КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫНЫН ТЕСКЕМЕСИ

2022-жылдын 30-августу № 575

Кыргыз Республикасы менен Бириккен Араб Эмираттарынын ортосунда Эмират-Кыргыз өнүктүрүү фондун түзүү жөнүндө маселени талкуулоо үчүн:

1. Кыргыз Республикасынын делегациясы тиркемеге ылайык курамда түзүлсүн.

2. Кыргыз Республикасынын. делегациясы 2022-жылдын 31-августунан тартып 3-сентябрына чейин Бириккен Араб Эмираттарына, Абу-Даби шаарына жиберилсин.

3. Иш сапардык чыгымдар Кыргыз Республикасынын Өкмөтүнүн 2008-жылдын 26-августундагы № 471 «Командировкалык чыгымдардын нормаларын белгилөө жана алардын ордун толтуруунун тартиби жөнүндө» токтому менен белгиленген ченемдерге ылайык иш сапарга жиберүүчү уюмдардын эсебинен жүргүзүлсүн.

Кыргыз Республикасы менен Бириккен Араб Эмираттарынын

ортосунда Эмират-Кыргыз өнүктүрүү фондун түзүү жөнүндө

маселени талкуулоо үчүн Бириккен Араб Эмираттарына

Кыргыз Республикасынын делегациясынын курамы

Азымбакиев Муратбек Абакирович            - Кыргыз Республикасынын Президентинин Администрациясынын тышкы саясат бөлүмүнүн башчысы, делегациянын башчысы;

Бакетаев Алмаз Кушбекович                        - Кыргыз Республикасынын финансы министри;

Боконтаев Кубанычбек Кенешович            - Кыргыз Республикасынын Улуттук банкынын төрагасы;

Эркинов Темирбек Эркинович                   - Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчисинин коомдук башталышта кеңешчиси;

Аширбеков Талгат Аширбекович              - Кыргыз Республикасынын Президентинин Администрациясынын тышкы саясат бөлүмүнүн эксперти.