

6. Суралуучу Тараптын мамлекетинин борбордук компетенттүү органы ушул берененин 1-пунктунда аталган адамды транзиттөөдөн төмөнкүдөй учурларда баш тартат, эгерде:

1) баруучу мамлекетте же башка мамлекетте үчүнчү мамлекеттин жараны же жарандыгы жок жактар кыйноого, адамгерчиликсиз же адамдык кадыр-баркын кемсинткен кайрылууга же жазалоого, өлүм жазасына же расалык, диний, улуттук белгилери боюнча, ошондой эле белгилүү бир социалдык топко таандыктыгы же саясий ишениминин белгилери боюнча куугунтукка алынуусуна коркунуч туулса;

2) айрыкча улуттук коопсуздук, коомдук тартипти сактоо же калктын саламаттыгы боюнча мындай адамдын суралуучу Тараптын мамлекетинин аймагында жүрүүсү ылайыксыз болсо.

7. Эгерде ушул берененин 1-пунктунда аталган адамдарга карата суралуучу Тараптын мамлекетинин аймагына киргенден кийин ушул берененин 6-пунктунда каралган жагдайлар белгиленсе, ошондой эле эгерде башка мамлекеттин аймагына же баруучу мамлекеттин аймагына тоскоолсуз өтүүсү мындан ары кепилденген эмес деп эсептелсе, анда суралуучу Тараптын мамлекетинин компетенттүү органдары транзитке уруксат берилгендигине карабастан, ушул берененин 1-пунктунда аталган адамдарды суроочу Тараптын мамлекетинин компетенттүү органдарына кайра өткөрүп берет.

8. Тараптар эки жактуу негизде алардын жарандыгы боюнча же дайыма жашаган мамлекеттерине түздөн-түз кетүүсүнө мүмкүн болгон учурда үчүнчү мамлекеттердин жарандарынын жана жарандыгы жок адамдардын транзитин чектөө боюнча чараларды көрүшөт.

9. Тараптар үчүнчү мамлекеттин жарандарынын же жарандыгы жок адамдардын транзитин көбүнчө аба жана темир жол транспорттору менен ишке ашырышат.

7-берене. Жекече маалыматтарды коргоо

1. Ушул Макулдашуунун жоболорун ишке ашырууга байланыштуу Тараптардын мамлекеттеринин компетенттүү органдары алмашуучу же бири-бирине берүүчү жекече маалыматтар Тараптардын ар биринин мамлекетинде анын жекече маалыматтарды коргоо жөнүндө мыйзамдарына жана Тараптардын мамлекеттери мүчө болгон эл аралык макулдашууларга ылайык корголууга тийиш.

2. Тараптардын мамлекеттеринин компетенттүү органдары төмөндөгү шарттарды сактоо менен жекече маалыматтарды алмашышат:

1) жекече маалыматтар ушул Макулдашуунун максаттары үчүн гана колдонулушу мүмкүн;

2) Тараптардын мамлекеттеринин компетенттүү органдары ушул Макулдашууга ылайык алынган жекече маалыматтардын жашыруундугун камсыз кылышат жана ал жекече маалыматтарды берген Тараптын жазуу жүзүндөгү уруксаты болмоюнча үчүнчү жактарга беришпейт жана алардын кандайча пайдаланылгандыгы жөнүндө аларды берген Тараптын компетенттүү органдарына кабарлашат;

3) Тараптардын мамлекеттеринин компетенттүү органдары жекече маалыматтарды жоголуп кетүүдөн, уруксатсыз пайдалануудан, өзгөртүүдөн же ачыкка чыгаруудан коргоону камсыз кылышат.

8-берене. Чыгымдар

1. Ушул Макулдашуунун 2-беренесинин 1-пунктунда жана 3-беренесинин 1-пунктунда аталган адамдарды реадмиссиялоо жана суралуучу Тараптын мамлекеттик чек арасы аркылуу өткөрүү пунктуна чейин коштоо менен байланышкан чыгымдарды аталган адамдар өз алдынча же үчүнчү жактар төлөбөсө, анда суроочу Тарап төлөйт.

