АК-КОРГОН АЙЫЛДЫК КЕӉЕШИ

ТОКТОМ

Ак-Коргон айылдык аймагынын айылдык Кеңешинин XXVI чакырылышынын кезектеги X сессиясы

2015-жылдын 24-февралы № 4-1

 Ак-Коргон айылдык аймагынын  калкын ичүүчү таза суу менен камсыз кылууну жөнгө салуу жөнүндө

Ак-Коргон айылдык аймагынын айылдык Кеңеши Кыргыз Республикасынын “Жергиликтүү өз алдынча башкаруу жөнүндө” Мыйзамынын 31-беренесине  таянып,

ТОКТОМ КЫЛАТ:

1. Ак-Коргон айылдык аймагында жергиликтүү калкты ичүүчү  таза суу менен камсыз кылуу үчүн "Ак-Коргон Тазалык" муниципалдык ишканасы менен ичүүчү таза суу пайдалануучулар ортосунда атайын келишимдин негизинде иш алып баруу жагы белгиленсин.

2. "Ак-Коргон Тазалык" муниципалдык ишканасы тарабынан ичүүчү таза суу пайдалануучуларга ичүүчү таза суусун жеткирип берүү боюнча тиркемеге ылайык  тарифи бекитилсин.

3. "Ак-Коргон Тазалык" муниципалдык ишканасы тарабынан ичүүчү таза сууну пайдалануучуларга жеткирип берүү боюнча тиркемеге ылайык атайын тарифи Кыргыз Республикасынын Өкмөтүнө караштуу монополияга каршы жөнгө салуу мамлекеттик агенттигинин Жалал-Абад облустук бөлүмү менен макулдашылсын.

4. Аталган токтом Жалал-Абад облустук "Акыйкат"  гезитине жарыялансын.

5. Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Ак-Коргон айыл өкмөтүно  милдеттендирилсин.

6. Бул токтомдун аткарылышын көзөмөлдөө Ак-Коргон айылдык Кеңешинин төрагасынын орун басары Матхаликов Дониерга милдеттендирилсин.

Ак-Коргон айылдык Кеңешинин

"24" -февраль 2015-жылкы

№4-1 токтомуна тиркеме

Ак-Коргон айыл Өкмөтүнүн алдындагы "Ак-Коргон Тазалык" муниципалдык ишканасы тарабынан таза суу пайдалануучуларга ичүүчү таза сууну жеткирип боюнча берүү тарифи

1. Суу эсептегич аркылуу жеткирилип берилген 1 м3 ге - 20 (жыйырма) сом.

2. Көчөдөгү суу түтүктөрүнүн суу пайдалануучулар үчүн айына:

- Ак-Коргон айылы үчүн - 30 (отуз) сом;

- Падек айыл үчүн - 50 (элүү) сом;

Ак-Коргон айылындагы  көчөдөгү суу түтүктөрү орточо 10 үй-бүлөгө 1 ден туура келет, Падек айылындагы  көчөдөгү суу түтүктөрү орточо 6 үй-бүлөгө 1 ден туура келет.

3. Суу эсептегич коюлгуча ар бир суу түтүгүнөн - 150 сом.

4. Суу эсептегич коюлусуунан баштап, суу түтүктөрүнөн пайдалангандыгы үчүн  айына - 300 (үч жүз) сом.

5. Суу эсептегичтердин пломбасын же болбосо краниктерди бузуу үчүн биринчи жолу - 3000 (үч миң) сом, экинчи жолу - 5000 (беш миң) сом, үчүнчү жолү - суу түтүгү үзүлөт.

6. Жаңы суу түтүгүн түшүрүп берүү келишимдин негизинде жүргүзүлөт.