КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 4-марты № 95

Кыргыз Республикасынын Министрлер Кабинетинин 2021-жылдын 28-октябрындагы № 233 "Кыргыз Республикасынын Министрлер Кабинетинин регламенти жөнүндө" токтомуна өзгөртүүлөрдү киргизүү тууралуу

Ченемдик укуктук актылардын долбоорлорун макулдашуу жол-жобосун регламенттештирүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2021-жылдын 28-октябрындагы № 233 "Кыргыз Республикасынын Министрлер Кабинетинин регламенти жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын Министрлер Кабинетинин регламентинде:

- 54-2-пункт төмөнкүдөй мазмундагы абзац менен толукталсын:

"Маселени мамлекеттик органдын локалдык актысы менен чечүү зарылдыгы көрсөтүлгөн Юстиция министрлигинин корутундусу алынганда, Министрлер Кабинетинин актысынын долбоору Президенттин Администрациясы тарабынан каралууга тийиш эмес.";

- 54-4-пунктунда:

сегизинчи абзац төмөнкүдөй редакцияда баяндалсын:

"- Кыргыз Республикасынын эл аралык келишимдердин жана инвестициялык макулдашуулардын долбоорлорун жактыруусу жана макулдашуусу жөнүндө тескемелердин долбоорлорун кошпогондо, тескемелердин долбоорлору - 3 жумуш күн;";

төмөнкүдөй мазмундагы тогузунчу абзац менен толукталсын:

"- Кыргыз Республикасынын эл аралык келишимдердин жана инвестициялык макулдашуулардын долбоорлорун жактыруусу жана макулдашуусу жөнүндө тескемелердин долбоорлору - 10 жумуш күн.".

2. Бул токтом расмий жарыяланган күндөн тартып он күн өткөндөн кийин күчүнө кирет.