2. Ушул Макулдашуунун 5-беренесинин 1-пунктунда аталган адамдарды транзиттөө жана мүмкүн болуучу коштоо, ошондой эле алардын кайтып келүү мүмкүндүгү менен байланышкан чыгымдарды аталган адамдар өз алдынча же үчүнчү жактар төлөбөсө, анда суроочу Тарап төлөйт.

3. Ушул Макулдашуунун 2-беренесинин 5-пунктунда аталган адамдарды өткөрүп берүү жана аларды суроочу Тараптын мамлекеттик чек арасынан өткөрүү пунктуна чейин мүмкүн болуучу коштоп жүрүү менен байланышкан чыгымдарды реадмиссиялоо үчүн негиз болбосо да, алардын аракети же аракетсиздиги жогоруда аталган адамдарды өткөрүп берүүгө алып келген Тарап төлөйт.

9-берене. Аткаруу протоколу

Тараптар төмөнкүлөргө тиешелүү эрежелерди камтыган Аткаруу протоколун түзүшөт:

1) Тараптардын мамлекетинин компетенттүү органдарына жана алардын ортосундагы ыйгарым укуктарын бөлүштүрүүгө;

2) реадмиссия же транзит жөнүндө суроо-талаптын мазмунуна жана аны жиберүүнүн тартибине;

3) аңгемелешүү жүргүзүүгө;

4) реадмиссиянын же транзиттин жол-жоболоруна;

5) адамдарды коштоо менен өткөрүп берүүнүн, анын ичинде үчүнчү мамлекеттин жарандарын жана жарандыгы жок адамдарды транзиттөөнүн шарттарына;

6) ушул Макулдашууну ишке ашыруу менен байланышкан өз ара эсептешүүлөрдү жүргүзүүнүн тартибине.

10-берене. Макулдашууну колдонууну токтотуп коюу жана кайра баштоо

1. Ар бир Тарап улуттук коопсуздукту коргоо, коомдук тартипти камсыз кылуу же калктын саламаттыгын коргоо менен байланышкан себептер боюнча ушул Макулдашуунун колдонулуусун жарым-жартылай же толугу менен токтотуп коё алат.

2. Ушул Макулдашуунун колдонулушун токтотуп коюу же кайра баштоо жөнүндө бир Тарап экинчи Тарапка дипломатиялык каналдар аркылуу мындай чечимдин ишке ашуусу башталганга чейин 72 (жетимиш эки) сааттан кечиктирбестен жазуу жүзүндө кабарлайт.

11-берене. Талаштарды чечүү

1. Ушул Макулдашууну ишке ашырууга же чечмелөөгө байланыштуу Тараптардын мамилелеринде пайда болгон талаш маселелер Тараптардын ортосундагы сүйлөшүүлөр жана консультациялар аркылуу чечилет.

2. Консультацияларды жана сүйлөшүүлөрдү өткөрүүнүн тартиби Тараптардын макулдашуусу боюнча аныкталат.

12-берене. Башка эл аралык келишимдерге мамиле

1. Ушул Макулдашуу Тараптардын мамлекети мүчө болгон башка эл аралык келишимдерден келип чыккан Тараптардын ар биринин укуктарына жана милдеттерине кийлигишпейт.

2. Ушул Макулдашуу ал же бул адамдын Тараптардын мамлекеттери мүчө болгон башка эл аралык келишимдерге ылайык кайтып келүүсүнө тоскоол болбойт.

13-берене. Корутунду жоболор

1. Ушул берененин 2-пунктун сактоо менен ушул Макулдашуу анын күчүнө кириши үчүн зарыл болгон мамлекет ичиндеги жол-жоболорду Тараптардын аткаргандыгы жөнүндө жазуу жүзүндөгү акыркы билдирүүнү алган күндөн тартып 30 (отуз) календарлык күн өткөндөн кийин күчүнө кирет.

2. Ушул Макулдашуунун 3-беренесинин жоболору ушул Макулдашуу күчүнө кирген күндөн тартып 3 (үч) жыл өткөндөн кийин колдонула баштайт. Бул 3 жылдык мөөнөттүн ичинде аталган жоболор Кыргыз Республикасы менен Казакстан Республикасы реадмиссия жөнүндө эл аралык келишимдерди түзгөн үчүнчү мамлекеттердин жарандарына жана ошол үчүнчү мамлекеттерден чыккан жарандыгы жок адамдарга карата гана колдонулат.

