КЫРГЫЗ РЕСПУБЛИКАСЫНЫН ПРЕЗИДЕНТИ

БУЙРУК

2017-жылдын 25-декабры ПБ № 21

2014-жылдын 29-майындагы Евразия экономикалык бирлиги жөнүндө келишимге өзгөртүү киргизүү тууралуу протоколдун расмий тилдеги тиркелген долбоору жактырылсын.

Долбоор

2014-жылдын 29-майындагы Евразия экономикалык бирлиги жөнүндө келишимге өзгөртүү киргизүү тууралуу ПРОТОКОЛ

Мындан ары мүчө мамлекеттер деп аталуучу, Евразия экономикалык бирлигинин мүчө мамлекеттери,

2014-жылдын 29-майындагы Евразия экономикалык бирлиги жөнүндө келишимдин 115-беренесин жетекчиликке алып,

төмөнкүлөр жөнүндө макулдашты:

1-берене.

2014-жылдын 29-майындагы Евразия экономикалык бирлиги жөнүндө келишимдин 10-беренесинин 2-пункту "же эгерде өздөрүнүн мамлекеттеринин мыйзамдарына ылайык Жогорку кеңештин компетенциясына кирген маселелер боюнча чечимдерди кабыл алууга ыйгарым укук берилсе, мүчө мамлекеттердин өкмөттөрүнүн башчылары" деген сөздөр менен толукталсын.

2-берене.

Бул Протокол анын күчүнө кириши үчүн зарыл болгон ички мамлекеттик жол жоболорду мүчө мамлекеттердин аткаргандыгы жөнүндө акыркы жазуу жүзүндөгү кабарлоону дипломатиялык каналдар боюнча депозитарий алган күндөн баштап күчүнө кирет.

201__-жылы "___" ___________ ________________ шаарында орус тилинде бир түп нускада түзүлдү.

Бул Протоколдун түп нускасы Евразия экономикалык комиссиясында сакталат, ал ушул Протоколдун депозитарийи болуп эсептелип, ар бир мүчө мамлекетке анын күбөлөндүрүлгөн көчүрмөсүн жиберет.