КР Министрлер Кабинетинин 2022-жылдын 4-ноябрындагы № 599-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2017-жылдын 4-октябры № 449-б

Кыргыз Республикасынын сот системасынын кызматкерлеринин социалдык-тиричилик шарттарын жакшыртуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигине караштуу Жарандык турак-жай департаменти:

- Кыргыз Республикасынын сот системасынын кызматкерлерине Бишкек шаары, Юдахин көчөсү, 64 дареги боюнча жайгашкан жер участогунда үч подъезддүү эки 9 кабаттуу 171 батирлүү эки үйдү (мындан ары - объекттер) долбоорлоо жана куруу боюнча бирдиктүү заказчы катары чыксын;

- ушул пункттун экинчи абзацында аталган объекттерди долбоорлоо жана куруу боюнча жумуштарды Кыргыз Республикасынын мамлекеттик сатып алуулар жөнүндө мыйзамдарына ылайык сатып алсын;

- ушул пунктунун экинчи абзацында аталган, курулуп бүткөн жана эксплуатациялоого киргизилген объекттерди Кыргыз Республикасынын Жогорку сотуна караштуу Сот департаментинин менчигине белгиленген тартипте өткөрүп берсин.

2. Кыргыз Республикасынын Финансы министрлиги белгиленген тартипте:

- ушул буйруктун 1-пунктунда аталган объекттерди 2017-жылга республикалык бюджеттин "Капиталдык салымдар" беренеси боюнча каржылануучу курулуш жана реконструкциялоо объекттеринин тизмесине киргизсин;

- Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигине караштуу Жарандык турак-жай департаментине ушул буйруктун 1-пунктунда аталган объекттерди курууга кеткен чыгымдардын сметасына ылайык 2017-жылдын республикалык бюджетинен 40 млн. сом суммасында финансы каражатын бөлүп берсин;

- Кыргыз Республикасынын 2018-жылга республикалык бюджетинде ушул буйруктун 1-пунктунда аталган объекттердин курулушуна зарыл болгон финансы каражатын караштырсын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жана финансы жана кредит саясаты бөлүмүнө жүктөлсүн.