3. Тараптар өз ара макулдашуу боюнча бул Макулдашуунун ажырагыс бөлүгү болгон өзүнчө Протоколдор менен таризделүүчү өзгөртүүлөрдү жана толуктоолорду киргизе алышат жана ушул берененин 1-пунктунда каралган тартипте күчүнө кирет.

4. Ушул Макулдашуу белгисиз мөөнөткө түзүлөт жана анын колдонулушу Тараптардын бири дипломатиялык каналдар аркылуу экинчи Тараптын ушул макулдашуунун колдонулушун токтотуу ниети жөнүндө жазуу жүзүндөгү билдирүүсүн алган күндөн тартып 60 (алтымыш) календарлык күн өткөндөн кийин токтотулат.

5. Ушул Макулдашуунун колдонулушу токтогон учурда Тараптар ал колдонулган мезгилде пайда болгон милдеттенмелерди жөнгө салышат.

20___-жылдын "___" _______________ шаарында кыргыз, казак жана орус тилдеринде түзүлдү, мында бардык текст бирдей күчкө ээ.

Ушул Макулдашуунун жоболорун чечмелөөдө пикир келишпестиктер келип чыккан учурда Тараптар орус тилиндеги текстти пайдаланышат.

Долбоор

Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну ишке ашыруунун тартиби тууралуу аткаруу ПРОТОКОЛУ

Мындан ары Тараптар деп аталуучу Кыргыз Республикасынын Өкмөтү менен Казакстан Республикасынын Өкмөтү,

20___-жылдын "___" ________________ Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну (мындан ары - Макулдашуу) ишке ашыруу менен байланышкан маселелерди кыйла толук жөнгө салуу боюнча эки жактын бирдей каалоосун билдиришип,

төмөнкүлөр жөнүндө макулдашты:

1-берене. Компетенттүү органдар

1. Макулдашуунун жоболорун ишке ашырууга жооптуу компетенттүү органдар болуп төмөнкүлөр саналат:

Кыргызстан, Тараптан:

борбордук компетенттүү орган - Кыргыз Республикасынын Ички иштер министрлиги;

компетенттүү органдар - Кыргыз Республикасынын Тышкы иштер министрлиги жана Кыргыз Республикасынын Мамлекеттик улуттук коопсуздук комитети;

Казакстан Тараптан:

борбордук компетенттүү орган - Казакстан Республикасынын Ички иштер министрлиги;

компетенттүү органдар - Казакстан Республикасынын Тышкы иштер министрлиги жана Казакстан Республикасынын Улуттук коопсуздук комитети.

2. Ушул берененин 1-пунктунда аталган компетенттүү органдарга тиешелүү өзгөрүүлөр жөнүндө Тараптар бири-бирине дипломатиялык каналдар боюнча токтоосуз маалымдашат.

3. Макулдашуунун жана ушул Аткаруу протоколунун жоболорун ишке ашыруу максатында борбордук компетенттүү органдар бири-бири менен түздөн-түз өз ара аракеттенишет.

4. Ушул Аткаруу протоколун ишке ашыруу максатында борбордук компетенттүү органдар ага кол коюлган күндөн тартып 30 (отуз) календарлык күндүн ичинде бири-бирине дипломатиялык каналдар аркылуу өздөрүнүн байланыш маалыматтарын жазуу жүзүндө билдиришет.

5. Борбордук компетенттүү органдар өздөрүнүн байланыш маалыматтарынын өзгөргөндүгү жөнүндө бири-бирине жазуу жүзүндө токтоосуз билдиришет.

2-берене. Жарандыгын далилдөө

1. Кыргыз Республикасынын жарандыгы төмөнкү документтер менен ырасталат:

1) дипломатиялык паспорт;

2) кызматтык паспорт;

3) Кыргыз Республикасынын жаранынын 1994-жылы берилген үлгүдөгү паспорту;

4) Кыргыз Республикасынын жаранынын 2004-жылы берилген үлгүдөгү паспорту (ID-card);

5) Кыргыз Республикасынын жаранынын 2004 жана 2006-жылдарда берилген үлгүдөгү жалпы жарандык паспорту;

6) аскер кызматчысынын өздүк күбөлүгү (аскердик билети);

7) Кыргыз Республикасынын жарандыгына таандыгын көрсөтүү менен туулгандыгы тууралуу күбөлүгү (16 жашка чыга элек балдар үчүн), маалымкат кошумча барагы менен (фотосүрөтү менен);

8) Кыргыз Республикасына кайтып келүү күбөлүгү.

