ТОКТОГУЛ ШААРДЫК КЕӉЕШИ

ТОКТОМ

Токтогул шаардык кеңешинин XXVII чакырылышынын кезектеги 24-сессиясы

2017-жылдын 15-февралы № 113

Токтогул шаарынын жергиликтүү бюджетинин киреше жана чыгаша бөлүктөрүнүн 2016-жылга аткарылышы жана 2017- жылга бюджеттин киреше жана чыгаша бөлүктөрүнүн түзүлүшүнүн болжолун кароо, бекитүү боюнча

Кыргыз Республикасынын “Жергиликтүү өз алдынча башкаруу жөнүндөгү” мыйзамына жана Кыргыз Республикасынын “Бюджеттик Кодексинин” талаптарына ылайык, Токтогул шаарынын мэри М.Калмурзаевдин отчетун, ФЭБнун башчысы Н.Кулузакованын маалыматын, Токтогул шаардык кеңешинин “Экономика, бюджет, финансы каражаттары, чакан жана орто бизнес, менеджмент, маркетинг кызматы, кредит, инвестициялар” боюнча туруктуу комиссиясынын корутундусун угуп жана талкуулап, башка чыгып сүйлөгөн депутаттардын ой-пикирлерин эске алып, Токтогул шаардык кеңешинин XXVII чакырылышынын кезектеги XIV сессиясы

ТОКТОМ КЫЛАТ:

1. Токтогул шаарынын бюджетинин киреше бөлүгү 2016-жылга (атайын каражаттарды, трансферттерди кошкондо) 39 894,5 миң сом, анын ичинен жергиликтүү бюджет 29934,6 миң сом, атайын каражат 9275,1 миң сом, республикалык бюджеттен трансферт 684,8 миң сом, ал эми чыгаша бөлүгү жалпы 40 922,1 миң сом, анын ичинен атайын каражат 9857,8 миң сом өлчөмүндө аткарылгандыгы белгиленсин (1, 2, 3 Тиркемелер).

2. 2017-жылга Токтогул шаарынын жергиликтүү бюджетинин киреше жана чыгаша бөлүктөрү 37527,9 миң сомго 3,4,5 Тиркемелерге ылайык бекитилсин.

Анын ичинен төмөндөгүлөр эске алынсын:

Атайын каражат – 8547,5 миң сом;

Жергиликтүү салык, салыктык эмес жыйымдар – 28980,4 миң сом;

3. 01.01.2017-жылга карата кредитордук карыздар (Таблица 1) жана кайрылууларды кароонун жыйынтыгында бөлүнгөн акча каражаты (Таблица 2) ушул токтомдун 2 пункту менен бекитилген акча каражатынын эсебинен 5 Тиркемеге ылайык чыгымдалып, жумшалсын.

4. 2017-жылдын 1-апрелинен баштап чарбалык эсептеги “Ыңгайлуу шарт” муниципалдык ишканасы түзүлүп жаткандыгына байланыштуу 5 238,4 миң сом 2511 статьясы боюнча чыгымдалсын.

5. 2017-жыл үчүн Токтогул шаардык мэриясынын 1% резервдик фондунун жалпы көлөмү 285,0 миң сом өлчөмүндө бекитилсин.

6. 2017-жылдын 1-январынан баштап 2017-жылдын 31-декабрына чейин төмөндөгү кызматкерлерге, жумушчуларга тарификациядагы эмгек акыларына ай сайын үстөк акы кошумча төлөнүп берүү каралгандыгы эске алынсын (3 Тиркеме) :

-Токтогул шаардык мэриясынын 3 кенже тейлөө кызматкерине 2200 сомдон, 2 аппарат кызматкерине 3500 сомдон, 1 аппарат кызматкерине 2200 сомдон:

2111 – 189,6 миң сом айлык акыга;

2121 – 32,7 миң сом соц.фондго чегерүү;

Жалпы: 222,3 миң сом.

-Токтогул шаардык кеңешинин кенже тейлөө кызматкерлерине 2200 сомдон;

2111 – 52,8 миң сом айлык акыга;

2121 – 9,1 миң сом соц.фондго чегерүү;

Жалпы: 61,9 миң сом

-“Ынгайлуу шарт” комбинатындагы кызматкер жана жумушчулардын 1 квартал үчун айлык акысына:

2111 – 619,2 миң сом айлык акыга;

2121- 106,8 миң сом соц фондго чегерүү;

Жалпы: 726,0 миң сом

- “Эс алуу” багынын жумушчуларына 1 квартал үчүн айлык акысына:

2111 – 94,8 миң сом айлык акыга;

2121- 16,4 миң сом фондго чегерүү;

Жалпы: 111,2 миң сом

7. Бул токтомду аткаруу үчүн жергиликтүү бюджеттин киреше булагын түзүүчү салыктык жана салыктык эмес жыйымдардын топтолушун катуу көзөмөлгө алуу, ошондой эле ушул токтом менен бекитилген жергиликтүү бюджеттин каражаттарын аргументтелген документтерге таянып, максаттуу пайдалануу түздөн-түз шаар мэринин (М.Калмурзаев) жана ФЭБ башчысынын (Н.Кулузакова) жоопкерчилигинде экендиги баса белгиленсин.

8. Токтомдун аткарылышын көзөмөлдөө Токтогул шаардык кеңешинин “Экономика, бюджет, финансы каражаттары, чакан жана орто бизнес, менеджмент, маркетинг кызматы, кредит, инвестициялар” боюнча туруктуу комиссиясына (М.Солтоева) тапшырылсын.

9. Токтом мамлекеттик тилде кабыл алынды.

10. Токтомду мыйзамда каралган тартипте каттоого алуу, көчүрмөсүн тиешелүүлүгүнө жараша жөнөтүү жооптуу катчы С.Наралиевага тапшырылсын.

11. Бул токтом Токтогул шаардык кеңешинин www.toktogul.kg вебсайтына жайгаштырылган күндөн баштап күчүнө кирет.

Токтогул шаардык мэриясынын киреше бөлүгүнүн аткарылышынын

Анализи 2016-жылдын 12 айына (миң сом)

Токтогул шаарынын бюджетинин киреше бөлүгүнүн 2017-жылга түзүлүшүнүн долбоору