КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2020-жылдын 28-марты № 111

Кыргыз Республикасынын аймагында коронавирустук инфекциянын жайылышына (COVID-19) жол бербөө боюнча чектөөчү чараларга байланыштуу Кыргыз Республикасынын аймагында аргасыз жүргөн чет мамлекеттердин жарандарынын жана жарандыгы жок адамдардын чыгып кетүү маселелерин чечүү максатында, Кыргыз Республикасынын Президентинин 2020-жылдын 24-мартындагы "Кыргыз Республикасынын Бишкек шаарынын аймагында өзгөчө абал киргизүү жөнүндө" Жарлыгына, "Өзгөчө абал жөнүндө" Кыргыз Республикасынын конституциялык Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2020-жылдын 17-мартындагы № 84-б буйругуна төмөнкүдөй өзгөртүү киргизилсин:

- 2-пункту төмөнкүдөй редакцияда баяндалсын:

"2. Кыргыз Республикасынын аймагында визалык жана визасыз тартипте жүргөн чет мамлекеттердин жарандары жана жарандыгы жок адамдар Кыргыз Республикасынын аймагынан чыгуу визаларын тариздебестен жана турган жери боюнча каттоосуз 2020-жылдын 1-майына чейин чыгып кете ала тургандыгы белгиленсин.".