2. Казакстан Республикасынын жарандыгы төмөнкү документтер менен ырасталат:

1) Казакстан Республикасынын жаранынын паспорту;

2) Казакстан Республикасынын жаранынын өздүк күбөлүгү;

3) Казакстан Республикасынын дипломатиялык паспорту;

4) Казакстан Республикасынын кызматтык паспорту;

5) моряктын күбөлүгү;

6) Казакстан Республикасынын жаранынын туулгандыгы тууралуу күбөлүгү Казакстан Республикасынын жарандыгына таандыгын көрсөтүү менен (16 жашка чыга элек балдар үчүн), маалымкат кошумча барагы менен (фотосүрөтү менен);

7) Казакстан Республикасына кайтып келүү күбөлүгү.

3. Төмөнкүлөр болгон учурда адамды Кыргыз Республикасынын жараны деп эсептөөгө негиздер болот:

1) ушул берененин 1-пунктунда аталган, жарактуулук мөөнөтү аяктаган документтер;

2) ушул берененин 1-пунктунда аталган документтердин көчүрмөлөрү;

3) Кыргыз Республикасынын тиешелүү мамлекеттик органдары берген, ушул берененин 1-пунктунда аталгандан тышкары башка документтер;

4) реадмиссиялануучу адамдын ушул Аткаруу протоколунун 1-тиркемесине ылайык форма боюнча толтурулган арызы;

5) тиешелүү компетенттүү органдар тарабынан мыйзамдуу негизде алынган күбөлөрдүн жазуу жүзүндөгү түшүндүрмөлөрү;

6) компетенттүү кызмат адамдарынын жазуу жүзүндөгү түшүндүрмөлөрү;

7) реадмиссиялануучу адам менен аңгемелешүүнүн оң жыйынтыгы.

4. Төмөнкүлөр болгон учурда адамды Казакстан Республикасынын жараны деп эсептөөгө негиздер болот:

1) ушул берененин 2-пунктунда аталган, жарактуу мөөнөтү аяктаган документтер;

2) ушул берененин 2-пунктунда аталган документтердин көчүрмөлөрү;

3) ушул берененин 2-пунктунда аталган документтерден тышкары, Казакстан Республикасынын тиешелүү мамлекеттик органдары тарабынан берилген башка документтер;

4) реадмиссиялануучу адамдын ушул Аткаруу протоколунун 1-тиркемесине ылайык форма боюнча толтурулган арызы;

5) тиешелүү компетенттүү органдар тарабынан мыйзамдуу негизде алынган күбөлөрдүн жазуу жүзүндөгү түшүндүрмөлөрү;

6) мамлекеттик органдардын компетенттүү кызмат адамдарынын жазуу жүзүндөгү түшүндүрмөлөрү;

7) реадмиссиялануучу адам менен аңгемелешүүнүн оң жыйынтыгы.

3-берене. Үчүнчү мамлекеттердин жарандарын жана жарандыгы жок адамдарды реадмиссиялоо үчүн негиздер болушунун далилдери

1. Үчүнчү мамлекеттердин жарандарын жана жарандыгы жок адамдарды реадмиссиялоо үчүн негиздер болушунун далилдери катары төмөнкү документтер кызмат кылат:

1) мамлекеттик чек арадан өтүүгө укук берген жана адамды күбөлөгөн документтин ар кандай түрүндө Тараптардын мамлекеттеринин тиешелүү ыйгарым укуктуу органдарынын киргизүүчү (чыгаруучу) белгиси;

2) жасалма документте Тараптардын Мамлекеттеринин ыйгарым укуктуу органдарынын киргизүүчү (чыгаруучу) белгиси;

3) суралуучу Тараптын мамлекетинин аймагында жарактуу жашоого уруксаты;

4) суралуучу Тараптын мамлекети берген качкындын жарактуу күбөлүгү;

5) суралуучу Тараптын мамлекети тарабынан берилген качкындын жарактуу жолдо жүрүү документи;

6) суралуучу Тараптын мамлекетинде турууга укук берген белгиси бар үчүнчү мамлекеттин жарандыгын же жарандыгы жок адамдын кимдигин аныктаган документ (чет өлкө жараны үчүн турууга уруксаты же жарандыгы жок экендигин ырастаган Тараптар тарабынан таанылган күбөлүк).

