КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 12-декабры № 662

Кыргыз Республикасынын Министрлер Кабинетинин энергетика чөйрөсүндөгү айрым чечимдерине өзгөртүүлөрдү киргизүү жөнүндө

Кыргыз Республикасынын Президентинин 2023-жылдын 16-февралындагы № 26 "Өлкөнү туруктуу өнүктүрүүгө илимдин салымын жогорулатуу боюнча чаралар жөнүндө" Жарлыгын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. "Кыргыз Республикасынын Энергетика министрлигине караштуу Энергетика жана экономика илимий-изилдөө институту" мекемеси "Кыргыз Республикасынын Энергетика министрлигине караштуу Энергетика илимий-изилдөө институту" мекемеси болуп кайра аталсын.

2. Кыргыз Республикасынын Министрлер Кабинетинин 2021-жылдын 6-ноябрындагы № 242 "Кыргыз Республикасынын Министрлер Кабинетинин түзүмү жана курамы бекитилгендигине байланыштуу уюштуруу чаралары жөнүндө" токтомуна төмөнкүдөй өзгөртүү киргизилсин:

- 4-пункттун 25-пунктчасында "Энергетика министрлигине караштуу Энергетика жана экономика илимий-изилдөө институту" деген сөздөр "Энергетика министрлигине караштуу Энергетика илимий-изилдөө институту" деген сөздөргө алмаштырылсын.

3. Кыргыз Республикасынын Министрлер Кабинетинин 2021-жылдын 15-ноябрындагы № 247 "Кыргыз Республикасынын Энергетика министрлигинин маселелери жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын Энергетика министрлигинин башкаруу схемасында:

- "Энергетика жана экономика илим-изилдөө институту" деген сөздөр "Энергетика илимий-изилдөө институту" деген сөздөргө алмаштырылсын.

4. Кыргыз Республикасынын Министрлер Кабинетинин 2021-жылдын 20-декабрындагы № 320 "Кыргыз Республикасынын Энергетика министрлигинин ведомстволук бөлүмдөрүнүн маселелери жөнүндө" токтомуна төмөнкүдөй өзгөртүүлөр киргизилсин:

1) 1-пункттун 4-пунктчасында "жана экономика" деген сөздөр алып салынсын;

5. Кыргыз Республикасынын Энергетика министрлиги ушул токтомдон келип чыгуучу зарыл болгон чараларды көрсүн.

6. Бул токтом расмий жарыяланган күндөн тартып он күн өткөндөн кийин күчүнө кирет.

Эркин Тоо газетасынын 2023-жылдын 15-декабрындагы № 99 (3548) саны менен жарыяланды