КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2023-жылдын 30-майы № 291-т

Кыргыз Республикасын андан ары социалдык-экономикалык өнүктүрүү максатында. "Жер казынасы жөнүндө" Кыргыз Республикасынын Мыйзамынын 25¹-беренесине, Кыргыз Республикасынын Министрлер Кабинетинин 2021-жылдын 23-августундагы № 148 токтому менен бекитилген Кыргыз Республикасынын Министрлер Кабинетинин чечими боюнча жер казынасын пайдалануу укугун берүү тартибине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. "Кыргызалтын" ачык акционердик коомуна төмөнкүдөй максаттарда жер казынасын пайдалануу укугу берилсин:

- тик бурчтуу координаттар системасындагы бурчтук чекиттери бар, Ош облусунун Алай районунда жайгашкан Терек алтын кенин иштетүү 1-тиркемеге ылайык:

- тик бурчтуу координаттар системасындагы бурчтук чекиттери бар, Ош облусунун Алай районунда жайгашкан Каракала-Терек алтын кенинде геологиялык чалгындоо иштерин жүргүзүү 2-тиркемеге ылайык;

- тик бурчтуу координаттар системасындагы бурчтук чекиттери бар, Баткен облусунун Баткен районунда жайгашкан Чакуш алтын кенинде геологиялык чалгындоо иштерин жүргүзүү 3-тиркемеге ылайык.

2. Кыргыз Республикасынын Жаратылыш ресурстары, экология жана техникалык көзөмөл министрлиги "Жер казынасы жөнүндө" Кыргыз Республикасынын Мыйзамында белгиленген тартипте:

- ушул тескеменин 1-пунктунда көрсөтүлгөн жер казынасынын объекттерине лицензияларды берсин;

- ушул тескемеден келип чыгуучу башка чараларды көрсүн.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Ош облусунун Алай районунда жайгашкан Терек алтын кенин иштетүү максатында участоктун тик бурчтуу координаттар системасындагы бурчтук чекиттери

Ош облусунун Алай районундa жайгашкан Каракала-Терек аянтынын алтын кенинде геологиялык чалгындоо иштерин жүргүзүү максатында участоктун тик бурчтуу координаттар системасындагы бурчтук чекиттери

Баткен облусунун Баткен районунда жайгашкан Чакуш алтын кенинде геологиялык чалгындоо иштерин жүргүзүү максатында участоктун тик бурчтуу координаттap системасындагы бурчтук чекиттери