2. Ушул берененин 1-пунктунда аталган документтер Тараптар тарабынан кошумча жол-жоболорсуз таанылат.

3. Үчүнчү мамлекеттин жарандары жана жарандыгы жок адамдарды реадмиссиялоонун негиздеринин бар экендигин көрсөткөн кыйыр далилдер болуп төмөнкү документтер эсептелет:

1) жарактуулук мөөнөтү 180 (жүз сексен) күнгө чейин бүткөн, суралуучу Тараптын мамлекетинин аймагында туруу уруксаты, качкындын күбөлүгү жана качкындын жолдо жүрүү документи;

2) суралуучу Тараптын мамлекетинин аймагында, сураган Тараптын мамлекетинин ыйгарым укуктуу органдары тарабынан берилген, жарактуулук мөөнөтү түгөнгөн виза;

3) Тараптардын мамлекеттик органдарынын кызмат адамдарынын жазуу жүзүндөгү түшүндүрмөлөрү;

4) реадмиссиялануучу адамдын мыйзамдуу негизде алынган жазуу жүзүндөгү түшүндүрмөлөрү;

5) күбөлөрдүн жазуу жүзүндөгү түшүндүрмөлөрү.

4. Ушул берененин 3-пунктунда аталган документтер, эгерде суралуучу Тарап далилдүү түрдө жокко чыгарбаса, үчүнчү мамлекеттин жарандары жана жарандыгы жок адамдарды реадмиссиялоонун негиздери катарында таанылат.

4-берене. Башка документтер

1. Эгерде суроочу Тараптын пикири боюнча ушул Аткаруу протоколунун 2 жана 3-беренесинде каралбаган башка документтер реадмиссиялануучу адамдын жарандык таандыгын, же үчүнчү мамлекеттин жарандары жана жарандыгы жок адамдарды реадмиссиялоонун негиздерин аныктоо үчүн олуттуу мааниге ээ болсо, мындай документтер реадмиссия жөнүндө суроо-талапка тиркелиши мүмкүн.

2. Реадмиссия жөнүндө суроо-талапты кароо учурунда ушул берененин 1-пунктунда аталган документтерди көңүлгө алуу мүмкүнчүлүгү жөнүндө маселе суралуучу Тараптын мамлекетинин борбордук компетенттүү органы тарабынан чечилет.

5-берене. Аңгемелешүү

1. Макулдашуунун 2-беренесинин 4-пунктуна ылайык суроочу Тараптын мамлекетинин борбордук компетенттүү органынын суроо-талабы боюнча Макулдашуунун 2-беренесинин 1-пунктунда аталган адам менен аңгемелешүү жүргүзүү боюнча негизги милдет суроочу Тараптын мамлекетиндеги суралуучу Тараптын мамлекетинин борбордук компетенттүү органынын өкүлүнө жүктөлөт.

2. Ушул берененин 1-пунктунда аталган суралуучу Тараптын мамлекетинин борбордук компетенттүү органынын өкүлү жок учурда, аңгемелешүү суроочу Тараптын мамлекетиндеги суралуучу Тараптын мамлекетинин дипломатиялык өкүлчүлүгүнүн же консулдук мекемесинин кызматкери тарабынан жүргүзүлөт.

3. Аңгемелешүү суроочу Тараптын мамлекетинин аймагында жайгашкан суралуучу Тараптын мамлекетинин борбордук компетенттүү органынын өкүлү же болбосо ушул берененин 2-пунктунда аталган учурда суроочу Тараптын мамлекетиндеги суралуучу Тараптын мамлекетинин дипломатиялык өкүлчүлүгү же консулдук мекемеси ушул Аткаруу протоколунун 2-тиркемесине ылайык форма боюнча түзүлгөн аңгемелешүүнү жүргүзүү тууралуу суроо-талапты алган датадан тартып 14 (он төрт) календардык күндөн ашпаган мөөнөттө жүргүзүлүшү керек.

