ТоктомКүчүндө

Жалал-Абад шаардык кеңешинин 2014-жылдын 4-декабрындагы № 10 «Шаар аймагында көрктөндүрүүгө жана жашылдандырууга берилген муниципалдык жер аянттарынан алынуучу ижара акыларын эсептөө тартибин бекитүү жөнүндө» токтому

Номер: № 10
Кабыл алынган дата: 4 декабря 2014 года
Расмий жарыялоо: № 23 (434) · 8 декабря 2014 года
Реестрге киргизилген: 22 декабря 2014 года
Чыгарган: Жалал-Абад шаардык кеңеши
Жрыялоо булагы: газета "Жалалабат үнү"
Документтин коду: 222250

Бул документ жөнүндө суроо

Минюсттун расмий барагы

ЖАЛАЛ-АБАД ШААРДЫК КЕӉЕШИ

ТОКТОМ

Жалал-Абад шаардык кеңешинин XIX сессиясынын VI чакырылышы

2014-жылдын 4-декабры № 10

“Шаар аймагында көрктөндүрүүгө жана жашылдандырууга берилген муниципалдык жер аянттарынан алынуучу ижара акыларын эсептөө тартибин бекитүү жөнүндө”

Кыргыз Республикасынын Жер кодексинин 8-беренесини 1-пунктуна ылайык Жалал-Абад шаардык депутаттар кеңешинин кезектеги XIX-сессиясы

ТОКТОМ КЫЛАТ:

1. Жалал-Абад шаарынын аймагындагы көрктөндүрүүгө жана жашылдандыруууга берилген муниципалдык жер аянттарынан алынуучу ижара акыларын эсептөө тартибинин формуласы №1-тиркемеге ылайык бекитилсин.

2. Муниципалдык жер аянттарын көрктөндүрүүгө жана жашылдандырууга убактылуу пайдаланууга берүү Кыргыз Республикасынын мыйзамдарынын талаптарынын негизинде торук аркылуу берилип, ижары келишимдерди 2015-жылдын 1-январынан тартып түзүү жагы муниципалдык менчикти башкаруу комитетинин төрагасына (Б. Джусупбековго) милдеттендирилсин.

3. Ушул токтом Кыргыз Республикасынын Адилет министрлигине мамлекеттик реестрге кигизүү жагы шаардык кеңештин жоопту катчысы Б. Беркбаевага милдетендирилсин.

4. Ушул токтомдун аткарылышын көзөмөлдөө шаардык кеңештин бюджет, экономика каржы жана салыктар боюнча туруктуу комиссиясына милдеттендирилсин.

5. Ушул токтом массалык маалымат каражаттарында жарыяланган күндөн тартып күчүнө кирет.

Жалал-Абад шаардык

Кеңештин төрагасы

Н.Нишанов

Жалал-Абад шаардык кеңешинин кезектеги XIX-сессиясынын токтомуна №1-тиркеме

Көрктөндүрүүгө жана жашылдандырууга берилген муниципалдык жер аянттарынан ижара акыларынын эсептөө тартибинин формуласы

№1-таблица:

Көрктөндүрүү жана жашылдандыруу м2	50гө чейин	51-100	101-200	201-300	301-500	501-100	1000ден жогоруу
Баасы: кв.м (сом: кв.м)	0,8	0,60	0,54	0,32	0,28	0,24	0,4

Апз=(S*C)

Апз-көрктөндүрүү жана жашылдандырууга берилген жер тилкесинин бир айлык ижара акынын өлчөмү;

S-жер тилкесинин аянты;

С-ижара акынын нормативдик ставкасы (сом: кв.м).

Мисалы: Эгер 200м2 муниципалдык жер тилкесин көрктөндүрүүгө жана жашылдандырууга ижарага алса төмөндөгү формула менен эсептелинет Апз=(S*С) 200м2*0,54=108сом*12айга=1296сом/жылдык ижара акы болуп эсептелинет. Ошондой эле кошумча жер салыгы төлөнөт.