КЫРГЫЗ РЕСПУБЛИКАСЫНЫН ӨКМӨТҮ
БУЙРУК
2018-жылдын 11-апрели, № 130-б
Расалык басмырлоонун баардык түрлөрүн жоюу жөнүндө Эл аралык Конвенциянын 2011-2015-жылдар мезгилиндеги аткарылышы тууралуу Кыргыз Республикасынын сегизинчи, тогузунчу жана онунчу бириктирилген мезгилдүү баяндамаларын коргоо маселеси боюнча Расалык басмырлоонун түрлөрүн жоюу боюнча комитеттин 2018-жылдын 24-25-апрелинде Бириккен Улуттар Уюмунун Швейцариянын Женева шаарындагы Өкүлчүлүгүндө өтүүчү 95-сессиясына катышуу үчүн:
1. Кыргыз Республикасынын делегациясы тиркемеге ылайык курамда түзүлсүн.
2. Командировкалык чыгымдар Кыргыз Республикасынын Өкмөтүнүн 2008-жылдын 26-августундагы № 471 "Командировкалык чыгымдардын нормаларын белгилөө жана алардын ордун толтуруунун тартиби жөнүндө" токтомуна ылайык жиберүүчү уюмдардын эсебинен төлөнсүн.
Премьер-министр | С. Дж. Исаков |
Тиркеме
Расалык басмырлоонун баардык түрлөрүн жоюу жөнүндө Эл аралык Конвенциянын 2011 -2015-жылдар мезгилиндеги аткарылышы тууралуу Кыргыз Республикасынын сегизинчи, тогузунчу жана онунчу бириктирилген мезгилдүү баяндамаларын коргоо маселеси боюнча Расалык басмырлоонун түрлөрүн жоюу боюнча комитеттин 2018-жылдын 24-25-апрелинде БУУнун Швейцариянын Женева шаарындагы Өкүлчүлүгүндө өтүүчү 95-сессиясына катышуу үчүн Кыргыз Республикасынын делегациясынын курамы
Салиев Бахтияр Усманович
| Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин директору, делегациянын жетекчиси; |
Камчыбеков Шералы Равшанбекович | Кыргыз Республикасынын Жогорку сотунун судьясы (макулдашуу боюнча); |
Кетиренов Бактыбек Кыдырмышевич | Кыргыз Республикасынын Башкы прокуратурасынын тергөөнү жана оперативдүү-издөө ишин көзөмөлдөө башкармасынын кылмыш процессинин сотко чейинки стадиясында жарандардын укуктарынын корголушун көзөмөлдөө боюнча бөлүмүнүн начальниги; |
Абдырахманов Кубанычбек Садыкович
| Кыргыз Республикасынын Өкмөтүнүн Аппаратынын укуктук экспертиза бөлүмүнүн Адам укуктары боюнча координациялык кеңештин ишин камсыздоо боюнча секторунун башчысы;
|
Мукашев Данияр Муратбекович
| Кыргыз Республикасынын Швейцария Конфедерациясындагы Атайын жана ыйгарым укуктуу Элчиси, Кыргыз Республикасынын Бириккен Улуттар Уюмундагы жана Женева шаарындагы башка эл аралык уюмдардагы Туруктуу өкүлү; |
Тургуналиев Эрмек | Кыргыз Республикасынын Тышкы иштер министрлигинин Эл аралык уюмдар жана коопсуздук департаментинин кеңешчиси; |
Тыныбекова Нурайым
| Кыргыз Республикасынын Бириккен Улуттар Уюмундагы жана Женева шаарындагы башка эл аралык уюмдардагы Туруктуу өкүлчүлүгүнүн биринчи катчысы.
|