4. Аңгемелешүүнү жүргүзүүнүн датасы, убактысы жана орду Тараптардын мамлекетинин борбордук компетенттүү органдары тарабынан ар бир конкреттүү учурда макулдашылат.

6-берене. Реадмиссия жөнүндө суроо-талаптын мазмуну жана жиберүү тартиби, ошондой эле ага жоопту жиберүүнүн тартиби

1. Ушул Аткаруу протоколунун 3-тиркемесине ылайык форма боюнча түзүлгөн реадмиссия жөнүндө суроо-талап суроочу Тараптын мамлекетинин борбордук компетенттүү органы тарабынан жазуу жүзүндө суралуучу Тараптын мамлекетинин борбордук компетенттүү органына почта байланышы же байланыштын башка техникалык каражаттары, мисалы электрондук почта же факс аркылуу жөнөтүлөт.

2. Тараптардын мамлекеттеринин жарандарын реадмиссиялоо жөнүндө суроо-талапка суроочу Тараптын карамагында болгон, ушул Аткаруу протоколунун 2 жана 4-беренелеринде аталган, анын болушу реадмиссиялануучу адамдын суралуучу Тараптын мамлекетинин жарандыгына ээ экендигин ырастаган же ээ деп эсептөөгө негиз берүүчү документтер тиркелет.

3. Үчүнчү мамлекеттин жарандары жана жарандыгы жок адамдарды реадмиссиялоо жөнүндө суроо-талапка ушул Аткаруу протоколунун 3 жана 4-беренелеринде аталган суроочу Тараптын карамагындагы документтер тиркелет, алардын болушу аталган адамдарды реадмиссиялоо үчүн негиздердин бар экендигин ырастайт.

4. Зарыл болгон учурда суроочу Тараптын мамлекетинин борбордук компетенттүү органы реадмиссия жөнүндө суроо-талаптын "Б" бөлүмүндө реадмиссиялануучу адамдын өтө кооптуулугу же ден соолугунун абалы жөнүндө кошумча маалыматтарды көрсөтөт.

5. Реадмиссия жөнүндө суроо-талапка жооп суроочу Тараптын мамлекетинин борбордук компетенттүү органына жазуу жүзүндө почта байланышы же байланыштын башка техникалык каражаттары, мисалы электрондук почта же факс аркылуу Макулдашуунун 4-беренесинин 3-пунктунда белгиленген мөөнөттө суралуучу Тараптын мамлекетинин борбордук компетенттүү органы тарабынан жиберилет.

7-берене. Транзит жөнүндө суроо-талапты жана анын жообун жиберүүнүн тартиби

1. Ушул Аткаруу протоколунун 4-тиркемесине ылайык форма боюнча түзүлгөн транзит жөнүндө суроо-талап суралуучу Тараптын мамлекетинин борбордук компетенттүү органына жазуу жүзүндө почта байланышы же байланыштын башка техникалык каражаттары, мисалы электрондук почта же факс аркылуу Макулдашуунун 6-беренесинин 3-пунктунда белгиленген мөөнөттө суроочу Тараптын мамлекетинин борбордук компетенттүү органы тарабынан жөнөтүлөт.

2. Зарыл болгон учурда суроочу Тараптын мамлекетинин борбордук компетенттүү органы транзит жөнүндө суроо-талаптын "Б" бөлүмүндө транзиттелүүчү адамдын өтө кооптуулугу жана ден соолугунун абалы жөнүндө кошумча маалыматты көрсөтөт.

3. Транзит жөнүндө суроо-талапка жооп суроочу Тараптын мамлекетинин борбордук компетенттүү органына жазуу жүзүндө почта байланышы же байланыштын башка техникалык каражаттары, мисалы электрондук почта же факс аркылуу ушул Макулдашуунун 6-беренесинин 4-пунктунда белгиленген мөөнөттө суралуучу Тараптын мамлекетинин борбордук компетенттүү органы тарабынан жөнөтүлөт.

8-берене. Реадмиссиялануучу же транзиттелүүчү адамды коштоп жүрүү

1. Реадмиссиялануучу же транзиттелүүчү адамды коштоп жүрүү зарыл болгон учурда суроочу Тараптын мамлекетинин борбордук компетенттүү органы суралуучу Тараптын мамлекетинин борбордук компетенттүү органына коштоп жүрүүчү адамдардын аты-жөнүн жана кызмат орундарын, алардын паспортунун түрүн, номерин, берилген датасын жана жарактуу мөөнөтүн, ошондой эле алардын суралуучу Тараптын мамлекетинин аймагында болжолдуу болуу мөөнөттөрүн кабарлайт.

2. Коштоп жүрүүчү адамдар суралуучу Тараптын мамлекетинин аймагында болуу убагында анын мыйзамдарын сактоого милдеттүү.

3. Коштоп жүрүүчү адамдар жарандык кийим кийүүгө, ошондой эле өздөрү менен жарактуу паспортторун жана реадмиссия же транзит жөнүндө макулдашылган келишим тууралуу күбөлөндүргөн документтерди алып жүрүүгө тийиш.

4. Коштоп жүрүүчү адамдар өздөрү менен кошо курал жана суралуучу Тараптын мамлекетинин аймагында жүгүртүүсү чектелген же жүгүртүүдөн алып салынган башка предметтерди алып жүрө алышпайт.

5. Тараптардын мамлекеттеринин компетенттүү органдары суралуучу Тараптын мамлекетинин аймагында коштоп жүрүүчү адамдардын болуусун камсыз кылуу менен байланышкан бардык маселелер боюнча бири-бири менен өз ара аракеттенишет. Мында суралуучу Тараптын мамлекетинин компетенттүү органдары зарыл болгон учурда коштоп жүрүүчү адамдарга колдон келген көмөктөрдү көрсөтүшөт.

9-берене. Реадмиссиялоо же транзиттөө жол-жобосу

1. Адамдарды реадмиссиялоо же транзиттөө Тараптардын мамлекеттеринин мыйзамдарына же эл аралык келишимдерге ылайык белгиленген Тараптардын мамлекеттеринин мамлекеттик чек арасы аркылуу бардык өткөрүү пункттарында ишке ашырылат.

2. Реадмиссиялоо же транзиттөө датасы жана убактысы, ошондой эле бул максаттарда пайдаланылуучу Тараптардын мамлекеттеринин мамлекеттик чек арасы аркылуу өткөрүү пункттары Тараптардын мамлекетинин борбордук компетенттүү органдарынын өз ара макулдугу боюнча ар бир конкреттүү учурда өзүнчө аныкталат.

3. Суроочу Тараптын мамлекетинин борбордук компетенттүү органы реадмиссиялануучу жана транзиттелүүчү адамды өткөрүп берүү пландаштырылган датага чейин 5 (беш) жумуш күндөн кечиктирбестен, суралуучу Тараптын мамлекетинин борбордук компетенттүү органына ушул берененин 2-пунктунда аталган мындай өткөрүп берүүнүн шарттары жөнүндө кабарлайт.

4. Суралуучу Тараптын мамлекетинин борбордук компетенттүү органы ушул берененин 3-пунктунда аталган маалыматты алган датадан тартып 4 (төрт) жумуш күндөн кечиктирбестен, суроочу Тараптын мамлекетинин борбордук компетенттүү органына өткөрүп берүү шарттарынын алгылыктуулугу жөнүндө кабарлайт.

5. Эгерде суроочу Тараптын мамлекетинин борбордук компетенттүү органы сунуш кылган өткөрүп берүү шарттары суралуучу Тараптын мамлекетинин борбордук компетенттүү органы үчүн алгылыктуу болбогон учурда, өткөрүп берүүнүн башка шарттары мүмкүн болушунча кыска мөөнөттө уюштурулушу керек.

10-берене. Тил

Макулдашуунун жана ушул Аткаруу протоколунун жоболорун ишке ашыруу максатында ушул Аткаруу протоколунун 1-4-тиркемелеринде каралган документтер Тараптардын мамлекеттеринин компетенттүү органдары тарабынан орус тилинде таризделет.

11-берене. Чыгымдар

1. Реадмиссияны жана транзитти ишке ашырууда суралуучу Тараптын кетирген чыгымдарын Макулдашуунун 8-беренесинин 1 жана 2-пункттарына ылайык суроочу Тарап сарпталган чыгымдар жөнүндө билдирмени алган датадан тартып, кетирилген чыгымдарды ырастаган финансылык документтерди тиркеп, 30 календардык күндүн ичинде эки Тарапка тең алгылыктуу валютада төлөп берет.

2. Макулдашуунун 2-беренесинин 5-пунктунда аталган адамдарды өткөрүп берүүдө Тараптардын биринен кеткен чыгымдарды Макулдашуунун 8-беренесинин 3-пунктуна ылайык Тарап сарпталган чыгымдар жөнүндө билдирмени кетирилген чыгымдарды ырастаган тиркелген финансылык документтерди алган датадан тартып 30 (отуз) календардык күндүн ичинде эки Тарапка тең алгылыктуу валютада төлөп берет.

12-берене. Тиркемелер

Ушул Аткаруу протоколунун 1-4-тиркемелери анын ажырагыс бөлүгү болуп саналат.

13-берене. Корутунду жоболор

1. Ушул Аткаруу протоколу Макулдашуу менен бирге күчүнө кирет жана күчүн жоготот.

2. Тараптардын өз ара макулдугу боюнча ушул Аткаруу протоколуна өзгөртүүлөр жана толуктоолор киргизилиши мүмкүн.

___________________ шаарында 20___-жылдын "___" ______________ эки түп нускада, ар бири кыргыз, казак жана орус тилдеринде түзүлдү, мында бардык тексттер бирдей күчкө ээ.

Ушул Аткаруу протоколунун жоболорун чечмелөөдө кайчы пикирлер келип чыккан учурда Аткаруу протоколунун орус тилиндеги тексти колдонулат.

20___-жылдын "___" _________________ Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууга ылайык реадмиссиялануучу адамдын АРЫЗЫ

1. Толук аты, фамилиясы (фамилиянын астын сызуу керек) ____________________________________

2. Мурдагы фамилиясы (эгерде өзгөртсө) ___________________________________________________

3. Туулган датасы жана жери _______________________________________________________________

4. Ким экендигин ырастаган документ (№, берилген күнү, ким берген, колдонуу мөөнөтү) _________

_________________________________________________________________________________________

5. Жарандыгы ____________________________________________________________________________

6. Суралуучу Тараптын мамлекетинин аймагында жашаган жакын туугандары

жөнүндө маалымат _______________________________________________________________________

7. Суралуучу Тараптын мамлекетинин аймагында жашаган жеринин дареги ______________________

_________________________________________________________________________________________

8. Суроочу Тараптын мамлекетинин аймагына кирүү датасы____________________________________

9. Суроочу Тараптын мамлекетинин аймагына кирүү ыкмасы ___________________________________

10. Суроочу Тараптын мамлекетинин аймагына кирүү максаты _________________________________

11. Башка маалыматтар ___________________________________________________________________

_________________________________________________________________________________________

_________________________________________________________________________________________

_________________________________________________________________________________________

_________________________________________________________________________________________

Арыз ээсинин колу

20___-ж. "___" _________________________

Арыз жазылган жер _______________________________________________________________________

Суроочу Тараптын мамлекетинин борбордук компетенттүү органынын өкүлүнүн колу ____________

Номери ____________________________________________

Кимге ______________________________________________

(суралуучу Тараптын мамлекетинин

___________________________________________________

борбордук компетенттүү органынын аталышы)

20___-жылдын "___" ___________________ Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну ишке ашыруунун тартиби тууралуу аткаруу протоколунун 5-беренесине ылайык аңгемелешүүнү жүргүзүү жөнүндө суроо-талап

Номери ____________________________________________

Кимге ______________________________________________

(Суралуучу Тараптын мамлекетинин борбордук

___________________________________________________

компетенттүү органынын аталышы)

20___-жылдын "___" ___________________ Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну ишке ашыруунун тартиби тууралуу аткаруу протоколунун 6-беренесине ылайык реадмиссия жөнүндө суроо-талап

Номери ____________________________________________

Кимге ______________________________________________

(Суроочу Тараптын мамлекетинин борбордук

___________________________________________________

компетенттүү органынын аталышы)

20___-жылдын "___" ___________________ Кыргыз Республикасынын Өкмөтү менен Казакстан Республикасынын Өкмөтүнүн ортосундагы Реадмиссия жөнүндө макулдашууну ишке ашыруунун тартиби тууралуу аткаруу протоколунун 7-беренесине ылайык транзит жөнүндө суроо-талап